MB DANCE ACADEMY OF ILOILO, GINAPANGINBULAHAN SANG 14TH ILOILO SP

Ginapanginbulahan sang 14th Sangguniang Panlalawigan ng Iloilo sa ginhiwat nga 16th Regular Session ang MB Dance Academy of Iloilo sa pagpasakop sa 5th Kuching International Dance Festival 2022 nga ginhiwat sa Kuching, Sarawak, Malaysia.

Ginduso ni 4th District Board Member Rolando Distura bilang sponsor ang resolution nga may tigulo "A RESOLUTION COMMENDING MB DANCE ACADEMY OF ILOILO FOR BEING INVITED TO JOIN THE 5TH KUCHING INTERNATIONAL DANCE FESTIVAL 2022 HELD IN KUCHING, SARAWAK, MALAYSIA" kag nangin co-sponsor ang tanan nga katapo sang 14th SP.

Nahibaluan nga ang MB Dance Academy of Iloilo isa ka sampaton kag tuman ka kilala nga grupo sang manugsaot nga ginatapuan sang mga lamharon kag premyado nga mga manugsaot kag ginapangunahan sang ila Artistic Director nga si Matthew Balbastro.

Nangin tiglawas sang Pilipinas ang MB Dance Academy of Iloilo nga nagpasakop sa 5th Kuching International Dance Festival (KIDF) 2022 nga ginhiwat sa Kuching, Sarawak, Malaysia sadtong Oktubre 7-9, 2022.

Ang KIDF 2022 event ginabug-usan sang magkatuhay nga mga pungsod nga ginalakipan sang Pilipinas, Thailand, Taiwan, South Korea, kag Malaysia nga naghatag sang performances paagi sa contemporary,

ballet, cultural, kag Latin dances.

Ang performers of MB Dance Academy of Iloilo amo sanday Leanne Reigh Lanceta sang Brgy. Cubay, Jaro, Iloilo City; Kate Mitchelle Jaramillo sang Brgy. Cagbang, Oton, Iloilo; Mary Chelleen Faith Baylon sang Roxas City; Joemel Jan Magallanes sang Mandurriao, Iloilo City; kag Jayson Gian Cala-or sang Brgy. Nanga, Guimbal, Iloilo.

Sa ginhiwat nga KIDF 2022, ang MB Dance Academy of Iloilo nagpakita sang saot nga may tigulo "Una-una Kaya-kaya" nga nagasimbolo sa kapag-on sang mga Pilipino nga padayon nga nagaabante bisan pa sa mabudlay nga panahon sang kabuhi.

Ang nadangatan sang MB Dance Academy of Iloilo nagdala sang bugal, dungog, kag inspirasyon para sa tanan nga mga Ilonggo nga angay nga hatagan sang lubos nga pagkilala kag pagdayaw sang Iloilo Provincial Government kag sang Sangguniang Panlalawigan ng Iloilo.

via Sanggunian In Action

#iloilonews

Comments

LAWAS SANG KONDUKTOR SANG BUS, NATUNGA KAG NADUNOT MATAPOS LASAKON SANG KOTSE KAG TRAK

Nadalahig sa doble aksidente ang isa ka lalaki nga konduktor sang bus matapos mabungguan sang duha ka salakyan sa General Trias, Cavite. Suno sa report, bag-o lang nanaog sa bus ang biktima kag maga-park kuntani sang hinali na lang ini nga ginbungguan sang salakyan. Bangud sa kadasigon sang insidente, wala na makalikaw ang masunod nga dump truck rason nga nabungguan ang biktima kag naguyod sa highway. Nautod ang hawak kag naibabaw nga bahin sang lawas sang biktima, sa diin ginabulubanta nagalab-ot sa apat ka metros ang distansya sa tunga nila. Samtang, gilayon naman nga nadakpan sang kapulisan ang driver sang salakyan nga una nga nakabunggo sa biktima, samtang padayon naman ang pagpangita sang mga otoridad sa driver sang nasambit nga dump truck. #iloilonews

GRADE 3 STUDENT, NA-COMATOSE SA KASTIGO SANG MGA HIGH SCHOOL STUDENTS

Viral sa social media ang isa ka grade 3 student nga ginpulihan kastigo sang high school students sa Iligan City. Suno sa report, ginabulubanta yara sa apat ka kalalakihan ang nagkastigo sa 9 ka tuig nga bata nga lalaki nga estudyante sang Maria Cristina Falls Elementary School. Makita sa video ang pag-atake sa biktima kon paano nagbayluhanay sang sumbag kag sipa ang mga high school students sa iya lawas. Bangud sini, yara na sa Intensive Care Unit (ICU) ang biktima matapos nga nag-angkon sang nagkalain-lain nga pilas, partikular sa iya ulo. Sa separado nga pahayag, ginkondenar ni Iligan City Mayor Freddie Siao ang mabudlay nga kahimtangan sang biktima kag ginpahayag nga nakahatag na ini sang bulig sa pamilya sang biktima kag sa karon naga-coordinate sa mga otoridad. “I am deeply saddened and disturbed by the tragic incident involving a Grade 3 pupil of Maria Cristina Falls Elementary School, who is now fighting for his life in the ICU after being brutally attacked by a group of h...

KONSEHAL NGA ABOGADO, GINLEKTYURAN SANG INHENYERO TUHOY SA IYA TRABAHO SA KONSEHO?

Nagpadala sang sulat si Engr. Roy Pacanan, ang OIC District Engineer sang DPWH-Iloilo City District Engineering Office (ICDEO) sa kay City Councilor Romel Duron bilang sabat sa imbitasyon sang Sangguniang Panlungsod angot sa Resolution no. 2025-735 nga may tigulo "A Resolution Calling for an Investigation in Aid of Legislation before the Iloilo City Council over All Private and Public Works Along Rivers, Creeks and Waterways in the City of Iloilo". Ginpahanumdom sang inhenyero ang abogado nga ang gahum sa pagpangusisa ukon investigation in aid of legislation, nga gintugyansa Senado kag Kongreso sang 1987 Constitution, wala nagasakop sa local legislative bodies. Kon wala sang pahayag nga nagadumili sa Sanggunian sa pag-imbitar sang resource person para sa legislative hearing, dapat maresolbar anay ang ini nga mga isyu antes ang imbitasyon: Una, ang imbitasyon ukon nasambit nga resolution wala sang may natumod nga proposed ordinance nga nagakinahanglan sang imbestigasyon. Basi...

Iloilo News and Events

Search This Blog