ILOILO SP, NAGAPAKIG-UNONG SA PAGTALIWAN NI RODOLFO 'RUDY' FERNANDEZ

Ginduso ni 5th District Board Member Carol-V Espinosa-Diaz sa 121st Regular Session sang 13th Sangguniang Panlalawigan ng Iloilo ang resolution nga nagapahayag sang pagpakig-unong sa pagtaliwan ni Rodolfo 'Rudy' Fernandez kag pagpasidungog sa iya legasiya.

Ang resolution may tigulo "A Resolution Expressing Sincere Condolences Over the Passing of Rodolfo 'Rudy' Fernandez and Honoring His Legacy as the Only One-Legged Triathlete and Pride of Iloilo."

Ginbun-ag siya sadtong Disyembre 5, 1947 sa Ajuy, Iloilo kag nangin sports star matapos nagdaug sang bulawan nga medalya sa 1,500-meter run sa 1969 Track & Field National Open, silver kag bronze medals sadtong 1972 sa athletic competition sa Singapore.

Sadtong 1978, nadulaan siya sang tuo nga tiil sang may naglupok nga granada sa sulod sang sinehan sa syudad sang Iloilo.

Bisan pa sa iya kahimtangan, naghiwat siya sang one-legged 105 kilometer run sadtong 1983 gikan sa Sara tubtub sa syudad sang Iloilo agud makatipon sang pondo; kag sadtong Oktubre kag Nobyembre 1987 kag Hulyo 1991 naghiwat siya sang endurance run para makatipon sang pondo para sa magkatuhay nga charitable institution.

Sadtong Mayo 1995, ginlangoy sini ang tatlo ka kilometro nga lawod gikan sa Buenavista, Guimaras tubtub sa Iloilo City agud makatipon sang pondo para sa Philippine National Red Cross.

Sadtong Hulyo 1995, agud makatipon sang pondo para sa Association of Disabled Persons paagi sa paglangoy sa 28 ka kilometro nga lawod gikan sa Buenavista, Guimaras tubtub sa Bacolod City.

Gintawag siya nga "Hero of Today" sang Reader's Digest bangud sa iya philanthropic initiatives.

Nag-bike siya gamit ang isa ka tiil gikan sa Campo Delgado sa Iloilo City padulong sa Camp Peralta sa Jamindan, Capiz agud makatipon sang pondo sa pilason nga mga suldado kag nagkakalapukan sa armado nga konplikto sa tunga sang pwersa sang gobyerno kag mga rebelde nga Moro sa Mindanao nga gikan sa Panay.

Nangin torch bearer sang 2001 South East Asian Games kag 2005 Palarong Pambansa.

Nagbalhag sang world record paagi sa pag-pedal sa palibot sang La Paz plaza sa sulod sang 24 ka oras.

Nagtaliwan siya sadtong Enero 2, 2022.

Gin-aprubahan unanimously ang resolution sang mga katapo sang 13th Iloilo SP nga ang sponsor amo si 5th District Board Member Carol-V Espinosa-Diaz kag co-sponsor si Vice Governor Christine 'Tingting' Garin.

Personal nga ginbaton sang anak sini nga si Fritz Robles Fernandez ang resolution nga gin-aprubahan sang 13th Iloilo SP.

via Sanggunian In Action

#iloilonews

Comments

LAWAS SANG KONDUKTOR SANG BUS, NATUNGA KAG NADUNOT MATAPOS LASAKON SANG KOTSE KAG TRAK

Nadalahig sa doble aksidente ang isa ka lalaki nga konduktor sang bus matapos mabungguan sang duha ka salakyan sa General Trias, Cavite. Suno sa report, bag-o lang nanaog sa bus ang biktima kag maga-park kuntani sang hinali na lang ini nga ginbungguan sang salakyan. Bangud sa kadasigon sang insidente, wala na makalikaw ang masunod nga dump truck rason nga nabungguan ang biktima kag naguyod sa highway. Nautod ang hawak kag naibabaw nga bahin sang lawas sang biktima, sa diin ginabulubanta nagalab-ot sa apat ka metros ang distansya sa tunga nila. Samtang, gilayon naman nga nadakpan sang kapulisan ang driver sang salakyan nga una nga nakabunggo sa biktima, samtang padayon naman ang pagpangita sang mga otoridad sa driver sang nasambit nga dump truck. #iloilonews

GRADE 3 STUDENT, NA-COMATOSE SA KASTIGO SANG MGA HIGH SCHOOL STUDENTS

Viral sa social media ang isa ka grade 3 student nga ginpulihan kastigo sang high school students sa Iligan City. Suno sa report, ginabulubanta yara sa apat ka kalalakihan ang nagkastigo sa 9 ka tuig nga bata nga lalaki nga estudyante sang Maria Cristina Falls Elementary School. Makita sa video ang pag-atake sa biktima kon paano nagbayluhanay sang sumbag kag sipa ang mga high school students sa iya lawas. Bangud sini, yara na sa Intensive Care Unit (ICU) ang biktima matapos nga nag-angkon sang nagkalain-lain nga pilas, partikular sa iya ulo. Sa separado nga pahayag, ginkondenar ni Iligan City Mayor Freddie Siao ang mabudlay nga kahimtangan sang biktima kag ginpahayag nga nakahatag na ini sang bulig sa pamilya sang biktima kag sa karon naga-coordinate sa mga otoridad. “I am deeply saddened and disturbed by the tragic incident involving a Grade 3 pupil of Maria Cristina Falls Elementary School, who is now fighting for his life in the ICU after being brutally attacked by a group of h...

KONSEHAL NGA ABOGADO, GINLEKTYURAN SANG INHENYERO TUHOY SA IYA TRABAHO SA KONSEHO?

Nagpadala sang sulat si Engr. Roy Pacanan, ang OIC District Engineer sang DPWH-Iloilo City District Engineering Office (ICDEO) sa kay City Councilor Romel Duron bilang sabat sa imbitasyon sang Sangguniang Panlungsod angot sa Resolution no. 2025-735 nga may tigulo "A Resolution Calling for an Investigation in Aid of Legislation before the Iloilo City Council over All Private and Public Works Along Rivers, Creeks and Waterways in the City of Iloilo". Ginpahanumdom sang inhenyero ang abogado nga ang gahum sa pagpangusisa ukon investigation in aid of legislation, nga gintugyansa Senado kag Kongreso sang 1987 Constitution, wala nagasakop sa local legislative bodies. Kon wala sang pahayag nga nagadumili sa Sanggunian sa pag-imbitar sang resource person para sa legislative hearing, dapat maresolbar anay ang ini nga mga isyu antes ang imbitasyon: Una, ang imbitasyon ukon nasambit nga resolution wala sang may natumod nga proposed ordinance nga nagakinahanglan sang imbestigasyon. Basi...

Iloilo News and Events

Search This Blog