ORDINANSA PARA MA-CONTAIN KON INDI MAN LUBOS NGA MAPAPAS ANG ASF VIRUS, ...

Gin-refer sa Committee on Agriculture ang ginduso nga resolution ni 2nd District Board Member Rolito Cajilig sa ginhiwat nga 16th Regular Session sang 14th Sangguniang Panlalawigan ng Iloilo.

Ginatuyo sini nga magbalay sang ordinans agud nga ma-contain kon indi man lubos nga mapapas ang African Swine Fever virus sa probinsya sang Iloilo.

Ginpresentar sini ang kahimtangan sang hog industry ilabi na nga may positibo nga kaso sang ASF virus sa banwa sang Oton, Iloilo.

Ginsiling sini nga una nga natumod nga may kaso sang African Swine Fever virus sadtong Biernes, Oktubre 7, 2022, sa Brgy. Bita Norte, Oton, Iloilo.

Gilayon nga ginhiwat ang PCR test agud nga matumod kon may presensya sang virus. Sadtong Oktubre 10, 2022, naggwa ang resulta nga positibo sa presensya sang ASF virus.

Matapos mauyatan ang kumpirmado nga report, si Dr. Daryl Tabuada, sang Provincial Veterinary Office, gilayon nga nagpatuman sang African Swine Fever Contingency Plan paagi sa paghiwat sang depopulation sang mga apektado nga baboy sa natumod nga barangay.

Ang depopulation process sadtong Oktubre 13, 2022 ginalakipan sang 305 ka mga baboy kag dugang nga 69 ka baboy sadtong Oktubre 15, 2022 ukon kabug-usan nga 374 ka mga baboy.

Nagapadayon ang imbestigasyon sa natumod nga lugar kag mas ginahugot ang intensified risk assessment, surveillance kag monitoring

sa pagtumod kon ngaa kag paano nagtuhaw ang kaso.

Nag-isyu sang memorandum order si Governor Arthur Defensor, Jr. nga napatuhoy sa tanan nga alkalde, mga punong barangay kag ASF Task Force nga maghimo sang mga tikang, mga direktiba kag mga panugyan tuhoy sa ASF quarantine procedure kag disease prevention and control measures.

Nagpagwa man sang Executive Order No. 460 ang gobernador nga ginalakipan sang containment measures para sa banwa sang Oton nga kabigon bilang 'Infected Zone' sa sulod sang 10 ka adlaw umpisa sang Martes, Oktubre 18, 2022, tubtub Oktubre 27, 2022 kag mahimo nga palawigon kon kinahanglanon, para sa buhi nga mga baboy, pork kag pork products, kag swine genetic materials ang indi mapagwa gikan sa banwa sang Oton padulong sa iban nga mga local government unit.

Gintumod man sang Executive Order No. 460 sang gobernador ang Administrative Circular No. 2, Series of 2022 sang Department of Agriculture para sa National Zoning and Movement Plan para sa pagtapna kag pagkontrol sang ASF Virus nga ginalakipan sang movement sang live pigs, pork and pork products, naluto kag wala naluto, sa probinsya sang Iloilo.

via Sanggunian In Action

#iloilonews

Comments

LAWAS SANG KONDUKTOR SANG BUS, NATUNGA KAG NADUNOT MATAPOS LASAKON SANG KOTSE KAG TRAK

Nadalahig sa doble aksidente ang isa ka lalaki nga konduktor sang bus matapos mabungguan sang duha ka salakyan sa General Trias, Cavite. Suno sa report, bag-o lang nanaog sa bus ang biktima kag maga-park kuntani sang hinali na lang ini nga ginbungguan sang salakyan. Bangud sa kadasigon sang insidente, wala na makalikaw ang masunod nga dump truck rason nga nabungguan ang biktima kag naguyod sa highway. Nautod ang hawak kag naibabaw nga bahin sang lawas sang biktima, sa diin ginabulubanta nagalab-ot sa apat ka metros ang distansya sa tunga nila. Samtang, gilayon naman nga nadakpan sang kapulisan ang driver sang salakyan nga una nga nakabunggo sa biktima, samtang padayon naman ang pagpangita sang mga otoridad sa driver sang nasambit nga dump truck. #iloilonews

GRADE 3 STUDENT, NA-COMATOSE SA KASTIGO SANG MGA HIGH SCHOOL STUDENTS

Viral sa social media ang isa ka grade 3 student nga ginpulihan kastigo sang high school students sa Iligan City. Suno sa report, ginabulubanta yara sa apat ka kalalakihan ang nagkastigo sa 9 ka tuig nga bata nga lalaki nga estudyante sang Maria Cristina Falls Elementary School. Makita sa video ang pag-atake sa biktima kon paano nagbayluhanay sang sumbag kag sipa ang mga high school students sa iya lawas. Bangud sini, yara na sa Intensive Care Unit (ICU) ang biktima matapos nga nag-angkon sang nagkalain-lain nga pilas, partikular sa iya ulo. Sa separado nga pahayag, ginkondenar ni Iligan City Mayor Freddie Siao ang mabudlay nga kahimtangan sang biktima kag ginpahayag nga nakahatag na ini sang bulig sa pamilya sang biktima kag sa karon naga-coordinate sa mga otoridad. “I am deeply saddened and disturbed by the tragic incident involving a Grade 3 pupil of Maria Cristina Falls Elementary School, who is now fighting for his life in the ICU after being brutally attacked by a group of h...

KONSEHAL NGA ABOGADO, GINLEKTYURAN SANG INHENYERO TUHOY SA IYA TRABAHO SA KONSEHO?

Nagpadala sang sulat si Engr. Roy Pacanan, ang OIC District Engineer sang DPWH-Iloilo City District Engineering Office (ICDEO) sa kay City Councilor Romel Duron bilang sabat sa imbitasyon sang Sangguniang Panlungsod angot sa Resolution no. 2025-735 nga may tigulo "A Resolution Calling for an Investigation in Aid of Legislation before the Iloilo City Council over All Private and Public Works Along Rivers, Creeks and Waterways in the City of Iloilo". Ginpahanumdom sang inhenyero ang abogado nga ang gahum sa pagpangusisa ukon investigation in aid of legislation, nga gintugyansa Senado kag Kongreso sang 1987 Constitution, wala nagasakop sa local legislative bodies. Kon wala sang pahayag nga nagadumili sa Sanggunian sa pag-imbitar sang resource person para sa legislative hearing, dapat maresolbar anay ang ini nga mga isyu antes ang imbitasyon: Una, ang imbitasyon ukon nasambit nga resolution wala sang may natumod nga proposed ordinance nga nagakinahanglan sang imbestigasyon. Basi...

Iloilo News and Events

Search This Blog