BAHA KAG LANDSLIDE, TALAKAYON SA COMMITTEE HEARING ANGOT SA PRIVILEGE S...

Magahiwat sang committee hearing ang joint committee nga ginatapuan sang Committee on Disaster Risk Reduction and Management, bilang lead committee, kag ang Committee on Zoning and Land Use Planning angot sa privilege speech ni 3rd District Board Member Matt Palabrica sadtong Nobyembre 15, 2022 nga may tigulo "Why was Iloilo Severely Affected by Typhoon Paeng? The time to correct our mistakes is NOW!"

Ginpahayag ni 4th District Board Member Rolando Distura, ang chairman sang Committee on Disaster Risk Reduction and Management, nga nagapanguna nga talakayon diri amo ang pagbaha kag pagluntad sang landslide sa probinsya sang Iloilo.

Ginsiling sini imbitado sa sini nga committee hearing ang talatapan sang DENR, MGB, OCD, PAGASA, DOST - may angot sa ila Project NOAH kag ang Phivolcs, DPWH tuhoy sa ila maintenance and flood control office kag sa konstruksyon, DA tuhoy sa kahalitan sa agrikultura kag ang ila Bureau of Soils and Water Management, DILG tuhoy sa ila Ridge to Reef Program, ang Provincial Engineering Office ilabi na ang Office of Building Official tungod may ipresentar siya nga video tuhoy sa natabu sa Busay, Cebu City nga bisan makabig nga takladon na ang lugar apang napatindugan pa sang balay kag may nagluntad nga landslide, lakip man ang mga video footages sang mga kahalitan sang bagyo Paeng sa pila ka bahin sang isla sang Panay, ilabi na sa probinsya sang Iloilo.

Imbitado man ang PENRO kag ang PGENRO, PDRRMO, PPDO, DEPED, DHSUD, kag NHA.

Ginsiling sini nga kon may pondo ang DepEd sa pagpatindog sang classroom kag kon natumod ang lugar nga flood-prone area, dapat i-elevate ang lugar agud nga makaserbe ang classroom bilang classroom kon wala sang kalamidad, kag bilang evacuation center kon may kalamidad.

Ginpaathag sini nga sang siya pa ang alkalde sa banwa sang Dumangas, iya sadto gin-ayu sa DPWH nga ipatindog ang buluthuan sa ibabaw sang floodline ukon itungtong sa mas mataas nga lugar. Tungod kulang ang pondo sang DepEd, nagbulig ang banwa sa pagpatampok agud nga matigayon ang pagtungtong ang istruktura sa mas mataas nga lugar.

Gindugang pa sini nga bilang alkalde sadto, siya man ang chairman sang local school board, ginpabutangan man niya sang comfort room kag water system agud nga indi mabudlay sa mga naga-usar sini.

Ginalantaw sini nga dapat may isa lang ukon uniform nga mapa ang kada banwa sa pagplastar sang comprehensive land use plan (CLUP), disaster map ukon plan kag iban pa.

via Sanggunian In Action

#iloilonews

Comments

TELUS International Philippines celebrates a decade of support to communities with Brigada Eskwela in Iloilo

ILOILO CITY – TELUS International Philippines (TIP), a leading AI-fueled customer experience and business process solutions provider, is proud to celebrate its tenth year supporting public school students and teachers through the Department of Education’s (DepEd) Brigada Eskwela program. As part of the 10th anniversary celebration, the company announced the expansion of its team members’ volunteer efforts to include Iloilo as part of their annual TELUS Days of Giving (TDOG) activities. More than 200 volunteers from TIP's Iloilo sites as well as public school teachers and students from Ramon Avanceña National High School, came together for the inaugural TDOG Brigada Eskwela volunteer effort in Iloilo. Their mission was twofold: to foster the spirit of volunteerism and to create safe and conducive learning environments for more than 4,300 high-school students and 120 educators in Iloilo ahead of the school’s re- opening in July. Volunteers engaged in activities such as painting c...

ANUM KA PAMILYA SA SAN ENRIQUE, GIN-RESCUE

ANUM KA PAMILYA SA SAN ENRIQUE, GIN-RESCUE Naghiwat sang Rescue Operation ang San Enrique Fire Station nga ginapamunuan ni SFO3 Girlie May Gimotea kaupod ang San Enrique MDRRMO sa idalom sang supervision ni Chris Palomado sa Brgy. Lip-ac, San Enrique, Iloilo takna alas tres sang hapon sini nga Martes, Oktubre 10, 2023. Pag-abot sang BFP kag MDRRMO personnel, gin-asisteran nila ang anum ka panimalay nga ginatapuan sang 19 ka mga indibidwal kag gilayon nga gindala sa San Enrique Evacuation Center para sa temporaryo nga pasilungan. Nahibaluan nga nagmunog ang pagbubo sang ulan nga nagresulta sang pagbaha sa nasambit nga lugar. Sa bahin sang Sitio Morobuan, Brgy. Compo, kapin sa 80% sang pumuluyo ang nagbakwit takna alas 5:30 sang hapon bangud man sa baha. #iloilonews

LIGA NG MGA BARANGAY, MAGAHIWAT SANG NATIONAL ASSEMBLY UMPISA SA HUNYO 3...

LIGA NG MGA BARANGAY, MAGAHIWAT SANG NATIONAL ASSEMBLY UMPISA SA HUNYO 3 TUBTOB HUNYO 12 SA PALAWAN Magahiwat sang National Assembly ang Liga ng mga Barangay sa bug-os nga pungsod umpisa sa Sabado, Hunyo 3, 2023, tubtob sa Lunes, Hunyo 12, 2023 didto sa Puerto Princesa City, Palawan. Ginpahayag ni Ex-Officio Board Member Dorothy Paes, ang Liga ng mga Barangay - Provincial Federation President, nga bangud tuman ka damo sang barangay kag diri pa lang sa probinsya sang Iloilo may yara na sang 1,721 ka barangay nga indi maakomodar sa isa lang ka venue kag isa lang ka hugnat. Ginsiling sini nga nangin malawig ang hiwaton nga national assembly tungod nga ila ini ginpahat-pahat sa tatlo ka batch kag didto hiwaton sa Puerto Princesa City, Palawan tungod isa ini ka Clustered General Assembly. Gilayon man sini nga ginpalab-ot sa mga Liga Chapters president ang iya nabaton nga sulat gikan sa Liga National, nga nagpaalinton man sa mga punong barangay nga luyag nga magtambong kag sa mga may pondo p...

Iloilo News and Events

Search This Blog