BAG-O NGA LIDERATO, LAUMAN NA SA KAPITOLYO

Masanag pa sa butlak sang tungang-adlaw ang palaabuton nga kadalag-an ni Dok Ferj Biron.

Kaangay sang masingkal nga init ang pagbaton sa iya sang mga pumuluyo sa tagsa ka lugar nga iya ginapadulungan.

Gina-abi-abi siya sang ginahidlaw nga mga pumuluyo. Nahidlaw sila sa ila ginahandom nga liderato, nahidlaw sila nga makita ang paglaum, nahidlaw sila nga makita ang puturo sang Iloilo.

Inadlaw na lang ang ginahulat agud pormal nga makapangalagad ang bag-o nga gobernador sa probinsya sang Iloilo. Ginalantaw sang mga eksperto nga magaabanse si Dok Ferj Biron sang kapin sa 60,000 ka mga boto gikan sa iya mahuyang nga kasumpong.

Image may contain: 2 people, crowd and outdoor

First District (Guimbal, Iloilo)

Base sa pinakaulihi nga survey sang Random Access Consultants, Inc. Ukon RACI nga may 5,030 ka respondents, may 1.4% nga margin of error, kag 95 % nga level of confidence, kag ini ang ginhiwat sadtong Marso 26 tubtub Abril 3, 2019, nagapakita ang masanag nga kadalag-an ni Dok Ferj Biron.

Naggamit ang survey sang Multi-Stage Probability Sampling sa pagpili sang mga respondent gikan sa 405 ka mga barangay sa probinsya sang Iloilo. Gintipon ang datus paagi sa face-to-face nga pagpamangkot sa mga respondent nga kapin 18-anyos ang edad kag rehistrado nga botante sa probinsya sang Iloilo.

Image may contain: one or more people, people standing, crowd and outdoor

Second District (Zarraga, Iloilo)

Kapin sa 51.7 percent sang mga respondent ang nagpili kay Dok Ferj Biron, kag ini ang mas mataas sang 4.5 percent sa survey sadtong Disyembre 8 tubtub 14, 2018 nga ginhiwat man sang RACI.

Nagsarurot si Congressman Arthur Defensor Jr. nga nakakwa lang sang 45.9 percent ukon 5.6 percent nga pagnubo gikan sa 51.5 percent nga puntos sadtong Disyembre 2018 nga survey.

Third District (Cabatuan, Iloilo)

Samtang nagadugay, nagalas-ay ang pumuluyo kay Defensor samtang mas ginapalangga, ginapili kag ginakahamut-an sang pumuluyo si Dok Ferj Biron.

Mas nareyalisar nila nga dapat islan ang nagapungko sa kapitolyo sang mas may ikasangkol, sang mas mapisan, sang mas maalam, sang mas naga-ulikid sa mga pigado kag ginadaug-daug.

Image may contain: 3 people, crowd and outdoor

Fourth District (Barotac Nuevo, Iloilo)

Napanas na ang ngalan sang Defensor sa balatyagon kag paminsaron sang pumuluyo. Nabuslan na sang ila ginahandom nga paglaum nga ginabitbit ni Dok Ferj Biron. Handa sila nga magpakigbatu agud nga dag-on ang puturo sang Iloilo.

Image may contain: 10 people, crowd and outdoor

Fifth District (Concepcion, Iloilo)

Nakadesisyon na ang pumuluyo sa probinsya sang Iloilo. Wala na sang pagligwat kag pagkalingkang nga mabatyagan. Mapag-on na nga napagkit sa ila panghuna-huna kag dughan nga si Dok Ferj Biron ang ila paga-updan.

Bag-o nga liderato, lauman na sa kapitolyo.

#iloilonews

Comments

LAWAS SANG KONDUKTOR SANG BUS, NATUNGA KAG NADUNOT MATAPOS LASAKON SANG KOTSE KAG TRAK

Nadalahig sa doble aksidente ang isa ka lalaki nga konduktor sang bus matapos mabungguan sang duha ka salakyan sa General Trias, Cavite. Suno sa report, bag-o lang nanaog sa bus ang biktima kag maga-park kuntani sang hinali na lang ini nga ginbungguan sang salakyan. Bangud sa kadasigon sang insidente, wala na makalikaw ang masunod nga dump truck rason nga nabungguan ang biktima kag naguyod sa highway. Nautod ang hawak kag naibabaw nga bahin sang lawas sang biktima, sa diin ginabulubanta nagalab-ot sa apat ka metros ang distansya sa tunga nila. Samtang, gilayon naman nga nadakpan sang kapulisan ang driver sang salakyan nga una nga nakabunggo sa biktima, samtang padayon naman ang pagpangita sang mga otoridad sa driver sang nasambit nga dump truck. #iloilonews

GRADE 3 STUDENT, NA-COMATOSE SA KASTIGO SANG MGA HIGH SCHOOL STUDENTS

Viral sa social media ang isa ka grade 3 student nga ginpulihan kastigo sang high school students sa Iligan City. Suno sa report, ginabulubanta yara sa apat ka kalalakihan ang nagkastigo sa 9 ka tuig nga bata nga lalaki nga estudyante sang Maria Cristina Falls Elementary School. Makita sa video ang pag-atake sa biktima kon paano nagbayluhanay sang sumbag kag sipa ang mga high school students sa iya lawas. Bangud sini, yara na sa Intensive Care Unit (ICU) ang biktima matapos nga nag-angkon sang nagkalain-lain nga pilas, partikular sa iya ulo. Sa separado nga pahayag, ginkondenar ni Iligan City Mayor Freddie Siao ang mabudlay nga kahimtangan sang biktima kag ginpahayag nga nakahatag na ini sang bulig sa pamilya sang biktima kag sa karon naga-coordinate sa mga otoridad. “I am deeply saddened and disturbed by the tragic incident involving a Grade 3 pupil of Maria Cristina Falls Elementary School, who is now fighting for his life in the ICU after being brutally attacked by a group of h...

KONSEHAL NGA ABOGADO, GINLEKTYURAN SANG INHENYERO TUHOY SA IYA TRABAHO SA KONSEHO?

Nagpadala sang sulat si Engr. Roy Pacanan, ang OIC District Engineer sang DPWH-Iloilo City District Engineering Office (ICDEO) sa kay City Councilor Romel Duron bilang sabat sa imbitasyon sang Sangguniang Panlungsod angot sa Resolution no. 2025-735 nga may tigulo "A Resolution Calling for an Investigation in Aid of Legislation before the Iloilo City Council over All Private and Public Works Along Rivers, Creeks and Waterways in the City of Iloilo". Ginpahanumdom sang inhenyero ang abogado nga ang gahum sa pagpangusisa ukon investigation in aid of legislation, nga gintugyansa Senado kag Kongreso sang 1987 Constitution, wala nagasakop sa local legislative bodies. Kon wala sang pahayag nga nagadumili sa Sanggunian sa pag-imbitar sang resource person para sa legislative hearing, dapat maresolbar anay ang ini nga mga isyu antes ang imbitasyon: Una, ang imbitasyon ukon nasambit nga resolution wala sang may natumod nga proposed ordinance nga nagakinahanglan sang imbestigasyon. Basi...

Iloilo News and Events

Search This Blog