Skip to main content

NTF-ELCAC PROJECTS, DAPAT MAHANGPAN SANG PUMULUYO KON NGAA ANG IBAN SINI...


NTF-ELCAC PROJECTS, DAPAT MAHANGPAN SANG PUMULUYO KON NGAA ANG IBAN SINI WALA NAHUMAN  

Ginadayaw gid ni 2nd District Senior Board Member June Mondejar ang pagpatuman sang mga proyekto sa idalom sang National Task Force to End Local Communist Armed Conflict (NTF-ELCAC).

Ginpahayag sini nga sa malawig niya nga panahon sa pagserbisyo bilang public official, nakita sini ang daku nga impact sang mga proyekto sa mga benepisyaryo. 

Ginsiling sini nga ang NTF-ELCAC projects mga infrastructure kag non-infrastructure projects nga ginapatuman sa kabarangayan nga ginasuspetsuhan nga may problema sa insurhensya sa mga maligwin kag nabukid nga mga barangay, partikular na sa mga banwa sang Leon, Igrabas, Tubungan, kag Miagao.

Suno kay Mondejar, ang katuyuan sang NTF-ELCAC projects nga maimprubar ang kahimtangan sang pagpangabuhi sang mga pumuluyo, mapalapit sa ila ang basic services kag facilities, kag maimprubar ang peace and order situation sa mga natumod nga mga barangay,

Base sa guidelines, ang mga proyekto dapat matapos nga mapatuman antes ukon mismo sa adlaw sang Deciembre 31, 2022. Kon indi mapatuman antes sa nasambit nga petsa, ang porsyon nga wala napatuman ukon wala natapos, ang kantidad sini ibalik sa national government.

Ginpaathag sini nga kon ang proyekto kutob lang sa 80 porsyento ang natapos, mauntat gid ini sa Deciembre 31, 2022, kag ang nabilin nga 20 porsyento nga wala napatuman ang indi na gid mapadayon ukon ipatuman pa. Ang kantidad sang sini nga 20 porsyento ang ibalik sa national govermment.

Buot silingon, suno kay Mondejar, kon may health center nga wala pa atop, apang nag-abot na ang Deciembre 31, 2022, ang badyet para sa atop ang ibalik na sa national government. Makabig nga balik-awot tungod nga ang nagtindog nga health center ang indi magamit tungod wala sang atop.

Nakumpirmar nila ini sa ginhiwat nga committee hearing nga ini ang mangin kahimtangan sang mga proyekto kag wala sang extension ang pagpatuman sang NTF-ELCAC projects.

Ginsiling sini nga sa iya paghangop sadto, sa tion nga mapatuman ang proyekto ukon nasuguran, bisan pa nga nag-abot na ang Deciembre 31, 2022, ang proyekto magapadayon tubtob nga mahuman. Kag, ang wala na-procure pagkatapos sang Deciembre 31, 2022, ano naman ang ginapatihan sini nga indi na matigayon pa.

Gintuad sang Provincial Engineering Office nga kinahanglan ang 132 million pesos agud nga mahuman ang mga proyekto nga naabtan sang Deciembre 31, 2022.

Ginpaalinton man sila nga nakasugilanon na si Governor Arthur Defensor, Jr. kag si DILG Secretary Benhur Abalos tuhoy diri.

Ginpabutyag sini nga ang ila armas sa Provincial Board amo lamang ang pagpasar sang resolution. Magadihon sila sang resolution nga ipatuhoy sa Presidente agud hingyuon kon mahimo nga palawigon ang implementasyon sang nabitin nga mga proyekto.

Isa sa katuyuan sang committee hearing, suno kay Mondejar, nga mapaathag sa pumuluyo ang sitwasyon sang proyekto, kon ngaa wala nahuman, kon ngaa indi pa masugpunan kag kon diin nagkadto ang pondo nga  napartenisir sa partikular nga proyekto.
via Sanggunian In Action
#iloilonews

Comments

Post a Comment

Popular posts from this blog

TELUS International Philippines celebrates a decade of support to communities with Brigada Eskwela in Iloilo

ILOILO CITY – TELUS International Philippines (TIP), a leading AI-fueled customer experience and business process solutions provider, is proud to celebrate its tenth year supporting public school students and teachers through the Department of Education’s (DepEd) Brigada Eskwela program. As part of the 10th anniversary celebration, the company announced the expansion of its team members’ volunteer efforts to include Iloilo as part of their annual TELUS Days of Giving (TDOG) activities. More than 200 volunteers from TIP's Iloilo sites as well as public school teachers and students from Ramon Avanceña National High School, came together for the inaugural TDOG Brigada Eskwela volunteer effort in Iloilo. Their mission was twofold: to foster the spirit of volunteerism and to create safe and conducive learning environments for more than 4,300 high-school students and 120 educators in Iloilo ahead of the school’s re- opening in July. Volunteers engaged in activities such as painting c...
Post a Comment
Read more

LIGA NG MGA BARANGAY, MAGAHIWAT SANG NATIONAL ASSEMBLY UMPISA SA HUNYO 3...

LIGA NG MGA BARANGAY, MAGAHIWAT SANG NATIONAL ASSEMBLY UMPISA SA HUNYO 3 TUBTOB HUNYO 12 SA PALAWAN Magahiwat sang National Assembly ang Liga ng mga Barangay sa bug-os nga pungsod umpisa sa Sabado, Hunyo 3, 2023, tubtob sa Lunes, Hunyo 12, 2023 didto sa Puerto Princesa City, Palawan. Ginpahayag ni Ex-Officio Board Member Dorothy Paes, ang Liga ng mga Barangay - Provincial Federation President, nga bangud tuman ka damo sang barangay kag diri pa lang sa probinsya sang Iloilo may yara na sang 1,721 ka barangay nga indi maakomodar sa isa lang ka venue kag isa lang ka hugnat. Ginsiling sini nga nangin malawig ang hiwaton nga national assembly tungod nga ila ini ginpahat-pahat sa tatlo ka batch kag didto hiwaton sa Puerto Princesa City, Palawan tungod isa ini ka Clustered General Assembly. Gilayon man sini nga ginpalab-ot sa mga Liga Chapters president ang iya nabaton nga sulat gikan sa Liga National, nga nagpaalinton man sa mga punong barangay nga luyag nga magtambong kag sa mga may pondo p...
Post a Comment
Read more

ANUM KA PAMILYA SA SAN ENRIQUE, GIN-RESCUE

ANUM KA PAMILYA SA SAN ENRIQUE, GIN-RESCUE Naghiwat sang Rescue Operation ang San Enrique Fire Station nga ginapamunuan ni SFO3 Girlie May Gimotea kaupod ang San Enrique MDRRMO sa idalom sang supervision ni Chris Palomado sa Brgy. Lip-ac, San Enrique, Iloilo takna alas tres sang hapon sini nga Martes, Oktubre 10, 2023. Pag-abot sang BFP kag MDRRMO personnel, gin-asisteran nila ang anum ka panimalay nga ginatapuan sang 19 ka mga indibidwal kag gilayon nga gindala sa San Enrique Evacuation Center para sa temporaryo nga pasilungan. Nahibaluan nga nagmunog ang pagbubo sang ulan nga nagresulta sang pagbaha sa nasambit nga lugar. Sa bahin sang Sitio Morobuan, Brgy. Compo, kapin sa 80% sang pumuluyo ang nagbakwit takna alas 5:30 sang hapon bangud man sa baha. #iloilonews
Post a Comment
Read more