Skip to main content

PONDO SANG NTF-ELCAC PROJECTS NGA WALA NATAPOS, MAGABALIK SA NATIONAL TR...


PONDO SANG NTF-ELCAC PROJECTS NGA WALA NATAPOS, MAGABALIK SA NATIONAL TREASURY

Ginklaro sa joint committee hearing sa pagpanguna sang Committee on Infrastructure nga ginapamunuan ni 4th District Board Member Rolando Distura nga ang pondo sang National Task Force to End Local Communist Armed Conflict (NTF-ELCAC) para sa mga proyekto nga wala natapos paglagpas sang Deciembre 31, 2022 magabalik sa national treasury ukon sa kaban sang gobyerno-nasyunal.

Ginpahayag ni 4th District Board Member Rolando Distura nga ang pondo gikan sa General Appropriations Act ukon GAA para sa NTF-ELCAC projects ang kutob lang sa duha ka tuig kag indi dapat matingala ang pumuluyo kon wala nahuman ang nasuguran nga proyekto paglagpas sa Deciembre 31, 2022 tungod ang nabilin nga pondo para dira ang ginabalik sa national.

Ginsiling sini nga may 165  ka proyekto para sa probinsya sang Iloilo kag ang kabug-usan nga pondo kapin sa 720 million pesos. Partikular nga napainan sang sini nga mga proyekto amo ang apat ka banwa nga ginalakipan sang Igbaras, Tubungan, Leon kag Miagao.

Madamo sang mga proyekto ang wala natapos sa banwa sang Igbaras, may iban sa Tubungan, sa Leon, kag gamay na man lang sa Miagao.

Ginpabutyag sini nga ang rason bangud sa panahon, wala na-antisipar ang road right of way ukon ang mga tag-iya sang duta nga agyan sang mga proyekto, kag may sitwasyon nga dungan gin-award ang mga proyekto apang indi makasugod ang yara sa punta tungod indi makalabay sa proyekto nga gina-obra nga yara sa unahan niya. Sitwasyon ini nga bag-o para sa tanan kag may mga bagay nga wala nahatagan sang igtalupangod nga nagtuga sang huol sa pagpatuman sang proyekto.

Kapin sa 132 million pesos sa 720 million pesos nga pondo ang wala napatuman nga proyekto kag ini ang ibalik sa national government.

Kalabanan sa mga apektado nga proyekto amo ang mga vertical structures kasubong sang mga eskwelahan. Mabudlay magpasaka sang mga materyales sa mga mataas nga lugar ukon taklaron. Nag-apekto man ang kumpirmasyon sang kondisyon sang mga dalan bangud mabudlay magdala sang proyekto didto sa nabukid nga bahin.

Naapektuhan man ang mga electification project ilabi na nga nagpanghalit ang bagyo Paeng sadto. 

Ginalantaw nila nga mangin resolution, kon may ipatuman naman nga NTF-ELCAC projects sa masunod nga mga tuig, itugyan sa mga local government unit ang pagpa-obra sang mga proyekto kon masarangan na man lang nila. Nahibaluan nga na-overwhelmed ang probinsya sa kadamuon sang mga proyekto.


PUMULUYO SANG APAT KA BANWA, DAPAT MAATHAGAN SA KAHIMTANGAN SANG NTF-ELCAC PROJECTS SA ILA LUGAR

Ginapangabay ni 4th District Board Member Rolando Distura sa mga Municipal Local Government Operartions Officer nga buligan nga ipaathag sa mga pumuluyo ang kahimtangan sang mga proyekto sa idalom sang National Task Force to End Local Communist Armed Conflict (NTF-ELCAC).

Dapat ipahangop sa tawo nga wala ginkawat ang kwarta tungod wala natapos ang proyekto, kag agud nga indi na sila maghaum-haom kon sa diin nagkadto ang kwarta. Sa subong pa lang, dapat mahangpan nila ang proseso kag kon paano nagahulat ang gobyerno tuhoy diri.

Ang tanan nga pondo nga wala nagamit pagkatapos sang Deciembre 31, 2022, bisan wala pa natapos ang proyekto, dapat nga ibalik sa national government bangud ini ang nasaad sa kasuguan. 


