Skip to main content

"TRANSFER TAX AMNESTY ORDINANCE OF 2022", APRUBADO NA SANG 14TH SP


Gin-aprubahan unanimously sa 26th Regular Session sang 14th Sangguniang Panlalawigan ng Iloilo ang Provincial Ordinance No. 2022-289.

Nahibaluan nga ang Provincial Ordinance No. 2022-289 may tigulo "AN ORDINANCE GRANTING TRANSFER TAX RELIEF PERTAINING TO PENALTIES, INTERESTS, AND SURCHARGES IN THE PROVINCE OF ILOILO FROM JANUARY 1, 2018 AND SUCCEEDING YEARS THEREON UNTIL DECEMBER 31, 2022, SUBJECT TO CERTAIN CONDITIONS".

Ang natumod nga ordinansa gin-sponsor ni 5th District Board Member Carol-V Espinosa-Diaz, gin-co-sponsor nanday 4th District Board Member Domingo Oso, Jr., 3rd District Board Member Matt Palabrica kag 2nd District Senior Board Member June Mondejar.

Umpisa sang tuig 2018, ang Probinsya sang Iloilo nagdeklarar nga ipaidalom sa state of calamity tuga sang mga serye sang mga bagyo nga nag-apekto sa probinsya. 

Sadtong 2019, nagdeklarar man ang Probinsya sang Iloilo sang state of calamities tungod sang tagmala, dengue outbreak, kag bagyo Ursula.

Sini nga tuig 2022, nagdeklarar si Presidente Ferdinand Marcos, Jr. sang state of calamity sa idalom sang Proclamation No. 84 sa Rehiyon 6 tungod sang halit sang Severe Tropical Storm Paeng sadtong Oktubre 26 tubtob 29 nga nagtuga sang kahul-anan sa mga kabuhi, pagkaguba sang mga propyedad, halit sa agrikultura kag ktitikal nga mga imprastruktura, kag pagkatublag sang palangabuhian kag normal nga pagsinarayo sang pumuluyo sa mga apektado nga lugar.

Ginpalawig pa gid ni Presidente Ferdinand Marcos, Jr. sa sini nga tuig ang state of calamity sa bug-os nga pungsod sa idalom sang Proclamation No. 57 bangud sa Corona Virus Disease 2019 nga ginbdeklarar sa idalom sang Proclamation No. 929, S. 2020, ginpalawig sa idalom sang Proclamation No. 1021, S. 2020, kag Proclamation No. 1218, S. 2020 epektibo Septiembre 13, 2022 tubtob Deciembre 31, 2022, magluwas lang kon i-lift sing temprano ukon palawigon pa depende sa mga sirkumstansya.

Sa sini nga tuig 2022, ang Probinsya sang Iloilo gindeklarar nga ipaidalom sa state of calamity bangud sa bagyo Agaton nga may daku nga halit sa kadamuan nga lugar sa probinsya.

May pinasahi nga pagsaka sa presyo sang langis, abono kag iban pa nga agricultural inputs lakip ang iban pa nga mga balaklon sa pungsod.

Nahibaluan nga sadtong nagligad nagpasar ang Probinsya sang Iloilo sang Ordinance Nos. 98-24 kag 2003-51 nga nagahatag sang relief sa delinquent real taxpayers sa Probinsya sang Iloilo nga nagresulta sa pagsaka sang koleksyon sa real property taxes.

Ang paghatag sang tax relief paagi sa pag-waive sang interest/penalty on tax
delinquent real properties, kag tugutan nga makabayad sa installments, mahimo  nga ma-justify paagi sa pinasahi nga pagpanghangkat sa mga taxpayers tuga sang karon nga pandemya kag mga kalamidad, kag magahatag sang insentibo kag motibasyon para sa real property tax settlement/ payment nga magaresulta sa pag-agom sang koleksyon sang delinquent taxes.

