14TH SP, NAGABUYLOG SA KALISOD SANG MGA HIMATA SANG NAGTALIWAN NGA SI E...

14TH SP, NAGASIMPATIYA KAG NAGABUYLOG SA KALISOD SANG MGA HIMATA SANG NAGTALIWAN NGA SI ENRIQUETA DATO LOCARA

Gin-aprubahan sa 27th Regular Session sang 14th Sangguniang Panlalawigan ng Iloilo ang resolution nga nagapahayag sang tuman ka sensiro nga pagpasalamat kay anay Enriqueta Dato Locara nga nagtaliwan sa edad nga 98, kag pagpakigsimpatiya kag pagpakig-unong sa kalisod sang iya mga himata.

Nahibaluan nga ang resolution may tigulo "A RESOLUTION EXPRESSING SINCEREST GRATITUDE TO THE LATE ENRIQUETA DATO LOCARA , WHO JOINED HER CREATOR AT THE AGE OF NINETY EIGHT (98), AND HEARTFELT SYMPATHIES AND CONDOLENCES TO HER BEREAVED FAMILY" nga gin-sponsor ni 4th District Board Member Rolando Distura kag nag-co-sponsor sanday 3rd District Board Member Matt Palabrica, 4th District Board Member Domingo Oso, Jr. kag Ex-Officio Board Member Dorothy Paes sang Liga ng mga Barangay - Provincial Federation.

Nagakasubo gid ang pumuluyo sa probinsya sang Iloilo kag daku nga kahul-anan ang pagtaliwan ni anay Enriqueta Dato Locara sang Brgy. San Matias, Dingle, Iloilo.

Si Ms. Locara ginakilala nga swimming coach sang masobra 60 ka tuig sa banwa sang Dingle, kon sa diin iya ginpasanyog ang iya pasyon sa paglangoy kag naghatag sang inspirasyon sa mga estudyante nga pasanyugon ang ila ikasangkol sa paglangoy, bisan pa nga kulang sa pasilidad kag natural resources para sa nasambit nga sports ang natumod nga banwa.

Bisan pa sang mga kabudlay kag mga pagpanghangkat nga gin-atubang ni Ms. Locara, nagpadayon siya kag ginhanas ang potensyal sang mga manuglangoy. Nangin coach siya ni Nancy Deaño, nga residente man sang Dingle, Iloilo, nga isa ka swimmer nga nagpaindis-indis sa tatlo ka events sa 1976 Summer Olympics sa Montreal, Quebec, Canada. Sa women's 100m breaststroke event, nangin 6th place sa heat two sang round one nga may 1:20.93. Sa 200m breaststroke event, nakabalhag siya sang oras nga 2:53.08 kag nangin 7th place sa heat five sang round one. Sa 400m individual medley, yara siya sa 6th place sa heat one sang round one nga may 5:34.89 time.

Sa edad nga 86, ginpangunahan ni anay Ms. Locara ang Iloilo Sea Warriors Swim Club

Inc., durante nga ginahiwat ang Palarong Pambansa sa Tarlac City.

Sa iya nga pagkabuhi, indi lamang siya nangin mapinalanggaon nga iloy kag asawa, nagpakita pa siya sang pagkamainubuson kag pagkamabinuligon, kag nangin aktibo nga manunudlo nga nagserbe sang 65 ka tuig sa West Visayas State University.

Nagakasubo ang Sanggunian Panlalawigan sa pagtaliwan sang mapinalanggaon nga persona kag lubos nga nagapakig-ambit sa kalisod sang iya mga himata.

via Sanggunian In Action

#iloilonews

Comments

LAWAS SANG KONDUKTOR SANG BUS, NATUNGA KAG NADUNOT MATAPOS LASAKON SANG KOTSE KAG TRAK

Nadalahig sa doble aksidente ang isa ka lalaki nga konduktor sang bus matapos mabungguan sang duha ka salakyan sa General Trias, Cavite. Suno sa report, bag-o lang nanaog sa bus ang biktima kag maga-park kuntani sang hinali na lang ini nga ginbungguan sang salakyan. Bangud sa kadasigon sang insidente, wala na makalikaw ang masunod nga dump truck rason nga nabungguan ang biktima kag naguyod sa highway. Nautod ang hawak kag naibabaw nga bahin sang lawas sang biktima, sa diin ginabulubanta nagalab-ot sa apat ka metros ang distansya sa tunga nila. Samtang, gilayon naman nga nadakpan sang kapulisan ang driver sang salakyan nga una nga nakabunggo sa biktima, samtang padayon naman ang pagpangita sang mga otoridad sa driver sang nasambit nga dump truck. #iloilonews

GRADE 3 STUDENT, NA-COMATOSE SA KASTIGO SANG MGA HIGH SCHOOL STUDENTS

Viral sa social media ang isa ka grade 3 student nga ginpulihan kastigo sang high school students sa Iligan City. Suno sa report, ginabulubanta yara sa apat ka kalalakihan ang nagkastigo sa 9 ka tuig nga bata nga lalaki nga estudyante sang Maria Cristina Falls Elementary School. Makita sa video ang pag-atake sa biktima kon paano nagbayluhanay sang sumbag kag sipa ang mga high school students sa iya lawas. Bangud sini, yara na sa Intensive Care Unit (ICU) ang biktima matapos nga nag-angkon sang nagkalain-lain nga pilas, partikular sa iya ulo. Sa separado nga pahayag, ginkondenar ni Iligan City Mayor Freddie Siao ang mabudlay nga kahimtangan sang biktima kag ginpahayag nga nakahatag na ini sang bulig sa pamilya sang biktima kag sa karon naga-coordinate sa mga otoridad. “I am deeply saddened and disturbed by the tragic incident involving a Grade 3 pupil of Maria Cristina Falls Elementary School, who is now fighting for his life in the ICU after being brutally attacked by a group of h...

KONSEHAL NGA ABOGADO, GINLEKTYURAN SANG INHENYERO TUHOY SA IYA TRABAHO SA KONSEHO?

Nagpadala sang sulat si Engr. Roy Pacanan, ang OIC District Engineer sang DPWH-Iloilo City District Engineering Office (ICDEO) sa kay City Councilor Romel Duron bilang sabat sa imbitasyon sang Sangguniang Panlungsod angot sa Resolution no. 2025-735 nga may tigulo "A Resolution Calling for an Investigation in Aid of Legislation before the Iloilo City Council over All Private and Public Works Along Rivers, Creeks and Waterways in the City of Iloilo". Ginpahanumdom sang inhenyero ang abogado nga ang gahum sa pagpangusisa ukon investigation in aid of legislation, nga gintugyansa Senado kag Kongreso sang 1987 Constitution, wala nagasakop sa local legislative bodies. Kon wala sang pahayag nga nagadumili sa Sanggunian sa pag-imbitar sang resource person para sa legislative hearing, dapat maresolbar anay ang ini nga mga isyu antes ang imbitasyon: Una, ang imbitasyon ukon nasambit nga resolution wala sang may natumod nga proposed ordinance nga nagakinahanglan sang imbestigasyon. Basi...

Iloilo News and Events

Search This Blog