Matinahuron nga ginarekomendar sang Committee on Ordinances, Legal Matters and Inter-Government Relations nga ginapamunuan ni 2nd District Senior Board Member June Mondejar sa 16th Regular Session sang 14th Sangguniang Panlalawigan ng Iloilo nga adoptaron ang iya committee report kag ang Proposed Provincial Ordinance No. 2022-09-12 iga-kalendaryo sa Second Reading sa masunod nga Regular Session
Nahibaluan nga ang Proposed Provincial Ordinance No. 2022-09-12 may tigulo "An Ordinance Banning the Sale, Rental, Transfer,
Distribution, Manufacture, and/or Production of Pirated, Counterfeit,
or Fake Goods, or Drugs/Medicines and for Other Purposes" nga ang sponsor amo mismo si 2nd District Senior Board Member June Mondejar.
Gin-refer sa komitiba ang natumod nga Ordinansa durante nga ginahiwat ang 13th Regular Session sang 14th SP kag ginpadala sang SP Secretariat sa Chairman sang sini nga komitiba sadtong September 28, 2022 'for study, report and recommendation'.
Naghiwat sang Committee Hearing ang komitiba sadtong October
5, 2022 angot sa sini nga proposed Provincial Ordinance.
Gin-imbitar ang mga katapo sang komitiba kag resource persons. Ang ila mga suhestyon kag mga rekomendasyon nga ginpresentar sa nasambit nga committee hearing ang ginpangkonsiderar kag nangin instrumento sa refinement kag finalization sang proposed Ordinance.
#iloilonews
Comments
Post a Comment