Skip to main content

ATRASADO NGA 5,000 PESOS RCEF-RFFA FUND SANG DA PARA SA MANGUNGUMA, GINP...


Nagpadala sang sulat si Land Bank of the Philippines (LANDBANK) President and CEO Cecilia C. Borromeo sa mga katapo sang 14th Sangguniang Panlalawigan ng Iloilo bilang sabat sa gin-aprubahan nga resolution nga nagahingyo nga padasigon ang pag-release sang financial assistance para sa mga mangunguma.

Suno kay Borromeo nga sadtong Septiembre 20, 2021, ginrekomendar sang Land Bank of the Philippines ang pag-usar sang yara na nga Rice Farmer Financial Assistance (RFFA) program cash cards sang mga mangunguna agud nga mapadasig ang pag-release sang cash assistance sa mga  benepisyaryo sang programa.

Gintan-ay man sa DA ang pag-usar sang Unconditional Cash Transfer ukon UCT cash cards, gintan-ay man ang pag-usar sang  prepaid cash cards sang mga yadtong PhilSys ID Registration, kag over-the-counter distribution paagi sa Land Bank Servicing Branches.

Apang, mas ginpili sang Department of Agriculture ang paggamit sang Intervention Monitoring Card ukon IMC kabangdanan nga naatrasar ang paghatag sang 5,000 pesos nga Rice Competitiveness Enhancement Fund - Rice Farmer Financial Assistance ukon RCEF-RFFA fund sa 421,163 farmer-beneficiaries.

Nahibaluan nga ginduso sang Joint Committee nga ginabug-usan sang Committee on Agriculture, bilang lead committee, nga ginapamunuan ni 2nd District Board Member Rolito Cajilig kag Committee on Appropriations nga ginapamunuan ni 4th District Board Member Domingo Oso, Jr. sa 8th Regular Session sang 14th Sangguniang Panlalawigan ng Iloilo nga aprubahan ang duha ka resolution nga ginalakipan sang mga masunod:

1. "Resolution Requesting the Land Bank of the Philippines Central Office and Government Support Program Department to Fasttrack the Processing of the Applications and the Release of Cash Cards to All Rice Competitiveness Ehancement Fund Rice Farmers Financial Assistance Beneficiaries"; kag,

2. "Resolution Requesting His Excellency President Ferdinand R. Marcos, Jr. to Intervene In Order to Fasttrack the Release of 2021 Rice Competitiveness Ehancement Fund and Rice Farmers Financial Assistance or RCEF-RRFA."

Nahibaluan nga may 1.4 billion pesos nga ginpain para lang sa Western Visayas gikan sa Competitive Enhancement Fund-Rice Farmers Financial Assistance (RCEF-RFFA) para sa subsidy sang mga mangunguma.

Nakabaton na ang mga mangunguma sa mga banwa sang Oton, Santa Barbara, Janiuay kag New Lucena apang nag-untat bangud sa mga isyu sa Land Bank of the Philippines.

Gintalakay sang Joint Committee ang kabalaka tuhoy sa atrasado nga pag-release sang nasambit nga badyet sa 273,000 ka farmer beneficiaries sa Western Visayas.

Ginpakita ni DA-6 Regional Executive Director Engr. Remelyn Recoter ang status update sang RCEF-RFFA nga sa 2021 budget, madinalag-on nga na-release sang DBP 736 million pesos sa 147,273 ukon 97% sang total target farmers sa Region 6. Ang nabilin nga 3% ang wala nakabaton sang financial assistance bangud sa wala ginalauman nga kabangdanan kaangay sang pagkakapatay sang mga benepisyaryo ukon pagsaylo sang titulo sang duta.
via Sanggunian In Action
#iloilonews

Comments

Post a Comment

Popular posts from this blog

LAWAS SANG KONDUKTOR SANG BUS, NATUNGA KAG NADUNOT MATAPOS LASAKON SANG KOTSE KAG TRAK

Nadalahig sa doble aksidente ang isa ka lalaki nga konduktor sang bus matapos mabungguan sang duha ka salakyan sa General Trias, Cavite. Suno sa report, bag-o lang nanaog sa bus ang biktima kag maga-park kuntani sang hinali na lang ini nga ginbungguan sang salakyan. Bangud sa kadasigon sang insidente, wala na makalikaw ang masunod nga dump truck rason nga nabungguan ang biktima kag naguyod sa highway. Nautod ang hawak kag naibabaw nga bahin sang lawas sang biktima, sa diin ginabulubanta nagalab-ot sa apat ka metros ang distansya sa tunga nila. Samtang, gilayon naman nga nadakpan sang kapulisan ang driver sang salakyan nga una nga nakabunggo sa biktima, samtang padayon naman ang pagpangita sang mga otoridad sa driver sang nasambit nga dump truck. #iloilonews
Post a Comment
Read more

GRADE 3 STUDENT, NA-COMATOSE SA KASTIGO SANG MGA HIGH SCHOOL STUDENTS

 Viral sa social media ang isa ka grade 3 student nga ginpulihan kastigo sang high school students sa Iligan City. Suno sa report, ginabulubanta yara sa apat ka kalalakihan ang nagkastigo sa 9 ka tuig nga bata nga lalaki nga estudyante sang Maria Cristina Falls Elementary School. Makita sa video ang pag-atake sa biktima kon paano nagbayluhanay sang sumbag kag sipa ang mga high school students sa iya lawas. Bangud sini, yara na sa Intensive Care Unit (ICU) ang biktima matapos nga nag-angkon sang nagkalain-lain nga pilas, partikular sa iya ulo. Sa separado nga pahayag, ginkondenar ni Iligan City Mayor Freddie Siao ang mabudlay nga kahimtangan sang biktima kag ginpahayag nga nakahatag na ini sang bulig sa pamilya sang biktima kag sa karon naga-coordinate sa mga otoridad. “I am deeply saddened and disturbed by the tragic incident involving a Grade 3 pupil of Maria Cristina Falls Elementary School, who is now fighting for his life in the ICU after being brutally attacked by a group of h...
Post a Comment
Read more

KONSEHAL NGA ABOGADO, GINLEKTYURAN SANG INHENYERO TUHOY SA IYA TRABAHO SA KONSEHO?

Nagpadala sang sulat si Engr. Roy Pacanan, ang OIC District Engineer sang DPWH-Iloilo City District Engineering Office (ICDEO) sa kay City Councilor Romel Duron bilang sabat sa imbitasyon sang Sangguniang Panlungsod angot sa Resolution no. 2025-735 nga may tigulo "A Resolution Calling for an Investigation in Aid of Legislation before the Iloilo City Council over All Private and Public Works Along Rivers, Creeks and Waterways in the City of Iloilo". Ginpahanumdom sang inhenyero ang abogado nga ang gahum sa pagpangusisa ukon investigation in aid of legislation, nga gintugyansa Senado kag Kongreso sang 1987 Constitution, wala nagasakop sa local legislative bodies.  Kon wala sang pahayag nga nagadumili sa Sanggunian sa pag-imbitar sang resource person para sa legislative hearing, dapat maresolbar anay ang ini nga mga isyu antes ang imbitasyon: Una, ang imbitasyon ukon nasambit nga resolution wala sang may natumod nga proposed ordinance nga nagakinahanglan sang imbestigasyon. Basi...
Post a Comment
Read more