Skip to main content

MGA ILONGGO, NAKAPAMAT-UD NA ANTES ANG PAGSUGOD SANG KAMPANYA

Naglindo-lindo na karon ang kampo sang mga kasumpong kon paano sagangon ang tuman ka baskog nga suporta sang probinsya sang Iloilo sa kay Dok Ferj Biron.

Maathag nga sa asud-asud nga survey, nagapangibabaw ang suporta sang pumuluyo. Natukiban na sang probinsya sang Iloilo nga indi matuod kag lunsay kabutigan ang mga isyu nga ginahaboy nila batok kay Dok Ferj Biron. Luyag nila nga pakalainon si Dok Ferj Biron samtang ginasebinan nila sang kabutigan ang ila kaugalingon agud nga mangin tinlo sila kon tulukon. Indi na nila mapatalang pa ang pumuluyo nga nakahibalo na sang kamatuoran. Natakus na sang panahon nga ang kamatuoran amo ang mapag-on nga salandigan batok sa mga sugilanon nga patalang.

Sa pinakaulihi nga survey nga ginhiwat sang Philippine Survey and Research Center ukon PSRC sadtong Pebrero 16 tubtub 21 sa sini nga tuig, sa pagpamangkot sa 500 ka rehistrado nga mga botante sa probinsya sang Iloilo, gindominar ni Dok Ferj Biron ang pagka-gobernador sa probinsya sang Iloilo.

Gindominar ni Dok Ferj Biron ang resulta sang survey nga may 52%, samtang 38% lang si Cong. Arthur Defensor.

Image may contain: 12 people, people smiling, crowd

Sa 1st district:
BIRON  - 66%
Defensor - 20%

Sa 2nd district:
BIRON   - 44%
Defensor -  42%

Sa 3rd district:
Defensor  - 73%
BIRON   - 25%

Sa 4th district:
BIRON  -  73%
Defensor -  18%

Sa 5th district:
BIRON    - 55%
Defensor -  34%

Maathag nga sa apat ka distrito, daku ang abanse ni Dok Ferj Biron kag bisan pa nga nagapanguna sa iya kaugalingon nga distrito si Defensor apang ini ang matabunan kag malabawan sang abanse ni Dok Ferj Biron sa iya mismo nga distrito nga 4th district kag sa tatlo pa gid ka distrito.

Masanag na ang pagkambyo sang liderato sa kapitolyo. Nagahingapos na ang pagserbisyo sang mga Defensor kag nagatukal na ang taklob sang lata nga puno sang ginamos nga ang amyon nagapangintuos.

Naluod na ang mga pumuluyo. Luyag nila nga magtilaw sa serbisyo sang matuod nga doktor nga naga-ulikid sa mga pigado kag nagahandom nga mabatak sa kapigaduhon ang probinsya sang Iloilo.

Nabatyagan sang mga pumuluyo sa mga maligwin nga lugar, sa mga yara nagapuyo sa kabukiran, ang pag-ulikid sa ila ni Dok Ferj Biron nga amo lang ang nagtalupangod sa ila sitwasyon kag nagsolbar sang ila mga palaligban nga madugay na nga ginaagunto sa matag-adlaw nga tanan.

Patimaan ang survey sang pagkamarasmas sang mga pumuluyo sa probinsya sang Iloilo nga indi sila sa maoy nga liderato, indi sila sa mahilig magpatalang nga tawo, kag sa nagapakuno-kuno nga matinlo kag maayo.

Nakapamat-ud na ang mga Ilonggo. Ila ginapaalinton sa ila mga himata, mga abyan, mga kasimaryo kag sa tanan nila nga malab-ot nga dapat ugyunan ang pagbag-o, dapat dag-on ang puturo sang Iloilo paagi sa pagsakdag kay Dok Ferj Biron nga may masangkad kag masanag nga panan-awan sa kon paano mabatak sa kapigaduhon ang probinsya sang Iloilo.

Antes pa man magsugod ang kampanya, nakapamat-ud na ang mga pumuluyo sa probinsya sang Iloilo. Makita na sa ila nawong kag ginasugid na sang ila mga mata ang paglaum gikan kay Dok Ferj Biron.
#iloilonews

Comments

Post a Comment

Popular posts from this blog

LAWAS SANG KONDUKTOR SANG BUS, NATUNGA KAG NADUNOT MATAPOS LASAKON SANG KOTSE KAG TRAK

Nadalahig sa doble aksidente ang isa ka lalaki nga konduktor sang bus matapos mabungguan sang duha ka salakyan sa General Trias, Cavite. Suno sa report, bag-o lang nanaog sa bus ang biktima kag maga-park kuntani sang hinali na lang ini nga ginbungguan sang salakyan. Bangud sa kadasigon sang insidente, wala na makalikaw ang masunod nga dump truck rason nga nabungguan ang biktima kag naguyod sa highway. Nautod ang hawak kag naibabaw nga bahin sang lawas sang biktima, sa diin ginabulubanta nagalab-ot sa apat ka metros ang distansya sa tunga nila. Samtang, gilayon naman nga nadakpan sang kapulisan ang driver sang salakyan nga una nga nakabunggo sa biktima, samtang padayon naman ang pagpangita sang mga otoridad sa driver sang nasambit nga dump truck. #iloilonews
Post a Comment
Read more

TELUS International Philippines celebrates a decade of support to communities with Brigada Eskwela in Iloilo

ILOILO CITY – TELUS International Philippines (TIP), a leading AI-fueled customer experience and business process solutions provider, is proud to celebrate its tenth year supporting public school students and teachers through the Department of Education’s (DepEd) Brigada Eskwela program. As part of the 10th anniversary celebration, the company announced the expansion of its team members’ volunteer efforts to include Iloilo as part of their annual TELUS Days of Giving (TDOG) activities. More than 200 volunteers from TIP's Iloilo sites as well as public school teachers and students from Ramon Avanceña National High School, came together for the inaugural TDOG Brigada Eskwela volunteer effort in Iloilo. Their mission was twofold: to foster the spirit of volunteerism and to create safe and conducive learning environments for more than 4,300 high-school students and 120 educators in Iloilo ahead of the school’s re- opening in July. Volunteers engaged in activities such as painting c...
Post a Comment
Read more

GRADE 3 STUDENT, NA-COMATOSE SA KASTIGO SANG MGA HIGH SCHOOL STUDENTS

 Viral sa social media ang isa ka grade 3 student nga ginpulihan kastigo sang high school students sa Iligan City. Suno sa report, ginabulubanta yara sa apat ka kalalakihan ang nagkastigo sa 9 ka tuig nga bata nga lalaki nga estudyante sang Maria Cristina Falls Elementary School. Makita sa video ang pag-atake sa biktima kon paano nagbayluhanay sang sumbag kag sipa ang mga high school students sa iya lawas. Bangud sini, yara na sa Intensive Care Unit (ICU) ang biktima matapos nga nag-angkon sang nagkalain-lain nga pilas, partikular sa iya ulo. Sa separado nga pahayag, ginkondenar ni Iligan City Mayor Freddie Siao ang mabudlay nga kahimtangan sang biktima kag ginpahayag nga nakahatag na ini sang bulig sa pamilya sang biktima kag sa karon naga-coordinate sa mga otoridad. “I am deeply saddened and disturbed by the tragic incident involving a Grade 3 pupil of Maria Cristina Falls Elementary School, who is now fighting for his life in the ICU after being brutally attacked by a group of h...
Post a Comment
Read more