Skip to main content

MGA POSIBLE NGA RESOURCE PERSON PARA SA COMMITTEE HEARING ANGOT SA NTF-E...


MGA POSIBLE NGA RESOURCE PERSON PARA SA COMMITTEE HEARING ANGOT SA NTF-ELCAC PROJECTS, GINATUMOD NA

Nagahulat na lamang sang impormasyon ang Committee on Infrastructure nga ginapamunuan ni 4th District Board Member Rolando Distura gikan sa Department of Interior and Local Government (DILG) tungod isa sila sa nagapatuman sang mga proyekto sa idalom sang National Task Forces to End Local Communist Armed Conflict (NTF-ELCAC).

Sa radio program nga Sanggunian In Action, ginpahayag sini nga  kinahanglan matumod ang mga resource person sa kahangawa nga basi tuman ka damo ang magtambong nga may kahilabtanan sa NTF-ELCAC projects.

Ginsiling sini nga madamo sang mga proyekto sa idalom sang NTF-ELCAC nga ang iban sini yara pa lamang sa 5 percent, ukon wala pa nakalab-ot sa 20 percent, kag ila nahisugtan nga imbitaron lamang ang mga may kahilabtanan sa mga proyekto nga kabus sa 20 percent, kag kon sa diin ini nga local governent unit ginapatuman.

Gindugang sini nga imbitaron man nila ang mga opisyales sa banwa sang Leon, Iloilo agud nga magpakigbahin sa sini nga committee hearing.

Ginpabutyag sini nga medyo masaku tungod sang paskwa kabangdanan nga ginatalana ang committee hearing sa paglipas sang paskwa ilabi na nga napa-bid na man ang tanan sang Iloilo Provincial Government apang may iban nga wala pa nahatagan sang kontrata.

Gin-athag sini indi matuod nga kon ang proyekto wala natapos, ibalik ang badyet sa national government. Ang mga proyekto lamang nga wala na-bid, ukon na bid man apang wala sang takers ang may posibilidad nga ibalik sa national government.    

Kon may kontrata na kag nasuguran na ang proyekto, indi na magbalik ang funding. Nagapabilin nga intact ang 720 million pesos nga funding nga yara sa Iloilo Provincial Government. Nagabira-bira man ang Provincial Engineering Office sa pag-monitor sa mga proyekto ilabi na nga tuman ka damo kag daku ini nga mga proyekto nga may madamo nga pagpanghangkat.

Ginpatpat sini nga kon kaisa may tatlo ka proyekto nga isa lang ang alagyan, kag ini ang wala nakita ukon natalupangdan antes pa man, nga nagakahulugan nga kon isa lang ang dalan sa tatlo ka proyekto daku ang posibilidad nga indi magpasugot ang nauna nga paagyan ang iya proyekto sang mga nagahakot sang balas kag bato sa kahangawa nga basi maglitik ang semento ukon magkaproblema ang iya gina-obra.

May mga komunidad nga luyag nila ang proyekto nga water system apang ang problema tungod nga wala sang source sang tubig nga makwaan. 

Mga pagpanghangkat ini nga ginapangatubang apang ginamedyusan agud nga mahatagan sang katumanan ang mga proyekto.

Kon magpatawag sang committee hearing sa sini nga panahon sang paskwa, posible nga indi mangin mapuslanon tungod basi gamay ang magatambong.
via Sanggunian In Action
#iloilonews

Comments

Post a Comment

Popular posts from this blog

LAWAS SANG KONDUKTOR SANG BUS, NATUNGA KAG NADUNOT MATAPOS LASAKON SANG KOTSE KAG TRAK

Nadalahig sa doble aksidente ang isa ka lalaki nga konduktor sang bus matapos mabungguan sang duha ka salakyan sa General Trias, Cavite. Suno sa report, bag-o lang nanaog sa bus ang biktima kag maga-park kuntani sang hinali na lang ini nga ginbungguan sang salakyan. Bangud sa kadasigon sang insidente, wala na makalikaw ang masunod nga dump truck rason nga nabungguan ang biktima kag naguyod sa highway. Nautod ang hawak kag naibabaw nga bahin sang lawas sang biktima, sa diin ginabulubanta nagalab-ot sa apat ka metros ang distansya sa tunga nila. Samtang, gilayon naman nga nadakpan sang kapulisan ang driver sang salakyan nga una nga nakabunggo sa biktima, samtang padayon naman ang pagpangita sang mga otoridad sa driver sang nasambit nga dump truck. #iloilonews
Post a Comment
Read more

GRADE 3 STUDENT, NA-COMATOSE SA KASTIGO SANG MGA HIGH SCHOOL STUDENTS

 Viral sa social media ang isa ka grade 3 student nga ginpulihan kastigo sang high school students sa Iligan City. Suno sa report, ginabulubanta yara sa apat ka kalalakihan ang nagkastigo sa 9 ka tuig nga bata nga lalaki nga estudyante sang Maria Cristina Falls Elementary School. Makita sa video ang pag-atake sa biktima kon paano nagbayluhanay sang sumbag kag sipa ang mga high school students sa iya lawas. Bangud sini, yara na sa Intensive Care Unit (ICU) ang biktima matapos nga nag-angkon sang nagkalain-lain nga pilas, partikular sa iya ulo. Sa separado nga pahayag, ginkondenar ni Iligan City Mayor Freddie Siao ang mabudlay nga kahimtangan sang biktima kag ginpahayag nga nakahatag na ini sang bulig sa pamilya sang biktima kag sa karon naga-coordinate sa mga otoridad. “I am deeply saddened and disturbed by the tragic incident involving a Grade 3 pupil of Maria Cristina Falls Elementary School, who is now fighting for his life in the ICU after being brutally attacked by a group of h...
Post a Comment
Read more

KONSEHAL NGA ABOGADO, GINLEKTYURAN SANG INHENYERO TUHOY SA IYA TRABAHO SA KONSEHO?

Nagpadala sang sulat si Engr. Roy Pacanan, ang OIC District Engineer sang DPWH-Iloilo City District Engineering Office (ICDEO) sa kay City Councilor Romel Duron bilang sabat sa imbitasyon sang Sangguniang Panlungsod angot sa Resolution no. 2025-735 nga may tigulo "A Resolution Calling for an Investigation in Aid of Legislation before the Iloilo City Council over All Private and Public Works Along Rivers, Creeks and Waterways in the City of Iloilo". Ginpahanumdom sang inhenyero ang abogado nga ang gahum sa pagpangusisa ukon investigation in aid of legislation, nga gintugyansa Senado kag Kongreso sang 1987 Constitution, wala nagasakop sa local legislative bodies.  Kon wala sang pahayag nga nagadumili sa Sanggunian sa pag-imbitar sang resource person para sa legislative hearing, dapat maresolbar anay ang ini nga mga isyu antes ang imbitasyon: Una, ang imbitasyon ukon nasambit nga resolution wala sang may natumod nga proposed ordinance nga nagakinahanglan sang imbestigasyon. Basi...
Post a Comment
Read more