Skip to main content

TRANSPORT SECTOR SA PROBINSYA, GINPANGAPINAN SANG 13TH ILOILO SP AGUD IN...


Ginapangapinan sang 13th Sangguniang Panlalawigan ng Iloilo ang transport sector sa bug-os nga probinsya sang Iloilo agud nga indi pagkabigon nga colorum tungod nga maga-expire na ang ila prangkisa.

Ginduso ni Ex-Officio Board Member Ramon Sullano, ang Interim President sang Philippine Councilors' League kag chairman sang Committee on Transportation, Communication and Public Utilities, ang resolution nga nagapangabay sa Department of Transportation nga suspendiron anay ang ginapatuman nga Memorandum Circular No. 2022-033 sang Land Transportation, Franchising and Regulatory Board.

Nahibaluan nga ang LTFRB Memorandum Circular No. 2022-033 napatuhoy sa "Guidelines on Public Utility Vehicle Modernization Program (PUVMP) Implementation after 31 March 2022."

Ang tanan nga Provisional Authorities nga gin-isyu sang LTFRB nga nag-expire na sadtong Marso 31, 2022 ang otomatiko nga ginpalawig sang isa ka bulan tubtub Abril 30, 2022 agud maghatag sang ligwa sa bag-o kag ginpalawig nga Provisional Authorities.

Ang tanan nga prangkisa ukon Certificate of Public Convenience sang tanan nga mga PUJ kag mga PUV nga wala na-consolidate kag wala naka-apply sa LTFRB para sa ruta base sa Local Public Transport Route Plan ukon LPTRP ang maga-expire sa Abril 30, 2022 kag ang tanan nga wala na-consolidate kag wala naka-apply ang kabigon nga colorum.

Ini ang rason kon ngaa ginduso ni Board Member Sullano ang resolution nga gilayon man nga gin-aprubahan sang 13th Iloilo SP.

Gindugang sini nga ang pagpangabay sang suspensyon makahatag sang ligwa sa transport sector nga maka-consolidate sang ila Certificate of Public Convenience ukon prangkisa.

Ginpabutyag sini nga sa iya paghinun-anon sa transport sector may pila pa sa ila nga nabilin nga wala pa naka-consolidate kag maapektuhan sila sini lakip na ang mga pasahero sang partikular nga ruta sang salakyan nga wala pa naka-consolidate.

Gin-athag sini nga desidido kag agresibo ang national government sa pagpatuman sang modernization program kag luyag nila nga maaprubahan gid ang tanan nga Local Public Transport Route Plan sang kada local government unit sa probinsya sang Iloilo.

Nagpasar sang Memorandum Circular No. 2022-033 ang LTFRB agud posible nga pwersahon man ang mga LGU, padasigon ang pagpasar kag paaprubahan gilayon ang ila LPTRP.

Ginalantaw sini nga maganyat ang mga LGU nga magtuman sa ila katungdanan bilang sabat sa mandu sang national government.

Katungdanan sang kada LGU nga ipasar ang ila LPTRP kag ganyaton ang transport groups nga mag-consolidate agud mangin kooperatiba, isumiter sa LTFRB kag agud malakip sila sa consolidation records agud indi mag-expire ang ila ruta.

Nagalaum siya nga maaktuhan sang national government ang ila hingyo, kag malantaw sang DOTr ang sitwasyon sa dalom, ma-assess kag ma-monitor paagi sa agency in-charge nga amo ang LTFRB kon may prangkisa nga wala pa na-consolidate, kag kon pila pa lang ka porsyento ang nakatuman tungod nga kon gamay pa lang ang nakatuman kag ipatuman sing hugot ang natumod nga memorandum circular posible nga maapektuhan ang LGU, indi makabiyahe ang salakyan kag wala sang masakyan ang mga pumuluyo.

Ginapangabay sini ang tagsa ka LGU sa probinsya sang Iloilo nga buligan ang transport group sa ila banwa, ganyaton nga maka-consolidate agud maamligan ang ila kinamatarong kag indi mag-expire ang ila prangkisa, kag mamedyusan nila ang mga remedyo nga ginatan-ay sang national government paagi sa LTFRB.
via Sanggunian In Action
#iloilonews 

Comments

Post a Comment

Popular posts from this blog

LAWAS SANG KONDUKTOR SANG BUS, NATUNGA KAG NADUNOT MATAPOS LASAKON SANG KOTSE KAG TRAK

Nadalahig sa doble aksidente ang isa ka lalaki nga konduktor sang bus matapos mabungguan sang duha ka salakyan sa General Trias, Cavite. Suno sa report, bag-o lang nanaog sa bus ang biktima kag maga-park kuntani sang hinali na lang ini nga ginbungguan sang salakyan. Bangud sa kadasigon sang insidente, wala na makalikaw ang masunod nga dump truck rason nga nabungguan ang biktima kag naguyod sa highway. Nautod ang hawak kag naibabaw nga bahin sang lawas sang biktima, sa diin ginabulubanta nagalab-ot sa apat ka metros ang distansya sa tunga nila. Samtang, gilayon naman nga nadakpan sang kapulisan ang driver sang salakyan nga una nga nakabunggo sa biktima, samtang padayon naman ang pagpangita sang mga otoridad sa driver sang nasambit nga dump truck. #iloilonews
Post a Comment
Read more

TELUS International Philippines celebrates a decade of support to communities with Brigada Eskwela in Iloilo

ILOILO CITY – TELUS International Philippines (TIP), a leading AI-fueled customer experience and business process solutions provider, is proud to celebrate its tenth year supporting public school students and teachers through the Department of Education’s (DepEd) Brigada Eskwela program. As part of the 10th anniversary celebration, the company announced the expansion of its team members’ volunteer efforts to include Iloilo as part of their annual TELUS Days of Giving (TDOG) activities. More than 200 volunteers from TIP's Iloilo sites as well as public school teachers and students from Ramon Avanceña National High School, came together for the inaugural TDOG Brigada Eskwela volunteer effort in Iloilo. Their mission was twofold: to foster the spirit of volunteerism and to create safe and conducive learning environments for more than 4,300 high-school students and 120 educators in Iloilo ahead of the school’s re- opening in July. Volunteers engaged in activities such as painting c...
Post a Comment
Read more

GRADE 3 STUDENT, NA-COMATOSE SA KASTIGO SANG MGA HIGH SCHOOL STUDENTS

 Viral sa social media ang isa ka grade 3 student nga ginpulihan kastigo sang high school students sa Iligan City. Suno sa report, ginabulubanta yara sa apat ka kalalakihan ang nagkastigo sa 9 ka tuig nga bata nga lalaki nga estudyante sang Maria Cristina Falls Elementary School. Makita sa video ang pag-atake sa biktima kon paano nagbayluhanay sang sumbag kag sipa ang mga high school students sa iya lawas. Bangud sini, yara na sa Intensive Care Unit (ICU) ang biktima matapos nga nag-angkon sang nagkalain-lain nga pilas, partikular sa iya ulo. Sa separado nga pahayag, ginkondenar ni Iligan City Mayor Freddie Siao ang mabudlay nga kahimtangan sang biktima kag ginpahayag nga nakahatag na ini sang bulig sa pamilya sang biktima kag sa karon naga-coordinate sa mga otoridad. “I am deeply saddened and disturbed by the tragic incident involving a Grade 3 pupil of Maria Cristina Falls Elementary School, who is now fighting for his life in the ICU after being brutally attacked by a group of h...
Post a Comment
Read more