Skip to main content

PET ANIMALS, ANGAY MAN NGA ATIPANON SA PANAHON SANG KALAMIDAD


PET ANIMALS, ANGAY MAN NGA ATIPANON SA PANAHON SANG KALAMIDAD

Gin-refer na sa Committee on Disaster Risk Reduction and Management nga ginapamunuan mismo ni 4th District Board Member Rolando Distura ang iya nga Proposed Provincial Ordinance No. 2022-09-10 nga may tigulo "An Ordinance Establishing Evacuation Centers for Animals During
Natural Disasters and Calamities, Appropriating Funds Thereto, and for Other Purposes".

Sa radio program nga Sanggunian In Action, gina-amat-amat na niya tumod ang posible nga mangin resource persons tungod ang iya ginaduso nga ordinansa ang nagasantu sa RA 8485 ukon ang Animal Welfare Act of 1998, as amended by RA 10631.

Ginsiling sini nga tinutuyo sang iya ginaduso nga ordinansa nga kon mahimo mangin holistic, comprehensive, integrated kag proactive sa pag-atubang sa mga kalamidad, kag may kaantanan sa mga kasapatan.

Ginaathag sini nga ang ginatukod nga kasapatan amo ang mga pet kaangay sang mga ido, mga kuring, mga pispis kag iban pa.

Gintumod sini ang sitwasyon kon sa diin may mandatory evacuation na nga ginapatuman apang ang iban nga pumuluyo ang indi maghalin sa ila panimalay tungod gina-ulikdan nila ang ila kasapatan. May sitwasyon man nga indi nila madala ang ila mga ido ukon kuring tungod indi masamo sa mga tawo sa evacuation center, nagaka-stress ang ido, balaison pa kon magtinaghol ang ido, kon maghigko ukon mangihi.

Nakita sini nga dapat may separado nga evacuation center ukon rehab center para sa kasapatan nga malapit lang sa evacuation center sang mga tawo, may tubig, may bentilasyon, kag malayo sa risgo.

Mahimo nga mangin bahin sang wash area ang hawla sang mga sapat kag mas maayo kon movable ukon mahapos sayluhon ang mga hawla agud mahimos kon tapos na ang paglabay sang kalamidad.

Gintumod man sini nga pagkatapos sang pagbaha, tatlo ukon apat ka adlaw makalipas, nagalagaw ang mga sapat apang amo man ini ang pag-develop sang anthrax ukon bacterial disease sa sapat nga makalaton sa tawo.

Sadtong alkalde siya sa banwa sang Dumangas nangin 'Gawad Kalasag' (KAlamidad at Sakuna LAbanan SAriling Galing ang Kaligtasan) awardee kag Galing Pook awardee sila tungod sa daku nga puntos sa validation bangud sa cattle relief park ukon elevated solar dryer nga multi-purpose pavement, kon wala baha ginahimo nga basketball court kag kon may baha diri ginabutang ang mga baka, karbaw kag iban pa nga kasapatan nga may pasilungan sa palibot. 

Mahibaluan ang kadamuon sang pet animals sa isa ka lugar paagi sa mga datus nga natipon sang ginabakunahan ang ini nga mga sapat. Diri mahibaluan kon ano kadamo ang dapat preparahan para sa evacuation sang mga sapat.

Nagalaum siya nga pagaupdan sang iya mga kaupdanan sa Sangguniang Panlalawigan ang ini nga ginaduso nga ordinansa, ilabi na kay Vice Governor Christine "Tingting" Garin nga nangin Hall of Famer man sadto sa KALASAG Award bilang alkalde sa banwa sang Guimbal.

Pagahingyuon ang Provincial Disaster Risk Reduction and Management Council nga magpain sang pondo para diri. Pangabayon man ang Provincial Veterinary Office nga magbulig sa pagtumod sa mga lugar, MDRRMC, mga LGU, kag Provincial Engineering Office para sa desinyo.

