Skip to main content

PAMPUBLIKO KAG PRIBADO NGA TALATAPAN SA PROBINSYA SANG ILOILO, DAPAT NGA...


Nagpasar sang drug-free workplace ordinance ang Sangguniang Panlalawigan sang Iloilo nga nagapasad sang "drug use, prevention and control programs and policies" sang Iloilo Provincial Government kaangay sang pre-employment drug testing, drug abuse awareness and prevention program, authorized drug testing kag employee assistance program nga ginalakipan sang treatment kag rehabilitation sang mga empleyado kag opisyales sang Iloilo Provincial Government nga nagpositibo sa paggamit sang ilegal nga druga.

Sa radio program nga Sanggunian In Action, ginpahayag ni 2nd District Senior Board Member June Mondejar nga ang ordinansa naga-require sa iban pa nga opisina sang gobyerno kaangay sang mga Local Government Unit sa idalom sang probinsya sang Iloilo, State Colleges and Universities, Government-Owned and Control Corporation kag pribado nga mga opisina kag establisemyento nga magbalay sang tagsa nila ka "drug use, prevention and control programs and policies" agud masiguro nga drug-free ang ila workplaces.

Ginsiling sini nga ang ordinansa nagahatag sang pagtamod sa kaimportante sang otorisado nga drug testing center bilang istratehiya nga mapasiguro ang drug-free workplace kag ang ordinansa nagasaad sang giya sa pagpatuman sang otorisado nga drug testing.

Gina-require sang ordinansa ang mga opisyales kag mga empleyado sang pampubliko kag pribado nga mga talatapan kag establisemyento nga magpaidalom sa drug testing. Dapat hiwaton ini periodically nga indi maglapaw sa duha ka tuig.

Ginklaro sini nga tuhay ang sistema sa kapulisan nga kon kaisa nagahiwat sang drug testing kada bulan.

Ang mga empleyado kag opisyales nga indi magpaidalom sa drug testing nga wala sang balido nga rason, ang mga empleyado kag opisyales nga nagatrabaho sa gobyerno ang mahimo nga pasakaan sang kaso administratibo tungid sa 'gross insubordination' kag sa pribado nga pribado nga talatapan kag establisemyento, sila ang kasuhan sa idalom sang Section 282 sang Labor Code, suspension ukon dismissal ang penalidad.

Gina-require ang mga local government unit sa idalom sang Regulation No. 13, Series of 2018 sang Dangerous Drugs Board nga dapat may kaangay sini nga ordinansa bangud kon wala sang sini nga ordinansa mahimo nga kasuhan ang LGU.

Gin-aprubahan unanimously sang tanan nga katapo sang 14th Sangguniang Panlalawigan ng Iloilo nga nagtambong sa 12th Regular Session ang Provincial Ordinance No. 2022-282 nga may tigulo “An
Ordinance Institutionalizing a Drug-Free Workplace in the Province of Iloilo”, nga ang author kag sponsor amo si 2nd District Senior Board Member June Mondejar, co-author si Vice Governor Christine "Tingting" Garin, kag co-sponsor si 4th District Board Member Rolando Distura.
via Sanggunian In Action
#iloilonews

Comments

Post a Comment

Popular posts from this blog

LAWAS SANG KONDUKTOR SANG BUS, NATUNGA KAG NADUNOT MATAPOS LASAKON SANG KOTSE KAG TRAK

Nadalahig sa doble aksidente ang isa ka lalaki nga konduktor sang bus matapos mabungguan sang duha ka salakyan sa General Trias, Cavite. Suno sa report, bag-o lang nanaog sa bus ang biktima kag maga-park kuntani sang hinali na lang ini nga ginbungguan sang salakyan. Bangud sa kadasigon sang insidente, wala na makalikaw ang masunod nga dump truck rason nga nabungguan ang biktima kag naguyod sa highway. Nautod ang hawak kag naibabaw nga bahin sang lawas sang biktima, sa diin ginabulubanta nagalab-ot sa apat ka metros ang distansya sa tunga nila. Samtang, gilayon naman nga nadakpan sang kapulisan ang driver sang salakyan nga una nga nakabunggo sa biktima, samtang padayon naman ang pagpangita sang mga otoridad sa driver sang nasambit nga dump truck. #iloilonews
Post a Comment
Read more

GRADE 3 STUDENT, NA-COMATOSE SA KASTIGO SANG MGA HIGH SCHOOL STUDENTS

 Viral sa social media ang isa ka grade 3 student nga ginpulihan kastigo sang high school students sa Iligan City. Suno sa report, ginabulubanta yara sa apat ka kalalakihan ang nagkastigo sa 9 ka tuig nga bata nga lalaki nga estudyante sang Maria Cristina Falls Elementary School. Makita sa video ang pag-atake sa biktima kon paano nagbayluhanay sang sumbag kag sipa ang mga high school students sa iya lawas. Bangud sini, yara na sa Intensive Care Unit (ICU) ang biktima matapos nga nag-angkon sang nagkalain-lain nga pilas, partikular sa iya ulo. Sa separado nga pahayag, ginkondenar ni Iligan City Mayor Freddie Siao ang mabudlay nga kahimtangan sang biktima kag ginpahayag nga nakahatag na ini sang bulig sa pamilya sang biktima kag sa karon naga-coordinate sa mga otoridad. “I am deeply saddened and disturbed by the tragic incident involving a Grade 3 pupil of Maria Cristina Falls Elementary School, who is now fighting for his life in the ICU after being brutally attacked by a group of h...
Post a Comment
Read more

KONSEHAL NGA ABOGADO, GINLEKTYURAN SANG INHENYERO TUHOY SA IYA TRABAHO SA KONSEHO?

Nagpadala sang sulat si Engr. Roy Pacanan, ang OIC District Engineer sang DPWH-Iloilo City District Engineering Office (ICDEO) sa kay City Councilor Romel Duron bilang sabat sa imbitasyon sang Sangguniang Panlungsod angot sa Resolution no. 2025-735 nga may tigulo "A Resolution Calling for an Investigation in Aid of Legislation before the Iloilo City Council over All Private and Public Works Along Rivers, Creeks and Waterways in the City of Iloilo". Ginpahanumdom sang inhenyero ang abogado nga ang gahum sa pagpangusisa ukon investigation in aid of legislation, nga gintugyansa Senado kag Kongreso sang 1987 Constitution, wala nagasakop sa local legislative bodies.  Kon wala sang pahayag nga nagadumili sa Sanggunian sa pag-imbitar sang resource person para sa legislative hearing, dapat maresolbar anay ang ini nga mga isyu antes ang imbitasyon: Una, ang imbitasyon ukon nasambit nga resolution wala sang may natumod nga proposed ordinance nga nagakinahanglan sang imbestigasyon. Basi...
Post a Comment
Read more