SANGGUNIANG PANLALAWIGAN, NAGAPANAWAGAN SA ILECO 1,2, KAG 3 NGA IPAIWAY ANAY ANG PAG-UTOD SA MGA KUNTADOR

Nakalab-ot sa Sangguniang Panlalawigan ang madamo nga reklamo sang mga pumuluyo sa probinsya sang Iloilo tuhoy sa tuman ka taas nga sukot sa kuryente ukon mataas ang rate sa ila electric bill.

Sa radio program nga Sanggunian In Action, ginpahayag ni Vice Governor Christine "Tingting" Garin nga nagpasar ang Sangguniang Panlalawigan sang resolution nga ipatawag ang tatlo ka general manager sang ILECO 1, 2 kag 3 agud nga magpaathag kon ngaa mataas ang sukot nga napagkit sa mga electric bill ang mga konsumidor.

Luyag nila nga magtambong ang tatlo ka general manager sa Hulyo 30 sa pagahiwaton nga committee hearing sang Committee on Transportation, Communication and Public Utilities sang Sangguniang Panlalawigan sa pagpamuno sang committee chairman nga si Board Member Ramon Sullano.

Nagpasar sila sang resolution nga i-"hold in abeyance" anay ang pag-utod sang kuntador sang mga konsumidor kag nagalaum sila nga pamatian sang tatlo ka ILECO ang ila pangabay.

Bangud sa limitado nga lugar sa session hall kag bangud sa ginapatuman nga health protocol, ang mga consumer group ukon mga indibidwal nga luyag magpalab-ot sang ila reklamo ang mahimo magpakig-angot sa opisina ni Board Member Ramon Sullano.

Mas manami nga may picture ukon screenshot sang electric bill nga ipadala sa messenger nga may malip-ot nga impormasyon tuhoy sa reklamo kag detalye sang mahimo kontakon tuhoy sa sini nga reklamo.

Ginalauman ang pagpadala sang mga reklamo tubtub sa Miyerkules, Hulyo 29, alas 6:00 sang gab-i agud may bastante nga higayon nga maduso ukon ma-endorso ang reklamo.

#iloilonews

#VGTingtingGarin

#SPI

Comments

TELUS International Philippines celebrates a decade of support to communities with Brigada Eskwela in Iloilo

ILOILO CITY – TELUS International Philippines (TIP), a leading AI-fueled customer experience and business process solutions provider, is proud to celebrate its tenth year supporting public school students and teachers through the Department of Education’s (DepEd) Brigada Eskwela program. As part of the 10th anniversary celebration, the company announced the expansion of its team members’ volunteer efforts to include Iloilo as part of their annual TELUS Days of Giving (TDOG) activities. More than 200 volunteers from TIP's Iloilo sites as well as public school teachers and students from Ramon Avanceña National High School, came together for the inaugural TDOG Brigada Eskwela volunteer effort in Iloilo. Their mission was twofold: to foster the spirit of volunteerism and to create safe and conducive learning environments for more than 4,300 high-school students and 120 educators in Iloilo ahead of the school’s re- opening in July. Volunteers engaged in activities such as painting c...

ANUM KA PAMILYA SA SAN ENRIQUE, GIN-RESCUE

ANUM KA PAMILYA SA SAN ENRIQUE, GIN-RESCUE Naghiwat sang Rescue Operation ang San Enrique Fire Station nga ginapamunuan ni SFO3 Girlie May Gimotea kaupod ang San Enrique MDRRMO sa idalom sang supervision ni Chris Palomado sa Brgy. Lip-ac, San Enrique, Iloilo takna alas tres sang hapon sini nga Martes, Oktubre 10, 2023. Pag-abot sang BFP kag MDRRMO personnel, gin-asisteran nila ang anum ka panimalay nga ginatapuan sang 19 ka mga indibidwal kag gilayon nga gindala sa San Enrique Evacuation Center para sa temporaryo nga pasilungan. Nahibaluan nga nagmunog ang pagbubo sang ulan nga nagresulta sang pagbaha sa nasambit nga lugar. Sa bahin sang Sitio Morobuan, Brgy. Compo, kapin sa 80% sang pumuluyo ang nagbakwit takna alas 5:30 sang hapon bangud man sa baha. #iloilonews

LIGA NG MGA BARANGAY, MAGAHIWAT SANG NATIONAL ASSEMBLY UMPISA SA HUNYO 3...

LIGA NG MGA BARANGAY, MAGAHIWAT SANG NATIONAL ASSEMBLY UMPISA SA HUNYO 3 TUBTOB HUNYO 12 SA PALAWAN Magahiwat sang National Assembly ang Liga ng mga Barangay sa bug-os nga pungsod umpisa sa Sabado, Hunyo 3, 2023, tubtob sa Lunes, Hunyo 12, 2023 didto sa Puerto Princesa City, Palawan. Ginpahayag ni Ex-Officio Board Member Dorothy Paes, ang Liga ng mga Barangay - Provincial Federation President, nga bangud tuman ka damo sang barangay kag diri pa lang sa probinsya sang Iloilo may yara na sang 1,721 ka barangay nga indi maakomodar sa isa lang ka venue kag isa lang ka hugnat. Ginsiling sini nga nangin malawig ang hiwaton nga national assembly tungod nga ila ini ginpahat-pahat sa tatlo ka batch kag didto hiwaton sa Puerto Princesa City, Palawan tungod isa ini ka Clustered General Assembly. Gilayon man sini nga ginpalab-ot sa mga Liga Chapters president ang iya nabaton nga sulat gikan sa Liga National, nga nagpaalinton man sa mga punong barangay nga luyag nga magtambong kag sa mga may pondo p...

Iloilo News and Events

Search This Blog