14TH SP, GINADAYAW ANG DUHA KA KADETE SANG JBLFMU SA PAGDALA SANG BUGAL...

14TH SP, GINADAYAW SANDAY SYRUS MIGUEL SANTAMENA KAG RV JHON ENEMA FORTALEZA SA PAGDALA SANG BUGAL KAG DUNGOG SA PUNGSOD

Gin-aprubahan sa 27th Regular Session sang 14th Sangguniang Panlalawigan ng Iloilo ang resolution nga nagadayaw sa duha ka kadete sang John B. Lacson Foundation Maritime University.

Nahibaluan nga ang resolution may tigulo "A RESOLUTION COMMENDING SYRUS MIGUEL SANTAMENA OF BRGY. BAYUNAN, SAN JOAQUIN, ILOILO, AND RV JHON ENEMA FORTALEZA OF BRGY. ADCADARAO, AJUY, ILOILO, BOTH CADETS OF JOHN B. LACSON FOUNDATION MARITIME UNIVERSITY, FOR RANKING 10TH OUT OF 2100 ASPIRING TEAMS FROM COUNTRIES ALL AROUND THE INDO-PACIFIC REGION DURING THE QUARTER-FINAL ROUND OF THE INDO-PACIFIC QUIZ

COMPETITION 2022 HELD IN INDIA LAST NOVEMBER 20, 2022" nga gin-sponsor ni Vice Governor Christine "Tingting" Garin kag gin-co-sponsor nanday 4th District Board Member Rolando Distura, 5th District Board Member Carol-V Espinosa-Diaz, Ex-Officio Board Member Dorothy Paes sang Liga ng mga Barangay - Provincial Federation, kag 2nd District Senior Board Member June Mondejar.

Lunsay kadete sang John B. Lacson Foundation Maritime University sanday Syrus Miguel Santamena sang Brgy. Bayunan, San Joaquin, Iloilo kag RV John Enema Fortaleza sang Brgy. Adcadarao, Ajuy, Iloilo.

Nangin tiglawas sanday Syrus Miguel Santamena kag RV John Enema Fortaleza sang Pilipinas sa ginhiwat nga Indo-Pacific Quiz Competition 2022 sa India sang nagligad nga November 20, 2022.

Sa quarter-final round, sanday Syrus Miguel Santamena kag RV John Enema Fortaleza nag-rank 10th sa 2100 ka aspiring teams gikan sa 16 ka mga pungsod sa palibot sang Indo-Pacific Region.

Ang ila kadalag-an sa nasambit nga quiz competition nagdala sang bugal kag dungog indi lamang sa ila tagsa ka mga pamilya kundi lakip man sa pungsod kag angay nga hatagan sang bugos nga pagkilala kag pagdayaw sang sini nga Sangguniang Panlalawigan on behalf sang Province of Iloilo.

via Sanggunian In Action

#iloilonews

Comments

LAWAS SANG KONDUKTOR SANG BUS, NATUNGA KAG NADUNOT MATAPOS LASAKON SANG KOTSE KAG TRAK

Nadalahig sa doble aksidente ang isa ka lalaki nga konduktor sang bus matapos mabungguan sang duha ka salakyan sa General Trias, Cavite. Suno sa report, bag-o lang nanaog sa bus ang biktima kag maga-park kuntani sang hinali na lang ini nga ginbungguan sang salakyan. Bangud sa kadasigon sang insidente, wala na makalikaw ang masunod nga dump truck rason nga nabungguan ang biktima kag naguyod sa highway. Nautod ang hawak kag naibabaw nga bahin sang lawas sang biktima, sa diin ginabulubanta nagalab-ot sa apat ka metros ang distansya sa tunga nila. Samtang, gilayon naman nga nadakpan sang kapulisan ang driver sang salakyan nga una nga nakabunggo sa biktima, samtang padayon naman ang pagpangita sang mga otoridad sa driver sang nasambit nga dump truck. #iloilonews

GRADE 3 STUDENT, NA-COMATOSE SA KASTIGO SANG MGA HIGH SCHOOL STUDENTS

Viral sa social media ang isa ka grade 3 student nga ginpulihan kastigo sang high school students sa Iligan City. Suno sa report, ginabulubanta yara sa apat ka kalalakihan ang nagkastigo sa 9 ka tuig nga bata nga lalaki nga estudyante sang Maria Cristina Falls Elementary School. Makita sa video ang pag-atake sa biktima kon paano nagbayluhanay sang sumbag kag sipa ang mga high school students sa iya lawas. Bangud sini, yara na sa Intensive Care Unit (ICU) ang biktima matapos nga nag-angkon sang nagkalain-lain nga pilas, partikular sa iya ulo. Sa separado nga pahayag, ginkondenar ni Iligan City Mayor Freddie Siao ang mabudlay nga kahimtangan sang biktima kag ginpahayag nga nakahatag na ini sang bulig sa pamilya sang biktima kag sa karon naga-coordinate sa mga otoridad. “I am deeply saddened and disturbed by the tragic incident involving a Grade 3 pupil of Maria Cristina Falls Elementary School, who is now fighting for his life in the ICU after being brutally attacked by a group of h...

KONSEHAL NGA ABOGADO, GINLEKTYURAN SANG INHENYERO TUHOY SA IYA TRABAHO SA KONSEHO?

Nagpadala sang sulat si Engr. Roy Pacanan, ang OIC District Engineer sang DPWH-Iloilo City District Engineering Office (ICDEO) sa kay City Councilor Romel Duron bilang sabat sa imbitasyon sang Sangguniang Panlungsod angot sa Resolution no. 2025-735 nga may tigulo "A Resolution Calling for an Investigation in Aid of Legislation before the Iloilo City Council over All Private and Public Works Along Rivers, Creeks and Waterways in the City of Iloilo". Ginpahanumdom sang inhenyero ang abogado nga ang gahum sa pagpangusisa ukon investigation in aid of legislation, nga gintugyansa Senado kag Kongreso sang 1987 Constitution, wala nagasakop sa local legislative bodies. Kon wala sang pahayag nga nagadumili sa Sanggunian sa pag-imbitar sang resource person para sa legislative hearing, dapat maresolbar anay ang ini nga mga isyu antes ang imbitasyon: Una, ang imbitasyon ukon nasambit nga resolution wala sang may natumod nga proposed ordinance nga nagakinahanglan sang imbestigasyon. Basi...

Iloilo News and Events

Search This Blog