Skip to main content

NIJEL RIZ PERUALILA, GINPANGINBULAHAN KAG GINDAYAW SANG 14TH SP


NIJEL RIZ PERUALILA, GINPANGINBULAHAN KAG GINDAYAW SANG 14TH SP

Gin-aprubahan ang resolution sa 29th Regular Session sang 14th Sangguniang Panlalawigan ng Iloilo nga nga nagapanginbulahan kag nagadayaw kay Nijel Riz Perualila sang Maasin, Iloilo bilang bronze medal awardee sa ginhiwat nga International Science Olympiad Competition.

Nahibaluan nga ang resolution may tigulo "A RESOLUTION CONGRATULATING AND COMMENDING NIJEL RIZ PERUALILA OF MAASIN, ILOILO, BRONZE MEDAL AWARDEE DURING THE INTERNATIONAL SCIENCE OLYMPIAD COMPETITION OF SOUTHEAST ASIA HELD IN BORACAY ISLAND, AKLAN, PHILIPPINES LAST DECEMBER 27-30, 2022," nga gin-sponsor ni 3rd District Board Member Jason Gonzales

Ginhiwat ang International Science Olympiad Competition of Southeast Asia
(ISOCSEA) 2022 sa Boracay Island, Aklan, Philippines, sadtong Deciembre 27-30,
2022 kag ginpasakupan sang mga estudyante gikan sa magkatuhay nga educational institutions sa Southeast Asian Region.

Ang ISOCSEA isa ka international competition sa Science para sa Primary Levels
(Grades 1 to 6), Junior Secondary Levels (Grades 7 to 10), kag one Senior Secondary
Level (Grade 11 & 12) nga nagatuyo nga maduso ang excellence kag proficiency sa Mathematics paagi sa friendly global competitions kag maduso ang turismo sang Southeast Asian, kon sa diin ang Pilipinas bilang una nga destinasyon, sunod ang Indonesia, Singapore, Malaysia, kag iban pa nga Southeast Asian countries sa iban nga pungsod nga partners sa bug-os nga kalibutan.

Si Nijel Riz Perualila, Grade VI pupil sang Maasin Central Elementary, nagpasakop sa nasambit nga Science Olympiad, upod sa iya coach kag adviser nga si Mr. Agustin Madalogdog.

Bilang first-timer, si Perualila nagpasakop sa specific category nga Science Primary 6
kag nahatagan sang award nga Bronze Medal kon sa diin siya nangibabaw sa iban nga mga pumalasakop sa bug-os nga Southeast Asia.

Ang 11-anyos nga si Nijel Riz Perualila residente sang Barangay Naslo, Maasin, Iloilo, kag anak nanday Ma. Rhesthia F. Perualila kag Njlo F. Perualila.

Nangin consistent achiever si Nijel Riz Perualila sa iya academic years bangud nahatagan man siya sang award sang sini nga mga pagkilala kag pagpasakop sa mga masunod nga kompetisyon: National Champion sadtong 2018 Mathematics Trainers Guild - Family
Math Quest sa SM North Edsa, Gold Medalist sa 2020 Singapore & Asian Schools
Math Olympiad (SASMO), 2020 DOST-YES (Youth Excellence in Science); kag consistent
"With High Honors Awardee' pupil umpisa Grade 1 tubtob karon.

Ang kadalag-an ni Perualila nagapakita sang ehemplo sa dedikasyon kag wala pagkalingkang sa pag-atubang sang mga pagpanghangkat nga ginasumalang.

Ang mga katapo sang 14th SP nagaselebrar sa sini nga kadalag-an ni Perualila sa pagdala sang bugal kag dungog sa pungsod, ilabi na sa Probinsya sang Iloilo.
via Sanggunian In Action
#iloilonews

Comments

Post a Comment

Popular posts from this blog

LAWAS SANG KONDUKTOR SANG BUS, NATUNGA KAG NADUNOT MATAPOS LASAKON SANG KOTSE KAG TRAK

Nadalahig sa doble aksidente ang isa ka lalaki nga konduktor sang bus matapos mabungguan sang duha ka salakyan sa General Trias, Cavite. Suno sa report, bag-o lang nanaog sa bus ang biktima kag maga-park kuntani sang hinali na lang ini nga ginbungguan sang salakyan. Bangud sa kadasigon sang insidente, wala na makalikaw ang masunod nga dump truck rason nga nabungguan ang biktima kag naguyod sa highway. Nautod ang hawak kag naibabaw nga bahin sang lawas sang biktima, sa diin ginabulubanta nagalab-ot sa apat ka metros ang distansya sa tunga nila. Samtang, gilayon naman nga nadakpan sang kapulisan ang driver sang salakyan nga una nga nakabunggo sa biktima, samtang padayon naman ang pagpangita sang mga otoridad sa driver sang nasambit nga dump truck. #iloilonews
Post a Comment
Read more

GRADE 3 STUDENT, NA-COMATOSE SA KASTIGO SANG MGA HIGH SCHOOL STUDENTS

 Viral sa social media ang isa ka grade 3 student nga ginpulihan kastigo sang high school students sa Iligan City. Suno sa report, ginabulubanta yara sa apat ka kalalakihan ang nagkastigo sa 9 ka tuig nga bata nga lalaki nga estudyante sang Maria Cristina Falls Elementary School. Makita sa video ang pag-atake sa biktima kon paano nagbayluhanay sang sumbag kag sipa ang mga high school students sa iya lawas. Bangud sini, yara na sa Intensive Care Unit (ICU) ang biktima matapos nga nag-angkon sang nagkalain-lain nga pilas, partikular sa iya ulo. Sa separado nga pahayag, ginkondenar ni Iligan City Mayor Freddie Siao ang mabudlay nga kahimtangan sang biktima kag ginpahayag nga nakahatag na ini sang bulig sa pamilya sang biktima kag sa karon naga-coordinate sa mga otoridad. “I am deeply saddened and disturbed by the tragic incident involving a Grade 3 pupil of Maria Cristina Falls Elementary School, who is now fighting for his life in the ICU after being brutally attacked by a group of h...
Post a Comment
Read more

KONSEHAL NGA ABOGADO, GINLEKTYURAN SANG INHENYERO TUHOY SA IYA TRABAHO SA KONSEHO?

Nagpadala sang sulat si Engr. Roy Pacanan, ang OIC District Engineer sang DPWH-Iloilo City District Engineering Office (ICDEO) sa kay City Councilor Romel Duron bilang sabat sa imbitasyon sang Sangguniang Panlungsod angot sa Resolution no. 2025-735 nga may tigulo "A Resolution Calling for an Investigation in Aid of Legislation before the Iloilo City Council over All Private and Public Works Along Rivers, Creeks and Waterways in the City of Iloilo". Ginpahanumdom sang inhenyero ang abogado nga ang gahum sa pagpangusisa ukon investigation in aid of legislation, nga gintugyansa Senado kag Kongreso sang 1987 Constitution, wala nagasakop sa local legislative bodies.  Kon wala sang pahayag nga nagadumili sa Sanggunian sa pag-imbitar sang resource person para sa legislative hearing, dapat maresolbar anay ang ini nga mga isyu antes ang imbitasyon: Una, ang imbitasyon ukon nasambit nga resolution wala sang may natumod nga proposed ordinance nga nagakinahanglan sang imbestigasyon. Basi...
Post a Comment
Read more