Iloilo News and Events

Nagatuman sa iya ginasaad ang dungganon nga tawo. Wala nagabag-o ang iya pasalig sa mga tawo nga nagbulig sa pagtib-ong agud iya nga mauyatan ang iya ginahandom kag ginadamgo. Diri nakilala si Governor Arthur Defensor Sr. Siya ang ginahimo nga halimbawa nga may pinasahi nga liderato agud nga maguyod ang probinsya sa kahimtangan nga ginapasidunggan, ginakilala kag ginadayaw sang tanan. Madamo sang nagadayaw kag nagatangla sa gobernador, ilabi sa mga yadtong nagabenepisyo sa iya liderato, sa mga yadtong yara sa iya nga nasakupan kag sa mga nakaagom sang iya nga kaalwan. Mabudlay puison, mabudlay ligwaton kag mabudlay nga guyuron sa tuhay nga panan-awan ang mga tawo nga nag-ayuhan paagi sa pagbenepisyo sa kaalwan sang gobernador. Subong nga Disyembre 25, nagasaulog sang iya kaadlawan ang gobernador sang probinsya sang Iloilo. Nagabaha ang mga panamyaw kag ang pagdayaw sa iya kag ang iban ginapaagi sa personal nga pagpalaab-ot sang mensahe ukon paagi sa social media. Kabay nga...

Nagalipas ang tanan nga pagkabutang sa kalibutan, buhi man ukon wala sang kabuhi. Kaangay sang tawo, nagagabuk man ang pader, nagakatuktukan man ang salsalon. Mahimo ka nga magkanugon apang ang tanan may higayon, ang tanan may tinion kag nagalipas santu sa natagna niya nga oras. Governor Arthur Defensor Sr. (photo by: The Daily Guardian) Samtang mabakod pa ang puno, masunson ang iya nga pagpamunga, ginatangla, ginasingit, ginadayaw, kag ginapakamahal sang mga nagatamod sa palibot. Apang, matapos ang pila ka higayon sang iya pagpamunga kag paglapta sang iya mga kaliwat nga iya ginalantaw magatal-os sa iya, ini ang amat-amat nga malaya, nagatapok ang sanga, nagakabali sa huyop sang mamadlos nga hangin, nagakawasak kon magtupa sa duta, kag ginawasay agud nga magolu sa kalan kag mangin sampat nga panggatong. Kaangay sini ang kahimtangan ni Governor Arthur Defensor Sr., nag-abot na ang panahon nga natungkad na sang iya kusog ang kisame sang kadalag-an kag angay na nga mag-idag...

Nagalanog ang 13 ka mga lingganay gikan sa ikaduha nga panalgan nga balkonahe sang St. Clement's Church sa tagsa ka may hiwaton nga balaan nga misa kag ilabi na karon nga pagpatigayon sang 'Simbang Gabi.' Mabatian ang mga lingganay nga nagatukar sang 'Joy to the World', 'Come All Ye Faithful', 'Silent Night', kag mga lalantunon sa tagsa ka may ginahiwat nga Novena mass. Naga-isahanon ang St. Clement's Church nga may carillon bells nga ginapalagting ni Winston Poblacion, kag ini man ang simbahan sa Pilipinas nga naghiwat sang pinakauna nga Novena mass. Nagalanog ang 13 ka mga lingganay paagi sa iya octave notes kag may magkatuhay nga kadakuon kag tono; nga tuhay sa iban nga mga simbahan nga recorded kag ginapatukar paagi sa electronics. Sadtong Setyembre 1952, nag-order si Fr. Francis Burns sang 13 ka lingganay gikan sa kompaniya nga Gillet & Johnston nga nabase sa London, England kag kilala nga taghimo sang de kalidad nga mga orasan...

Nagluntad ang vehicular accident sa tunga sang traysikad kag sang motorsiklo sa atubang sang Banate National High School kahapon ala 1:55 sang hapon, Disyembre 12. Ginhingagaw padangat sa Barotac Viejo District Hospital ang driver sang traysikad nga si Larico Emilio, 64-anyos, kag residente sang Barangay Magdalo, Banate, apang ini ang gindeklarar nga dead on arrival nga nakaagom sang patal nga pilas sa iya nga ulo. Ginatudlo naman nga driver sang Suzuki Raider 150 ang 15-anyo s nga si alyas 'Ger' kag may angkas ini nga si Emmanuel Badilles, 18-anyos, sang Barangay San Lucas, Barotac Viejo kag sila ang lunsay wala sang nasuksok nga helmet. Istable na ang kondisyon ni Badilles sa ospital nga nagsiling nga iya ginsaway si alyas 'Ger' bangud madasig ang pagpadalagan sang motorsiklo apang wala nagpati rason nga sila ang naaksidente kag padayon nga ginabulong sa ospital si alyas 'Ger' bangud man sa patal nga pila sa ulo. *Nagapanugyan ang 'Ang Kabuha...