RESOLUTION

Magahimo sila sang resolution nga magahingyo sa national government nga liwat nga painan sang pondo agud nga mahuman ang wala natapos nga proyekto.  Dugang pa diri, hingyuon man kon mahimo nga pondohan liwat ang wala pa napatuman nga mga proyekto. Kon masarangan man lang sang local government unit, ang LGU na lang ang mapatuman.
via Sanggunian In Action
#iloilonews

Comments

Post a Comment

Popular posts from this blog

TELUS International Philippines celebrates a decade of support to communities with Brigada Eskwela in Iloilo

ILOILO CITY – TELUS International Philippines (TIP), a leading AI-fueled customer experience and business process solutions provider, is proud to celebrate its tenth year supporting public school students and teachers through the Department of Education’s (DepEd) Brigada Eskwela program. As part of the 10th anniversary celebration, the company announced the expansion of its team members’ volunteer efforts to include Iloilo as part of their annual TELUS Days of Giving (TDOG) activities. More than 200 volunteers from TIP's Iloilo sites as well as public school teachers and students from Ramon Avanceña National High School, came together for the inaugural TDOG Brigada Eskwela volunteer effort in Iloilo. Their mission was twofold: to foster the spirit of volunteerism and to create safe and conducive learning environments for more than 4,300 high-school students and 120 educators in Iloilo ahead of the school’s re- opening in July. Volunteers engaged in activities such as painting c...
Post a Comment
Read more

ANUM KA PAMILYA SA SAN ENRIQUE, GIN-RESCUE

ANUM KA PAMILYA SA SAN ENRIQUE, GIN-RESCUE Naghiwat sang Rescue Operation ang San Enrique Fire Station nga ginapamunuan ni SFO3 Girlie May Gimotea kaupod ang San Enrique MDRRMO sa idalom sang supervision ni Chris Palomado sa Brgy. Lip-ac, San Enrique, Iloilo takna alas tres sang hapon sini nga Martes, Oktubre 10, 2023. Pag-abot sang BFP kag MDRRMO personnel, gin-asisteran nila ang anum ka panimalay nga ginatapuan sang 19 ka mga indibidwal kag gilayon nga gindala sa San Enrique Evacuation Center para sa temporaryo nga pasilungan. Nahibaluan nga nagmunog ang pagbubo sang ulan nga nagresulta sang pagbaha sa nasambit nga lugar. Sa bahin sang Sitio Morobuan, Brgy. Compo, kapin sa 80% sang pumuluyo ang nagbakwit takna alas 5:30 sang hapon bangud man sa baha. #iloilonews
Post a Comment
Read more

LIGA NG MGA BARANGAY, MAGAHIWAT SANG NATIONAL ASSEMBLY UMPISA SA HUNYO 3...

LIGA NG MGA BARANGAY, MAGAHIWAT SANG NATIONAL ASSEMBLY UMPISA SA HUNYO 3 TUBTOB HUNYO 12 SA PALAWAN Magahiwat sang National Assembly ang Liga ng mga Barangay sa bug-os nga pungsod umpisa sa Sabado, Hunyo 3, 2023, tubtob sa Lunes, Hunyo 12, 2023 didto sa Puerto Princesa City, Palawan. Ginpahayag ni Ex-Officio Board Member Dorothy Paes, ang Liga ng mga Barangay - Provincial Federation President, nga bangud tuman ka damo sang barangay kag diri pa lang sa probinsya sang Iloilo may yara na sang 1,721 ka barangay nga indi maakomodar sa isa lang ka venue kag isa lang ka hugnat. Ginsiling sini nga nangin malawig ang hiwaton nga national assembly tungod nga ila ini ginpahat-pahat sa tatlo ka batch kag didto hiwaton sa Puerto Princesa City, Palawan tungod isa ini ka Clustered General Assembly. Gilayon man sini nga ginpalab-ot sa mga Liga Chapters president ang iya nabaton nga sulat gikan sa Liga National, nga nagpaalinton man sa mga punong barangay nga luyag nga magtambong kag sa mga may pondo p...
Post a Comment
Read more