BM MONDEJAR, NAGALAUM NGA PADASIGON SANG BOD SANG DPWH ANG ILA IMBESTIGA...

BM MONDEJAR, NAGALAUM NGA PADASIGON SANG BUREAU OF DESIGN SANG DPWH ANG ILA IMBESTIGASYON SA UNGKA FLYOVER

Nagalaum si 2nd District Senior Board Member June Mondejar nga mapadasig sang Bureau of Design sang Department of Public Works and Highways ang ila imbesigasyon sa Ungka flyover kon ano ang natabu, kon ang ang diperensya, kon ano ang ila findings, kag kon ano ang ila proposed solutions agud masolusyunan na.

Sa radio program nga Sanggunian In Action, ginpahayag sini nga sa karon nga kahimtangan ang bola yara sa BOD sang DPWH.

Nahibaluan nga nagpasar sang resolution ang Sangguniang Panlalawigan nga nagapangabay sang intervention sang mga kongresista sa syudad sang Iloilo kag sa Segundo Distrito sa probinsya sang Iloilo tungod nga ang Ungka flyover nahamtang sa territorial jurisdiction sang nasambit nga mga local government unit, agud nga mapadasig ang paghatag sang solusyon sa Ungka flyover. 

Ginsiling sini nga sa una nila nga ginhiwat nga committee hearing may yara sila sang rekomendasyon nga i-refer sang DPWH-6 sa ila Central Office kag sa BOD ang ini nga problema.

Ginpabutyag sini nga tubtob karon wala pa sang findings kag rekomendasyon ang BOD rason nga sa ikaduha nga hugnat naghingyo sila sang intervention sang mga kongresista agud nga matulod ang BOD sa pagpagwa sang ila findings kag proposed resolution ukon rekomendasyon sa pagsolbar sa problema sa Ungka flyover, ilabi na ang pag-usmod sang tatlo sini ka poste. 

via Sanggunian In Action

#iloilonews