MADUGAY NGA PAGHULAT AGUD MAKAPANGAYO SANG AYUDA SA KAPITOLYO, GINTALUPA...

MADUGAY NGA PAGHULAT AGUD MAKAPANGAYO SANG AYUDA SA KAPITOLYO, GINTALUPANGOD NI BM MONDEJAR

Gilayon nga ginhiwat ang committee hearing angot sa ginpalab-ot nga reklamo sang pumuluyo sa nasakpan nga distrito ni 2nd District Senior Board Member June Mondejar nga naabtan sang pito ka oras sa kapitolyo antes makakwa sang bulig pinansyal.

Ginpahayag sini nga nag-text ang iya constituent nga taga-Manduyog, Alimodian nga aga pa yara na sa kapitolyo agud mangayo sang bulig gikan sa Provincial Social Welfare and Development Office.

Umpisa alas 9:00 sang aga ang iya hulat tubtob nakakwa sang ayudad takna alas 4:00 na sang hapon, ukon madugay ang iya nga paghulat.

Ginsiling sini nga ang manami sa committee hearing tungod nga maathagan ang tanan, matumod ang problema kag mapangitaan nga solusyon.

Ginpabutyag ni Mondejar nga pagkatapos nga nahatagan ini sang igtalupangod, wala na sang may nabatian nga reklamo gikan sa mga pumuluyo nga nagapangayo sang bulig sa kapitolyo, partikular na sa PSWDO.

Ginahatagan gid ini sang igtalupangod ni Mondejar tungod nakahibalo siya nga makaluluoy ang tawo nga maghulat sang pila ka oras. Tungod sa committee hearing, may pamaagi man gali nga mapadasig kag mahatag ang bulig sa pinakamalip-ot nga panahon kag indi na mag-uyang ang tawo sang oras sa paghulat sa sini nga bulig.

Gintalupangod man nga dapat kumpleto ang papeles nga ginakinahanglan agud nga indi magpabalik-balik kag maghinguyang sang oras ang pumuluyo. Paagi sa committee hearing, naathagan ang mga papeles nga dapat dal-on sang nagapangayo sang bulig agud nga hitso ang pagproseso kag makakwa gilayon sang ayuda.

Ginasuhestyon man nga dapat magtambong ang PSWDO ukon iya tiglawas sa mga sinapol sang Liga ng mga Barangay sa kabanwahanan kag magpaathag tuhoy sa proses kag mga kinahanglanon nga papeles agud mangin madasig ang pagbaton sang bulig sang mga nagapadulong sa kapitolyo.

Ang mga pumuluyo nga nagapangayo sang ayudad nagadangop sa barangay hall kag dapat may ihibalo ang barangay secretary kag mga opisyales sang barangay sa proseso agud makapangayo sang bulig.

Gintuad sini nga ini ang rason kon ngaa may satellite office siya sa banwa sang Santa Barbara, Iloilo nga nahamtang sa iya building nga may nagadumala agud nga mag-atipan ang mga nagapangayo sang bulig kag sa dira pa lang mahambalan na nila kon ano ang requirements agud nga indi mag-uyang sa plete kag oras ang mga pumuluyo sa sina nga banwa kag sa mga katupad nga mga kabanwahanan sa segundo distrito.

via Sanggunian In Action

#iloilonews

Comments

LAWAS SANG KONDUKTOR SANG BUS, NATUNGA KAG NADUNOT MATAPOS LASAKON SANG KOTSE KAG TRAK

Nadalahig sa doble aksidente ang isa ka lalaki nga konduktor sang bus matapos mabungguan sang duha ka salakyan sa General Trias, Cavite. Suno sa report, bag-o lang nanaog sa bus ang biktima kag maga-park kuntani sang hinali na lang ini nga ginbungguan sang salakyan. Bangud sa kadasigon sang insidente, wala na makalikaw ang masunod nga dump truck rason nga nabungguan ang biktima kag naguyod sa highway. Nautod ang hawak kag naibabaw nga bahin sang lawas sang biktima, sa diin ginabulubanta nagalab-ot sa apat ka metros ang distansya sa tunga nila. Samtang, gilayon naman nga nadakpan sang kapulisan ang driver sang salakyan nga una nga nakabunggo sa biktima, samtang padayon naman ang pagpangita sang mga otoridad sa driver sang nasambit nga dump truck. #iloilonews

GRADE 3 STUDENT, NA-COMATOSE SA KASTIGO SANG MGA HIGH SCHOOL STUDENTS

Viral sa social media ang isa ka grade 3 student nga ginpulihan kastigo sang high school students sa Iligan City. Suno sa report, ginabulubanta yara sa apat ka kalalakihan ang nagkastigo sa 9 ka tuig nga bata nga lalaki nga estudyante sang Maria Cristina Falls Elementary School. Makita sa video ang pag-atake sa biktima kon paano nagbayluhanay sang sumbag kag sipa ang mga high school students sa iya lawas. Bangud sini, yara na sa Intensive Care Unit (ICU) ang biktima matapos nga nag-angkon sang nagkalain-lain nga pilas, partikular sa iya ulo. Sa separado nga pahayag, ginkondenar ni Iligan City Mayor Freddie Siao ang mabudlay nga kahimtangan sang biktima kag ginpahayag nga nakahatag na ini sang bulig sa pamilya sang biktima kag sa karon naga-coordinate sa mga otoridad. “I am deeply saddened and disturbed by the tragic incident involving a Grade 3 pupil of Maria Cristina Falls Elementary School, who is now fighting for his life in the ICU after being brutally attacked by a group of h...

KONSEHAL NGA ABOGADO, GINLEKTYURAN SANG INHENYERO TUHOY SA IYA TRABAHO SA KONSEHO?

Nagpadala sang sulat si Engr. Roy Pacanan, ang OIC District Engineer sang DPWH-Iloilo City District Engineering Office (ICDEO) sa kay City Councilor Romel Duron bilang sabat sa imbitasyon sang Sangguniang Panlungsod angot sa Resolution no. 2025-735 nga may tigulo "A Resolution Calling for an Investigation in Aid of Legislation before the Iloilo City Council over All Private and Public Works Along Rivers, Creeks and Waterways in the City of Iloilo". Ginpahanumdom sang inhenyero ang abogado nga ang gahum sa pagpangusisa ukon investigation in aid of legislation, nga gintugyansa Senado kag Kongreso sang 1987 Constitution, wala nagasakop sa local legislative bodies. Kon wala sang pahayag nga nagadumili sa Sanggunian sa pag-imbitar sang resource person para sa legislative hearing, dapat maresolbar anay ang ini nga mga isyu antes ang imbitasyon: Una, ang imbitasyon ukon nasambit nga resolution wala sang may natumod nga proposed ordinance nga nagakinahanglan sang imbestigasyon. Basi...

Iloilo News and Events

Search This Blog