Masami ini nga palaligban sang mga luyag magnegosyo. Kahibalo ka bala nga ang House of Representatives nag-aprubar sang paagi kon paano mapabakod, madugangan sang gahum, kag mapasanyog ang financing programs para sa micro, small and medium enterprises ukon MSMEs? Paagi sa voice voting, napasar sa second reading ang House Bill 8714 nga nagatuyo sa pag-amendar sa Republic Act 6977 ukon ang ‘Magna Carta for Micro, Small and Medium Enterprises.’ Ginamandu sang hagna sa national government, sa iya mga bureau, mga opisina, kag mga ahensya nga magpain sang 10 percent sa tanan sini nga procurement opportunities para sa goods kag services sa mga eligible MSMEs. Makatan-ay man sang tanan nga sahi sang financial assistance ang Small Business Corp. Ukon SB Corp. Sa tanan nga eligible MSMEs magluwas lang sa grants kag subsidies. Salamat sa paghimakas sang ‘Ang Kabuhayan Partylist’ nga matalupangdan ang magagmay nga mga negosyante kag mabuligan sa ila palangabuhian. Gani ato...

Athagon naton nga ang Salary Standardization Law isa ka national law kag mapasar man sang local government ukon indi ang badyet para sa masunod nga tuig, ang saka sa sweldo ang madayon kag maga-epekto. Nasaad sa Executive Order 301, series of 2016, ilabi na sa Section 11, nga ang 4th tranche sang saka sa sweldo sa idalom sang SSL ang maga-epekto sa Enero 1, 2019. Engkaso nga sa Marso 2019 pa mapasar sang Sangguniang Panlalawigan ang bag-o nga badyet, ang ila sweldo ang may retroactive effect sa Enero tubtub Pebrero 2019. Indi matuod nga kon indi mapasar ang 2019 annual appropriations sang probinsya malugaw-an na ang mga empleyado sa kapitolyo. Nagapanganduhoy lamang ang gobernador kag ginabangil ang interes sang empleyado agud nga magreklamo kontra sa mga board member. Kuntani pasangkaron man sang tanan ang ila paminsaron, tungkaron ang matuod nga impormasyon agud nga indi maulamid sa makaduluda kag makasalangisag nga pahayag. Wala sang may magutman nga empleyado sa kapitol...

Nagapalupad sang sugilanon ang administrasyon ni Governor Arthur Defensor Sr, ginapalapta ang kahangawa kon indi mapasar sang Sangguniang Panlalawigan ang 3.7 billion pesos nga badyet para sa tuig 2019 antes ang Disyembre 30, 2018. Kon indi mapasar ang 2019 nga badyet, gamiton sang kapitolyo ang badyet kaangay sa napondohan sa tuig 2018 ukon reenacted budget kag ang mga bag-o nga programa kag proyekto nga ginaduso para sa 2019 ang indi mapondohan. Ginapalapta nila ang ila kahangawa paagi sa pagsiling nga magutman ang mga empleyado kag mabutang sa peligro ang 4th tranche sang saka sa sweldo sang mga regular employees nga ginamandu sang Salary Standardization Law kag indi magamit ang 20 percent development fund sa idalom sang reenacted budget. Ginakibang ang gobernador sa landong sang iya nagliligad kon sa diin sadtong iya bata nga si Congressman Toto Defensor ang chairman sang appropriations committee sang siya pa ang board member, ila man ginhimo ang nasambit nga bagay kon sa d...

Happy Birthday! Congressman Richard Garin 1st District, Province of Iloilo # AngKabuhayanPartylist # AngKabuhayanPartylistIloilo # iloilonews

lantawa ang mga iwag nagasaot, tuman kasanag kuntani, kaangay sina ang kabuhi maduagon, masadya kag pinasahi maagom mo ang kasulhayan paagi sa party list nga masaligan ang adbokasiya, para sa palangabuhian ang handom, para sa imo katin-aran #AngKabuhayanPartylist #AngKabuhayanPartylistIloilo #iloilonews

Madamo sang magagmay nga negosyante sa kabarangayan ang nagautang sa mga 'Bombay' ukon sa 5-6 nga mas mataas ang interes. Ginaagwanta nila ang ini nga sistema bangud nga wala sila sang iban nga opsyon magluwas sa pagpalapit sa 'Bombay.' May mga nagasulod na subong nga mga lending company sa mga barangay kag may mga bangko nga nagatan-ay sang micro-lending nga mas manubo ang interes kaysa sa 5-6 nga sistema. Lipod sa ihibalo sang tanan, ginaduso sang 'Ang Kabuhayan Partylist' nga masolusyunan ang ini nga palaligban sang mga magagmay nga negosyante. Luyag sang 'Ang Kabuhayan Partylist' nga madihon ang kasuguan nga sa tagsa ka pondo nga mabaton sang barangay gikan sa ila Internal Revenue Allotment ukon IRA gikan sa national government, dapat may bahin diri nga ipautang sa mga pumuluyo nga naga-negosyo, agud nga indi sila malumos sa interes sang mga lending company. Manami lantawon nga may istruktura nga natindog sa barangay apang mas mana...

