GIKAN SA KARSEL, MAGABALIK SA KARSEL

Nadakpan sa buy bust operation ang mag-live-in partner nga sanday Malver Castillo, 39-anyos, sang Brgy. Bitoon, Jaro kag Catherine Palomar Alegrado, 31-anyos sang Brgy. Bakhaw, Mandurriao.

Si Castillo ang subject sang nasambit nga operation nga ginhiwat takna alas 8:30 sang aga, Marso 20, 2022, sa Brgy. Aguinaldo, La Paz.

Narekober sa ila ang 9 ka sachet sang suspected shabu kag 1,400 pesos nga buy bust money.

Ginpahayag sang fruit vendor nga si Castillo nga sang tuig 2012 nadakpan man siya sa buy bust operation sang mga katapo sang PDEA-6 kag sang 2020 siya nakagwa gikan sa prisuhan.

Ginbuyagyag naman ni Alegrado nga sadtong 2018 sang yara pa sa prisuhan si Castillo nag-umpisa ang pagtamdanay nila nga duha bangud man sa pagpatigayon sang ila mga abyan kag nagpabilin sila nga live-in partner tubtub karon.

Gin-aku ni Castillo nga liwat siya nga nagagamit sang ilegal nga druga kag lakip man si Alegrado.

(pahibalo: indi ini ang aktwal nga larawan)

photo by: coconuts.co

#iloilonews

Note:

Please follow us on our other links:

https://iloilonewsandevents.blogspot.com/

https://www.instagram.com/iloilonews/

https://twitter.com/IloilonewsE

https://web.facebook.com/antiquenewsandevents

https://web.facebook.com/guimarasnews

https://web.facebook.com/ilonggolife

https://web.facebook.com/iloilobalita

https://www.youtube.com/channel/UCSWEU5-OJ7vxTc1y3En_QgA

thank you in advance for liking, sharing and subscribing...

Comments

LAWAS SANG KONDUKTOR SANG BUS, NATUNGA KAG NADUNOT MATAPOS LASAKON SANG KOTSE KAG TRAK

Nadalahig sa doble aksidente ang isa ka lalaki nga konduktor sang bus matapos mabungguan sang duha ka salakyan sa General Trias, Cavite. Suno sa report, bag-o lang nanaog sa bus ang biktima kag maga-park kuntani sang hinali na lang ini nga ginbungguan sang salakyan. Bangud sa kadasigon sang insidente, wala na makalikaw ang masunod nga dump truck rason nga nabungguan ang biktima kag naguyod sa highway. Nautod ang hawak kag naibabaw nga bahin sang lawas sang biktima, sa diin ginabulubanta nagalab-ot sa apat ka metros ang distansya sa tunga nila. Samtang, gilayon naman nga nadakpan sang kapulisan ang driver sang salakyan nga una nga nakabunggo sa biktima, samtang padayon naman ang pagpangita sang mga otoridad sa driver sang nasambit nga dump truck. #iloilonews

GRADE 3 STUDENT, NA-COMATOSE SA KASTIGO SANG MGA HIGH SCHOOL STUDENTS

Viral sa social media ang isa ka grade 3 student nga ginpulihan kastigo sang high school students sa Iligan City. Suno sa report, ginabulubanta yara sa apat ka kalalakihan ang nagkastigo sa 9 ka tuig nga bata nga lalaki nga estudyante sang Maria Cristina Falls Elementary School. Makita sa video ang pag-atake sa biktima kon paano nagbayluhanay sang sumbag kag sipa ang mga high school students sa iya lawas. Bangud sini, yara na sa Intensive Care Unit (ICU) ang biktima matapos nga nag-angkon sang nagkalain-lain nga pilas, partikular sa iya ulo. Sa separado nga pahayag, ginkondenar ni Iligan City Mayor Freddie Siao ang mabudlay nga kahimtangan sang biktima kag ginpahayag nga nakahatag na ini sang bulig sa pamilya sang biktima kag sa karon naga-coordinate sa mga otoridad. “I am deeply saddened and disturbed by the tragic incident involving a Grade 3 pupil of Maria Cristina Falls Elementary School, who is now fighting for his life in the ICU after being brutally attacked by a group of h...

KONSEHAL NGA ABOGADO, GINLEKTYURAN SANG INHENYERO TUHOY SA IYA TRABAHO SA KONSEHO?

Nagpadala sang sulat si Engr. Roy Pacanan, ang OIC District Engineer sang DPWH-Iloilo City District Engineering Office (ICDEO) sa kay City Councilor Romel Duron bilang sabat sa imbitasyon sang Sangguniang Panlungsod angot sa Resolution no. 2025-735 nga may tigulo "A Resolution Calling for an Investigation in Aid of Legislation before the Iloilo City Council over All Private and Public Works Along Rivers, Creeks and Waterways in the City of Iloilo". Ginpahanumdom sang inhenyero ang abogado nga ang gahum sa pagpangusisa ukon investigation in aid of legislation, nga gintugyansa Senado kag Kongreso sang 1987 Constitution, wala nagasakop sa local legislative bodies. Kon wala sang pahayag nga nagadumili sa Sanggunian sa pag-imbitar sang resource person para sa legislative hearing, dapat maresolbar anay ang ini nga mga isyu antes ang imbitasyon: Una, ang imbitasyon ukon nasambit nga resolution wala sang may natumod nga proposed ordinance nga nagakinahanglan sang imbestigasyon. Basi...

Iloilo News and Events

Search This Blog