DPWH-6, WALA PA NAKAHATAG SANG UPDATE SA COMMITTEE ON INFRASTRUCTURE SAN...

DPWH-6, WALA PA NAKAHATAG SANG UPDATE SA COMMITTEE ON INFRASTRUCTURE SANG 14TH SP

Wala sang may nabaton nga official communication si 4th District Board Member Rolando Distura gikan sa Department of Public Works and Highways Region 6 tuhoy sa update sa kahimtangan sang Ungka flyover.

Sa radio program nga Sanggunian In Action, ginpahayag sini nga nagapamati lamang siya, ilabi na nga madamo siya sang abyan nga mga katapo sang media nga nagapahibalo sa iya tuhoy sa Ungka flyover kag nagapati siya nga ang bola yara na sa DPWH.

Ginsiling sini nga nakahibalo na si DPWH Secretary Manny Bonoan sa kahimtangan sang Ungka flyover kag nakahimo naman sang ila tagsa ka representation sanday Congressman Mike Gorriceta, Congresswoman Jam-Jam Baronda kag Congressman Jojo Ang.

Gindugang sini nga nagahulat na lamang siya sa kon ano ang final nga design ukon intervention para sa permanente nga solusyon para sa Ungka flyover.

Nagalaum siya nga may tiglawas gikan sa Central Office sang DPWH nga magpadulong kag magbisita diri kag lantawon ang proyekto. Nakabati siya nga may technical working group nga naglantaw sa proyekto apang nagapati siya nga gikan lamang ini sa regional level gani kinahanglan nga may magagikan gid sa national level.

Nagapati si Distura nga mahimuan sang DPWH sang gilayon kag madasig nga solusyon ang Ungka flyover.

via Sanggunian In Action

#iloilonews

Comments

LAWAS SANG KONDUKTOR SANG BUS, NATUNGA KAG NADUNOT MATAPOS LASAKON SANG KOTSE KAG TRAK

Nadalahig sa doble aksidente ang isa ka lalaki nga konduktor sang bus matapos mabungguan sang duha ka salakyan sa General Trias, Cavite. Suno sa report, bag-o lang nanaog sa bus ang biktima kag maga-park kuntani sang hinali na lang ini nga ginbungguan sang salakyan. Bangud sa kadasigon sang insidente, wala na makalikaw ang masunod nga dump truck rason nga nabungguan ang biktima kag naguyod sa highway. Nautod ang hawak kag naibabaw nga bahin sang lawas sang biktima, sa diin ginabulubanta nagalab-ot sa apat ka metros ang distansya sa tunga nila. Samtang, gilayon naman nga nadakpan sang kapulisan ang driver sang salakyan nga una nga nakabunggo sa biktima, samtang padayon naman ang pagpangita sang mga otoridad sa driver sang nasambit nga dump truck. #iloilonews

GRADE 3 STUDENT, NA-COMATOSE SA KASTIGO SANG MGA HIGH SCHOOL STUDENTS

Viral sa social media ang isa ka grade 3 student nga ginpulihan kastigo sang high school students sa Iligan City. Suno sa report, ginabulubanta yara sa apat ka kalalakihan ang nagkastigo sa 9 ka tuig nga bata nga lalaki nga estudyante sang Maria Cristina Falls Elementary School. Makita sa video ang pag-atake sa biktima kon paano nagbayluhanay sang sumbag kag sipa ang mga high school students sa iya lawas. Bangud sini, yara na sa Intensive Care Unit (ICU) ang biktima matapos nga nag-angkon sang nagkalain-lain nga pilas, partikular sa iya ulo. Sa separado nga pahayag, ginkondenar ni Iligan City Mayor Freddie Siao ang mabudlay nga kahimtangan sang biktima kag ginpahayag nga nakahatag na ini sang bulig sa pamilya sang biktima kag sa karon naga-coordinate sa mga otoridad. “I am deeply saddened and disturbed by the tragic incident involving a Grade 3 pupil of Maria Cristina Falls Elementary School, who is now fighting for his life in the ICU after being brutally attacked by a group of h...

KONSEHAL NGA ABOGADO, GINLEKTYURAN SANG INHENYERO TUHOY SA IYA TRABAHO SA KONSEHO?

Nagpadala sang sulat si Engr. Roy Pacanan, ang OIC District Engineer sang DPWH-Iloilo City District Engineering Office (ICDEO) sa kay City Councilor Romel Duron bilang sabat sa imbitasyon sang Sangguniang Panlungsod angot sa Resolution no. 2025-735 nga may tigulo "A Resolution Calling for an Investigation in Aid of Legislation before the Iloilo City Council over All Private and Public Works Along Rivers, Creeks and Waterways in the City of Iloilo". Ginpahanumdom sang inhenyero ang abogado nga ang gahum sa pagpangusisa ukon investigation in aid of legislation, nga gintugyansa Senado kag Kongreso sang 1987 Constitution, wala nagasakop sa local legislative bodies. Kon wala sang pahayag nga nagadumili sa Sanggunian sa pag-imbitar sang resource person para sa legislative hearing, dapat maresolbar anay ang ini nga mga isyu antes ang imbitasyon: Una, ang imbitasyon ukon nasambit nga resolution wala sang may natumod nga proposed ordinance nga nagakinahanglan sang imbestigasyon. Basi...

Iloilo News and Events

Search This Blog