Ginapanginbulahan kag ginadayaw sang 14th Sangguniang Panlalawigan ng Iloilo sa ginhiwat nga 16th Regular Session si Jean Gelladuga Badong sa pagpanguna sa Fisheries Technologist Licensure Examination.
Ginduso ni 4th District Board Member Rolando Distura bilang sponsor ang resolution nga may tigulo "RESOLUTION CONGRATULATING AND COMMENDING JEAN MARGARET GELLADUGA BADONG, FOR PLACING FIRST IN THE FISHERIES TECHNOLOGIST LICENSURE EXAMINATION ADMINISTERED PROFESSIONAL REGULATION COMMISSION (PRC)", nangin co-sponsor ang tanan nga katapo sang 14th SP.
Nagtapos si Jean Margaret G. Badong sang iya Bachelor of Fisheries sa Iloilo State College of Fisheries (ISCOF) sadtong Agosto 17, 2022 kon sa diin naggradwar siya bilang Cum Laude.
Tumandok siya sang Brgy. Poblacion, Caries, Iloilo kag anak nanday Ginoo kag Ginang Joel kag Genevieve Badong.
Isa siya ka full scholar sang Bureau of Fisheries and Aquatic Resources (BFAR) umpisa first year tubtub fourth year college kag nakapasar sa Fisheries Technologist Licensure Examination sini nga October 2022 nga may rating nga 86.25%. Ginpagwa ang resulta sadtong October 12, 2022.
Gin-anunsyo sang Professional Regulation Commission nga 716 lang sa 1,966 ukon 36.42% ang madinalag-on nga nakapasar sa licensure examination kag si Jean Margaret G. Badong ang nagpanguna diri.
Ang pinasahi nga nadangatan ni Jean Margaret G. Badong angay nga hatagan sang bug-os nga pagkilala kag pagdayaw sang Iloilo Provincial Government kag sang Sangguniang Panlalawigan ng Iloilo.
via Sanggunian In Action
#iloilonews
Comments
Post a Comment