Ginakalipay ni 4th District Board Member Rolando Distura ang pagbalik na sa new normal sa pagsaulog sang tuigan nga cultural activities sang kabanwahanan, sadto ang Anihan Festival sa Dueñas kag karon ang Haw-as Festival sa Dumangas.
Sa radio program nga Sanggunian In Action, ginpahayag sini nga iya ginsuguran ang festival sa ngalan nga Pahaw-as sadtong siya pa ang alkalde sang banwa, apang sang ulihi ginhimo nga Haw-as Festival nga nagapabilin na tubtub karon sa sini nga ngalan.
Ginsiling sini nga ginahiwat ini sa tagsa ka katapusan sang bulan sang Oktubre kag may lima ka guban nga nagapaindis-indis sang ila street dancing kag ginapasundayag man diri ang agro-industrial products sang banwa sang Dumangas.
Gindugang sini nga 100 percent ang iya suporta sa sini nga hilikuton, sa kay Mayor BJ Biron, mga opisyales sang banwa kag sa mga kapitanes.
Ginpabutyag sini nga may pondo nga iga-download para sa banwa apang magaagi ini sa mga barangay nga wala sang problema sa liquidation tungod nga may problema pa sa unliquidated funds sa banwa sang nagligad nga administrasyon.
Ginalauman sini nga maklaruhan ini agud nga madirekta sa banwa ang pondo.
May bulig siya nga ihatag para sa Haw-as Festival sang Dumangas, may yara man sanday Governor Arthur Defensor, Jr., Vice Governor Christine "Tingting" Garin, 4th District Board Member Domingo Oso, Jr., kag Ex-Officio Board Member Dorothy Paes sang Liga ng mga Barangay - Provincial Federation.
Ginapanginbulahan sini si Mayor BJ Biron kag mga opisyales sang banwa
sa madugay nga ginahulat nga kahiwatan tungod sa nakalipas nga tatlo ka tuig wala ini natigayon.
"See you in Haw-as Festival, and more power Dumangas!, suno kay Distura.
via Sanggunian In Action
#iloilonews
Comments
Post a Comment