PALABRICA, NAGDUSO SANG RESOLUTION NGA NAGA-APELAR KAY PBBM NGA PUNGGAN ...

BM PALABRICA, NAGDUSO SANG RESOLUTION NGA NAGA-APELAR KAY PBBM NGA PUNGGAN ANG PAG-IMPORT SANG KALAMAY

Gin-aprubahan sa 27th Regular Session sang 14th Sangguniang Panlalawigan ng Iloilo ang resolution nga ginduso ni 3rd District Board Member Matt Palabrica kag gin-updan sang tanan nga mga katapo sang 14th SP nga nagtambong sa sesyon.

Nahibaluan nga ang resolution may tigulo "A RESOLUTION APPEALING TO HIS EXCELLENCY PRESIDENT FERDINAND R. MARCOS, JR. TO STOP THE MOVE TO IMPORT SUGAR WHILE THE MILLING SEASON IS AT ITS PEAK".

May yara sang plano ang pila ka mga sektor nga gilayon mag-import sang kalamay bisan wala sang patimaan nga ginakulang ang kalamay sa pungsod kag ang Sugar Regulatory Administration (SRA) mismo ang wala sang forecast sang daku nga kakulangon sa suplay sang kalamay matapos ang milling season.

Ang mga sugar farmers, ilabi na ang small kag micro, nakaagom sa una nga higayon sa sulod sang mga dekada, nag-enjoy sa maayo nga presyo sang kalamay, kag ina, ang temporaryo nga pag-untat sang "export" sang sugar "A" nagresulta sa mas daku nga kita bangud sa kinaandan ang "B" sugar may mas mataas nga price structure.

Ang daku kag gagmay nga sugar farmers magasuprer kon ang traders liwat nga maga-import sang kalamay, ilabi na sa tunga-tunga sang milling season tungod sa kinaandan ang anuman nga importasyon magaresulta sa gilayon nga paghina sang presyo tungod ang imported nga kalamay ginakwa sa tuman ka nubo nga presyo gikan sa sugar producing countries.

Ang mga traders kag pila ka unscrupulous sectors lamang ang nagabenepisyo sa importasyon, kag, ang sugar farmers wala pa lubos nga nakarekober gikan sa ila kapyerdihan sang nagligad nga crop seasons, gin-igu sila sang tuman ka nubo nga presyo sang kalamay, tuman ka mahal nga abono kag iban pa nga inputs nga may kaantanan sa sugar farming.

Ginalauman ang importasyon sa 64,050 metroc tons, magaapekto gid ini sang lubos sa sugar farmers, kag, mas magalala pa gid ang ila pagsuprer sa ila kahimtangan sa ekonomiya, magaresulta sa kagutom kag kabus ang ila ikasarang sa pagpa-eskwela sa ila kabataan kag mabuhinan ang ila ikasarang sa pagbakal sang ila kinahanglanon sa panimalay.

via Sanggunian In Action

#iloilonews

Comments

LAWAS SANG KONDUKTOR SANG BUS, NATUNGA KAG NADUNOT MATAPOS LASAKON SANG KOTSE KAG TRAK

Nadalahig sa doble aksidente ang isa ka lalaki nga konduktor sang bus matapos mabungguan sang duha ka salakyan sa General Trias, Cavite. Suno sa report, bag-o lang nanaog sa bus ang biktima kag maga-park kuntani sang hinali na lang ini nga ginbungguan sang salakyan. Bangud sa kadasigon sang insidente, wala na makalikaw ang masunod nga dump truck rason nga nabungguan ang biktima kag naguyod sa highway. Nautod ang hawak kag naibabaw nga bahin sang lawas sang biktima, sa diin ginabulubanta nagalab-ot sa apat ka metros ang distansya sa tunga nila. Samtang, gilayon naman nga nadakpan sang kapulisan ang driver sang salakyan nga una nga nakabunggo sa biktima, samtang padayon naman ang pagpangita sang mga otoridad sa driver sang nasambit nga dump truck. #iloilonews

GRADE 3 STUDENT, NA-COMATOSE SA KASTIGO SANG MGA HIGH SCHOOL STUDENTS

Viral sa social media ang isa ka grade 3 student nga ginpulihan kastigo sang high school students sa Iligan City. Suno sa report, ginabulubanta yara sa apat ka kalalakihan ang nagkastigo sa 9 ka tuig nga bata nga lalaki nga estudyante sang Maria Cristina Falls Elementary School. Makita sa video ang pag-atake sa biktima kon paano nagbayluhanay sang sumbag kag sipa ang mga high school students sa iya lawas. Bangud sini, yara na sa Intensive Care Unit (ICU) ang biktima matapos nga nag-angkon sang nagkalain-lain nga pilas, partikular sa iya ulo. Sa separado nga pahayag, ginkondenar ni Iligan City Mayor Freddie Siao ang mabudlay nga kahimtangan sang biktima kag ginpahayag nga nakahatag na ini sang bulig sa pamilya sang biktima kag sa karon naga-coordinate sa mga otoridad. “I am deeply saddened and disturbed by the tragic incident involving a Grade 3 pupil of Maria Cristina Falls Elementary School, who is now fighting for his life in the ICU after being brutally attacked by a group of h...

KONSEHAL NGA ABOGADO, GINLEKTYURAN SANG INHENYERO TUHOY SA IYA TRABAHO SA KONSEHO?

Nagpadala sang sulat si Engr. Roy Pacanan, ang OIC District Engineer sang DPWH-Iloilo City District Engineering Office (ICDEO) sa kay City Councilor Romel Duron bilang sabat sa imbitasyon sang Sangguniang Panlungsod angot sa Resolution no. 2025-735 nga may tigulo "A Resolution Calling for an Investigation in Aid of Legislation before the Iloilo City Council over All Private and Public Works Along Rivers, Creeks and Waterways in the City of Iloilo". Ginpahanumdom sang inhenyero ang abogado nga ang gahum sa pagpangusisa ukon investigation in aid of legislation, nga gintugyansa Senado kag Kongreso sang 1987 Constitution, wala nagasakop sa local legislative bodies. Kon wala sang pahayag nga nagadumili sa Sanggunian sa pag-imbitar sang resource person para sa legislative hearing, dapat maresolbar anay ang ini nga mga isyu antes ang imbitasyon: Una, ang imbitasyon ukon nasambit nga resolution wala sang may natumod nga proposed ordinance nga nagakinahanglan sang imbestigasyon. Basi...

Iloilo News and Events

Search This Blog