Ginahingyo man sini ang mga animal advocates, kag mga Civil Society Organization nga magpakigbahin kag mag-upod sa sini nga ginaduso nga ordinansa.
via Sanggunian In Action
#iloilonews

Comments

Post a Comment

Popular posts from this blog

LAWAS SANG KONDUKTOR SANG BUS, NATUNGA KAG NADUNOT MATAPOS LASAKON SANG KOTSE KAG TRAK

Nadalahig sa doble aksidente ang isa ka lalaki nga konduktor sang bus matapos mabungguan sang duha ka salakyan sa General Trias, Cavite. Suno sa report, bag-o lang nanaog sa bus ang biktima kag maga-park kuntani sang hinali na lang ini nga ginbungguan sang salakyan. Bangud sa kadasigon sang insidente, wala na makalikaw ang masunod nga dump truck rason nga nabungguan ang biktima kag naguyod sa highway. Nautod ang hawak kag naibabaw nga bahin sang lawas sang biktima, sa diin ginabulubanta nagalab-ot sa apat ka metros ang distansya sa tunga nila. Samtang, gilayon naman nga nadakpan sang kapulisan ang driver sang salakyan nga una nga nakabunggo sa biktima, samtang padayon naman ang pagpangita sang mga otoridad sa driver sang nasambit nga dump truck. #iloilonews
Post a Comment
Read more

GRADE 3 STUDENT, NA-COMATOSE SA KASTIGO SANG MGA HIGH SCHOOL STUDENTS

 Viral sa social media ang isa ka grade 3 student nga ginpulihan kastigo sang high school students sa Iligan City. Suno sa report, ginabulubanta yara sa apat ka kalalakihan ang nagkastigo sa 9 ka tuig nga bata nga lalaki nga estudyante sang Maria Cristina Falls Elementary School. Makita sa video ang pag-atake sa biktima kon paano nagbayluhanay sang sumbag kag sipa ang mga high school students sa iya lawas. Bangud sini, yara na sa Intensive Care Unit (ICU) ang biktima matapos nga nag-angkon sang nagkalain-lain nga pilas, partikular sa iya ulo. Sa separado nga pahayag, ginkondenar ni Iligan City Mayor Freddie Siao ang mabudlay nga kahimtangan sang biktima kag ginpahayag nga nakahatag na ini sang bulig sa pamilya sang biktima kag sa karon naga-coordinate sa mga otoridad. “I am deeply saddened and disturbed by the tragic incident involving a Grade 3 pupil of Maria Cristina Falls Elementary School, who is now fighting for his life in the ICU after being brutally attacked by a group of h...
Post a Comment
Read more

KONSEHAL NGA ABOGADO, GINLEKTYURAN SANG INHENYERO TUHOY SA IYA TRABAHO SA KONSEHO?

Nagpadala sang sulat si Engr. Roy Pacanan, ang OIC District Engineer sang DPWH-Iloilo City District Engineering Office (ICDEO) sa kay City Councilor Romel Duron bilang sabat sa imbitasyon sang Sangguniang Panlungsod angot sa Resolution no. 2025-735 nga may tigulo "A Resolution Calling for an Investigation in Aid of Legislation before the Iloilo City Council over All Private and Public Works Along Rivers, Creeks and Waterways in the City of Iloilo". Ginpahanumdom sang inhenyero ang abogado nga ang gahum sa pagpangusisa ukon investigation in aid of legislation, nga gintugyansa Senado kag Kongreso sang 1987 Constitution, wala nagasakop sa local legislative bodies.  Kon wala sang pahayag nga nagadumili sa Sanggunian sa pag-imbitar sang resource person para sa legislative hearing, dapat maresolbar anay ang ini nga mga isyu antes ang imbitasyon: Una, ang imbitasyon ukon nasambit nga resolution wala sang may natumod nga proposed ordinance nga nagakinahanglan sang imbestigasyon. Basi...
Post a Comment
Read more