14TH SP, GINTALUPANGOD ANG 'SILENT PROTEST' SA WVSGH

14TH SP, GINTALUPANGOD ANG 'SILENT PROTEST' SA WVSGH

Nag-deliver sang Privilege Speech si 2nd District Senior Board Member June Mondejar sa 27th Regular Session sang 14th Sangguniang Panlalawigan ng Iloilo nga may tigulo "SILENT PROTEST IN WVSGH".

Nahibaluan nga may duha ka ospital sa nasakpan sang segundo distrito sa probinsya sang Iloilo nga amo ang Aleosan District Hospital (ADH) sa Alimodian, Iloilo kag ang Western Visayas Sanitarium and General Hospital (WVSGH) nga sadto kilala bilang Western Visayas Sanitarium. Ang WVSGH nahamtang sa Barangay Inangayan kag Barangay Bolong Oeste, Sta Barbara, Iloilo. Ang ADH isa sa 12 ka District Hospitals sa idalom sang Iloilo Provincial Government (IPG) samtang ang WVSGH sa idalom sang Department of Health (DOH).

Ang WVSGH isa ka 300-bed general hospital nga nagatan-ay sang mga masunod nga mga serbisyo: emergency medical services, general care services (medical, surgical, obstetrics and gynecology, family medicine and paediatrics), leprosy care services, out-patient services, laboratory, radiology, major and minor surgeries, pharmacy, medical social services, philhealth services kag general administrative services.

Kadamuan sang mga pasyente sang WVSGH gikan sa segundo distrito sang probinsya sang Iloilo bangud nahamtang ini sa halos sentro sang nasambit nga distrito. Madamo sang mga pumuluyo sang segundo distrito ang naga-enjoy sa mga serbisyo sang sining duha ka mga ospital ilabi na nga ang WVSGH gin-upgrade bilang isa ka general hospital.

Apang, ang mga pumuluyo sang segundo distrito nasorpresa kag nabalaka sa mga reports gikan sa mass media kag impormasyon gikan sa Facebook posts nga nagsugod kapin isa na ka semana tuhoy sa silent protest sang madamo nga mga empleyado sang WVSGH.

Suno sa mga report kag Facebook posts, nagareklamo ang mga empleyado nga ang ila mga sweldo gina-release sa kada tatlo ka bulan sa sulod sang pila na ka mga tuig; ang mga allowances nga ginpromisa sa ila ang nagpabilin nga promisa; ang Performance-Based Bonus(PBB), Productivity Enhancement Incentive(PEI), Philippine Health Insurance Corporation (PHIC) sharing, Collective Negotiation Agreement (CNA), hazard fee, subsistence kag laundry allowance kag iban pa nga mga benepisyo ang wala pa nahatag sa ila; ang elevator wala nakay-o sa sulod na sang anum ka bulan umpisa nga wala nag-andar; ang mga hospital equipment kag facilities wala gilayon napakay-o; kon kaisa wala sang supplies (bandage, scissors, alcohol, kag iban pa) nga pagagamiton. 

Kon matuod ini nga ang sweldo sang mga empleyado gina-release lamang sa kada tatlo ka bulan, indi maka-perform ang mga empleyado kon indi mabayaran sa tatlo ka bulan. Kon indi sila maka-perform sing maayo, ang nga pasyante amo ang maapektuhan. Ang mga empleyado indi maka-perform sing maayo kon ginatublag sila sang atrasado nga pag-release sang ila allowances kag mga benepisyo. Kon indi sila mag-perform sing maayo, ang mga pasyente ang maapektuhan man.

Kon ang elevator wala nagagana sa sulod sang anum ka bulan, apektado man ang hospital operation ilabi na sa pagsaylo ukon ang mobility sang bed-ridden patient gikan sa isa ka level pakadto sa isa pa ka level. Kon ang hospital equipment kag facilities wala nagagana ukon guba, kag kon may kakulang sa supplies (bandage, scissors, alcohol, etc.), wala duda nga apektado man ang mga pasyente.

Nagasuprer na ang mga pasyente physically, emotionally, mentally kag/ukon

economically. Ang ila pagsuprer indi na dapat maglawig ukon palalaon pa sang mga indi epektibo nga mga serbisyo sa ospital. Dapat sila ang bulngon sing maayo sang mga hospital health workers.

Ginsiling sini nga kon lantawon, ayhan ini mga internal problems sang ospital. Apang, ang ginakalabalak-an sini ang apektado nga mga empleyado ilabi na ang apektado nga mga pasyente nga iya mga pumuluyo, mga pumuluyo sang priobinsya. Natublag sila, nagamuhan sila kag nabalaka sila sa sining internal problems. Indi kita makapungko nga nagatulok lang sa sini nga isyu. Ini isa man ka bagay nga dapat tandugon naton para sa apektado nga mga pumuluyo. Wala kita kahibalo, basi kita pa ang mangin instrumento ukon palaagyan nga mangin normal ang sitwasyon.

via Sanggunian In Action

#iloilonews