Ang tanan nga outstanding transfer tax liabilities/delinquencies respecting land, building improvements, kag machineries (lakip ang anuman nga special levies) suno sa pag-assess sang Probinsya sang Iloilo ang sakop sang sini nga paghatag sang amnestiya gikan sa pagbayad sang interests, surcharges ukon penalties tuhoy sa transfer tax deficiency.

Maagom sang delinquent transfer property taxpayers ang ini nga relief paagi sa one-time payment sang delinquent transfer property taxes sa sulod sang period of the effectivity sang Ordinansa umpisa Enero 1, 2023 tubtob Deciembre 31, 2023, nga hilway sa imposed interests, penalties ukon surcharges sini.
via Sanggunian In Action
#iloilonews

Comments

Post a Comment

Popular posts from this blog

LAWAS SANG KONDUKTOR SANG BUS, NATUNGA KAG NADUNOT MATAPOS LASAKON SANG KOTSE KAG TRAK

Nadalahig sa doble aksidente ang isa ka lalaki nga konduktor sang bus matapos mabungguan sang duha ka salakyan sa General Trias, Cavite. Suno sa report, bag-o lang nanaog sa bus ang biktima kag maga-park kuntani sang hinali na lang ini nga ginbungguan sang salakyan. Bangud sa kadasigon sang insidente, wala na makalikaw ang masunod nga dump truck rason nga nabungguan ang biktima kag naguyod sa highway. Nautod ang hawak kag naibabaw nga bahin sang lawas sang biktima, sa diin ginabulubanta nagalab-ot sa apat ka metros ang distansya sa tunga nila. Samtang, gilayon naman nga nadakpan sang kapulisan ang driver sang salakyan nga una nga nakabunggo sa biktima, samtang padayon naman ang pagpangita sang mga otoridad sa driver sang nasambit nga dump truck. #iloilonews
Post a Comment
Read more

TELUS International Philippines celebrates a decade of support to communities with Brigada Eskwela in Iloilo

ILOILO CITY – TELUS International Philippines (TIP), a leading AI-fueled customer experience and business process solutions provider, is proud to celebrate its tenth year supporting public school students and teachers through the Department of Education’s (DepEd) Brigada Eskwela program. As part of the 10th anniversary celebration, the company announced the expansion of its team members’ volunteer efforts to include Iloilo as part of their annual TELUS Days of Giving (TDOG) activities. More than 200 volunteers from TIP's Iloilo sites as well as public school teachers and students from Ramon Avanceña National High School, came together for the inaugural TDOG Brigada Eskwela volunteer effort in Iloilo. Their mission was twofold: to foster the spirit of volunteerism and to create safe and conducive learning environments for more than 4,300 high-school students and 120 educators in Iloilo ahead of the school’s re- opening in July. Volunteers engaged in activities such as painting c...
Post a Comment
Read more

GRADE 3 STUDENT, NA-COMATOSE SA KASTIGO SANG MGA HIGH SCHOOL STUDENTS

 Viral sa social media ang isa ka grade 3 student nga ginpulihan kastigo sang high school students sa Iligan City. Suno sa report, ginabulubanta yara sa apat ka kalalakihan ang nagkastigo sa 9 ka tuig nga bata nga lalaki nga estudyante sang Maria Cristina Falls Elementary School. Makita sa video ang pag-atake sa biktima kon paano nagbayluhanay sang sumbag kag sipa ang mga high school students sa iya lawas. Bangud sini, yara na sa Intensive Care Unit (ICU) ang biktima matapos nga nag-angkon sang nagkalain-lain nga pilas, partikular sa iya ulo. Sa separado nga pahayag, ginkondenar ni Iligan City Mayor Freddie Siao ang mabudlay nga kahimtangan sang biktima kag ginpahayag nga nakahatag na ini sang bulig sa pamilya sang biktima kag sa karon naga-coordinate sa mga otoridad. “I am deeply saddened and disturbed by the tragic incident involving a Grade 3 pupil of Maria Cristina Falls Elementary School, who is now fighting for his life in the ICU after being brutally attacked by a group of h...
Post a Comment
Read more