HUGOT NGA PAGBANTAY SA KASO SANG LEPTOSPIROSIS KAG PAGHIMO SANG ANGAY NG...

HUGOT NGA PAGBANTAY SA KASO SANG LEPTOSPIROSIS KAG PAGHIMO SANG ANGAY NGA TIKANG, GINDUSO NI BM ESPINOSA-DIAZ

Gin-aprubahan unanimously sa 24th Regular Session sang 14th Sangguniang Panlalawigan ng Iloilo ang resolution nga ginduso ni 5th District Board Member Carol-V Espinosa-Diaz bilang sponsor kag nag-co-sponsor sanday Ex-Officio Board Member Dorothy Paes, ang Liga ng mga Barangay - Provincial Federation president; 4th District Board Member Domingo Oso, Jr.; kag 1st District Board Member Marcelo Valentine Serag.

Nahibaluan nga ang resolution may tigulo "A RESOLUTION REQUESTING ALL LOCAL CHIEF EXECUTIVES AND HEADS OF MUNICIPAL HEALTH OFFICES, TO STRICTLY MONITOR THE CASES OF LEPTOSPIROSIS, AND ADOPT APPROPRIATE MEASURES TO MITIGATE THE SURGE OF CASES IN THE PROVINCE OF ILOILO."

Umpisa Enero 21 tubtub Nobyembre 26, 2022, ang Iloilo Provincial Health Office nakabalhag sang kabug-usan nga 128 ka mga kaso sang Leptospirosis nga may 10 ka napatay, mas mataas ikumparar sa 39 ka kaso sa kaangay nga panahon sadtong tuig 2021.

Pito lamang ka mga banwa ang nakabalhag sang zero cases sang Leptospirosis umpisa Enero sini nga tuig tubtub karon, kag ginalakipan ini sang San Enrique, Estancia, Batad, San Dionisio, Ajuy, Pavia kag Bingawan, samtang ang tanan nga iban pa nga mga banwa kag Component City sa bug-os nga Probinsya sang Iloilo may yara sang nabalhag nga napatay kag/ukon nadugangan ang mga kaso.

Nahibaluan nga ang Leptospirosis isa ka balatian nga maangkon paagi sa direct contact sa bacteria ukon ihi sang infected nga mga sapat nga nagsulod sa lawas sang tawo paagi sa pilas, gasgas ukon bakiras, tumalagsahon apang posible paagi sa mga membranes sang baba, ilong ukon mata sa urine-contaminated environment, ilabi na kon may baha.

Ang mga manugpanguma, mga beterinaryo, kag yadtong yara sa ihawan, kag iban pa, nga tuman kag lawig ang exposure sa kontaminado nga tubig ukon duta kon sa diin nagahiwat sang agricultural activities, ilabi na sa pag-usar sang dairy ukonn farm

animals, ang yara sa mataas nga risgo sang impeksyon.

Masami nga ginasiling nga 'prevention is better than cure', gani ginahingyo nga palapnagon ang programa sa pagbakuna sang mga sapat kag maglunsar sang awareness campaign batok sa leptospirosis, agud ma-edukar ang publiko kag mapabilin ang healthy, clean kag sanitary environment agud nga malikawan ang leptospirosis kag iban pa nga bacterial diseases.

via Sanggunian In Action

#iloilonews

Comments

LAWAS SANG KONDUKTOR SANG BUS, NATUNGA KAG NADUNOT MATAPOS LASAKON SANG KOTSE KAG TRAK

Nadalahig sa doble aksidente ang isa ka lalaki nga konduktor sang bus matapos mabungguan sang duha ka salakyan sa General Trias, Cavite. Suno sa report, bag-o lang nanaog sa bus ang biktima kag maga-park kuntani sang hinali na lang ini nga ginbungguan sang salakyan. Bangud sa kadasigon sang insidente, wala na makalikaw ang masunod nga dump truck rason nga nabungguan ang biktima kag naguyod sa highway. Nautod ang hawak kag naibabaw nga bahin sang lawas sang biktima, sa diin ginabulubanta nagalab-ot sa apat ka metros ang distansya sa tunga nila. Samtang, gilayon naman nga nadakpan sang kapulisan ang driver sang salakyan nga una nga nakabunggo sa biktima, samtang padayon naman ang pagpangita sang mga otoridad sa driver sang nasambit nga dump truck. #iloilonews

GRADE 3 STUDENT, NA-COMATOSE SA KASTIGO SANG MGA HIGH SCHOOL STUDENTS

Viral sa social media ang isa ka grade 3 student nga ginpulihan kastigo sang high school students sa Iligan City. Suno sa report, ginabulubanta yara sa apat ka kalalakihan ang nagkastigo sa 9 ka tuig nga bata nga lalaki nga estudyante sang Maria Cristina Falls Elementary School. Makita sa video ang pag-atake sa biktima kon paano nagbayluhanay sang sumbag kag sipa ang mga high school students sa iya lawas. Bangud sini, yara na sa Intensive Care Unit (ICU) ang biktima matapos nga nag-angkon sang nagkalain-lain nga pilas, partikular sa iya ulo. Sa separado nga pahayag, ginkondenar ni Iligan City Mayor Freddie Siao ang mabudlay nga kahimtangan sang biktima kag ginpahayag nga nakahatag na ini sang bulig sa pamilya sang biktima kag sa karon naga-coordinate sa mga otoridad. “I am deeply saddened and disturbed by the tragic incident involving a Grade 3 pupil of Maria Cristina Falls Elementary School, who is now fighting for his life in the ICU after being brutally attacked by a group of h...

KONSEHAL NGA ABOGADO, GINLEKTYURAN SANG INHENYERO TUHOY SA IYA TRABAHO SA KONSEHO?

Nagpadala sang sulat si Engr. Roy Pacanan, ang OIC District Engineer sang DPWH-Iloilo City District Engineering Office (ICDEO) sa kay City Councilor Romel Duron bilang sabat sa imbitasyon sang Sangguniang Panlungsod angot sa Resolution no. 2025-735 nga may tigulo "A Resolution Calling for an Investigation in Aid of Legislation before the Iloilo City Council over All Private and Public Works Along Rivers, Creeks and Waterways in the City of Iloilo". Ginpahanumdom sang inhenyero ang abogado nga ang gahum sa pagpangusisa ukon investigation in aid of legislation, nga gintugyansa Senado kag Kongreso sang 1987 Constitution, wala nagasakop sa local legislative bodies. Kon wala sang pahayag nga nagadumili sa Sanggunian sa pag-imbitar sang resource person para sa legislative hearing, dapat maresolbar anay ang ini nga mga isyu antes ang imbitasyon: Una, ang imbitasyon ukon nasambit nga resolution wala sang may natumod nga proposed ordinance nga nagakinahanglan sang imbestigasyon. Basi...

Iloilo News and Events

Search This Blog