ERPAT ORDINANCE SANG PROBINSYA SANG ILOILO, APRUBADO NA
Gin-aprubahan na sa Third and Final Reading sa ginhiwat nga 17th Regular Session sang 14th Sangguniang Panlalawigan ng Iloilo ang Provincial Ordinance No. 2019-195 ukon ang “ERPAT Ordinance of
the Province of Iloilo”.
Ang ordinansa gin-sponsor ni Vice Governor Christine "Tingting" Garin kag co-sponsor si 2nd District Senior Board Member June Mondejar.
Katuyuan sang ordinansa nga mapasanyog kag mapabakod ang parenting capabilities sang Filipino Fathers sa pagtuman sang ila mga katungdanan kag mga responsibilidad bilang ginikanan.
Mabuligan ang mga amay nga makahibalo sa ila katungdanan sa pagpasad sang drug-free family; pagduso nga mahangpan kag matapna ang HIV-AIDS; kag aktibo nga magpakigbahin sa mga aktibidades may kaantanan sa Disaster Risk Reduction and Management Response.
Mahimo nga makahatag ang Provincial Government kag component Municipalities/City sang livelihood program kag job opportunities sa ERPAT Members, subject sa existing rules and guidelines nga gintalana sang gobyerno.
May hiwaton nga ERPAT Week dungan sa Province of Iloilo, pasakupan sang component Municipalities/City, kag mga Barangay sini. Ang culmination sang isa ka semana nga aktibidad hiwaton gilayon sa Huwebes pagkatapos sang Father’s Day Celebration ukon kada ikatatlo nga Domingo sang Hunyo.
Ang Technical Working Group (TWG) magahimo kag maga-adoptar sang mga pagsulundan para sa Search for Outstanding ERPAT in the Province of Iloilo. Hiwaton ang awarding ceremony para sa outstanding ERPAT organization durante nga ginahiwat ang ERPAT week.
via Sanggunian In Action
#iloilonews
Comments
Post a Comment