ISA KA BALA SA ILA? Naglab-ot na sa 11,194 ang bag-o nga applications kag renewals sang business permit sa syudad sang Iloilo nga na-release umpisa Enero tubtub Marso 2018 nga mas madamo ipaanggid sa 10,000 nga nabalhag sang 2017. Ginpahayag sang Business Permit and Licensing Office ukon BPLO nga ila ginlauman ang dugang nga 2,000 ka bag-o nga mga negosyo sa merchandising, trading kag tourism-related industries sa sini nga tuig. Sa sini nga datus, nagapatimaan lamang nga mas madamo ang nagasulod sa pagnegosyo. Madamo sang mga empleyado ang naga-grupo-grupo kag naga-ambit sang ila tagsa ka kapital agud nga mas makatipon sang daku nga kapital para sa ginatuyo nga negosyo. Lantawa ang mga Diversion Road kag mga establisemyento nga nahamtang sa palibot, lunsay mga negosyo nga ang nagapanag-iya pamilya, ukon grupo, ukon solo nga negosyante. Indi kinahanglan ang daku nga kapital. Kaangay sa nasiling na, ang tanan nga daku nagagikan sa gamay. Kinahanglan lang ang determinasy...

GAMITON SANG HUSTO photo: from the web Nagayuhum ka na naman kay manugpaskwa na kag nagapaabot ka na sang imo nga 13th month pay. Madamo ka na sina sang kwarta. Apang ang ina nga kwarta madali lang maubos kon indi ka kahibalo magtipig, kon indi ka kahibalo kon paano ini gamiton kag kon paano ini padamuon. Nagapaminsar ka sa pag-surf sa internet, gusto mo mahibaluan kon ano ang mga maayo nga patikang agud nga magiyahan ka sa pag-uyat sang imo nga kwarta. Kadamuan sa mga artikulo kag mga topiko ang ginabalhag sang mga bangko kag sang mga 'kuno' may ihibalo sa kon paano dapat gastuhon ang kwarta. May nagasiling nga dapat bayaran ang utang, magpasad sang emergency fund, amligan ang financial future, mag-invest sa stocks ukon mutual funds, mag-invest sa kaugalingon, magsugod sang gamay nga negosyo, dapat magganar sa mga huyog, kag magdonar sa mga charity. Nagalibog ang imo ulo kon ano ang imo unahon, kon ano ang imo pilion, kon matatapan sang imo ginauyatan nga kwart...

Everyone is invited to witness the colorful display of lights.  The season has come for everyone to enjoy and to share the essence of christmas. Be part of this event. Share it with your family  and friends.

Find time to see the marvel of lights.  Feel the spirit of Christmas. Bring your  love ones and friends, share with them this special moment. Fill your Christmas season with good memories. Share happiness by sharing your gift of time. Don't forget the date. See you!

Nagapanalupsop na ang katugnaw sang hangin, ilabi na sa tagsa ka kagab-ihon, nagapabatyag na ang ispirito sang paskwa. Kadungan sini, nagapanaluhot man sa aton paminsaron kon sa diin naman kita magapangita sa aton inugbakal sang regalo agud nga malipay ang aton pamilya kag aton mga ihado kag ihada. Kon ano katuyom ang huyop sang matugnaw nga hangin, amo man kadalom ang tungkad sang aton paminsaron. Kinahanglan naton nga mangita sang ekstra nga paagi agud nga makatipon sang  dugang nga kwarta, indi mahimo nga tublagon ang sweldo nga may nakapartiniser na. Dapat subong pa lang may gamay kita nga negosyo magluwas sa ginabaton nga sweldo. Nakapaminsar ka na bala kon paano mo padakuon ang kwarta nga imo ginabaton? Kon ano nga negosyo ang imo sudlon?  Naapresyar mo na bala ang 'Kabuhayan' nga dapat mo hatagan sang tion, padakuon kag pasanyugon? Dapat tandaan nga "Ang Kabuhayan sagot sa Kahirapan." # iloilonews # AngKabuhayanPartylist # DanielLaogan