Skip to main content

SPECIAL CITATION SANG UNDP SA I-PORE 2022, GINKALIPAY NI BOARD MEMBER RO...


SPECIAL CITATION SANG UNDP SA I-PORE 2022, GINKALIPAY NI BOARD MEMBER ROLLY DISTURA

Ginkalipay ni 4th District Board Member Rolando Distura nga ginhatagan sang special citation sang United Nations Development Programme (UNDP) kag Department of Energy (DOE) ang Iloilo Provincial Government.

Nagpadala sang sulat si Selva Ramachandran, Resident Representative sang UNDP, kay Governor Arthur Defensor, Jr. sadtong Deciembre 6, 2022 nga ginakilala kag ginapanginbulahan ang programa sang Iloilo Provincial Government tuhoy sa renewable energy, ilabi na ang Iloilo-Provincial Renewable Energy Plan (I-PREP).

Ang I-PREP ginpabakod paagi sa Provincial Ordinance No. 2022-277 nga may tigulo "AN ORDINANCE PROMOTING THE DEVELOPMENT, UTILIZATION, AND COMMERCIALIZATION OF RENEWABLE ENERGY RESOURCES, ILOILO PROVINCIAL ORDINANCE FOR RENEWABLE ENERGY (I-PORE), APPROPRIATING FUNDS THEREFORE, AND FOR OTHER PURPOSES".

Ang malip-ot sini nga tigulo amo ang "ILOILO PROVINCIAL ORDINANCE FOR RENEWABLE ENERGY ORDINANCE OF 2022 (I-PORE 2022)" nga ang author kag sponsor amo si 4th District Board Member Rolando Distura kag co-sponsor sanday Vice Governor Christine "Tingting" Garin, 3rd District Board Member Jason Gonzales, 1st District Board Member Marcelo Valentine Serag, kag 4th District Board Member Domingo Oso, Jr.

Ginsiling sini nga ang ordinansa naga-alokar sang katunga sang isa ka porsyento sang kabug-usan nga badyet sang probinsya sang Iloilo nga ipain para sa renewable energy program.

Sa sini, ginapanginbulahan niya sanday Governor Arthur Defensor, Jr., Vice Governor Christine "Tingting" Garin, kag tanan nga mga kaupdanan sini sa 14th Sangguniang Panlalawigan ng Iloilo bangud sang sining mapuslanon gid nga programa sa renewable energy nga ginkilala gid sang UNDP kag sang DOE.

Nahibaluan nga may yara na sang natigayon nga 75kW nga solar panel nga nahamtang sa Pototan Provincial Hospital.

Ginalantaw sini nga ang probinsya sang Iloilo nga mangin signipikante nga tag-kontribwer sang green energy. 

Ginpatpat sini nga sa inisyal nga lihok, tanan nga mga district hospiat sang probinsya ang pahamtangan sang solar panel para sa solar energy, igasunod ang tanan nga mga pasilidad sang Iloilo Provincial Govenrment, kag mga buluthuan. 

Kaangay lang nga gina-harvest naton ang solar power kag ang sobra sini ang mahimo nga ibaligya sa grid paagi sa net metering. Isa ini ka signipikante nga kontribusyon sang mga pumuluyo sa probinsya sang Iloilo sa pagpakig-away sa climate change.

Gindayaw sang UNDP ang IPG sa pagpasar sang I-PORE tungod pinakauna ini sa pungsod Pilipinas kag nagalaum sila nga magaserbe ini nga 'excellent example' para sa tanan nga mga local government unit.


DISKWENTO SA REAL PROPERTY TAX PARA SA NAGAGAMIT SANG RENEWABLE ENERGY

Angot sini, iya igaduso sa sini nga bag-ong tuig ang ordinansa nga magahatag sang diskwento ukon insentibo sa real property tax sang pumuluyo nga nagagamit sang renewable energy, indi lamang sang solar power kundi lakip man sang wind energy, hydro ukon biomass.

Tinutuyo sini nga mas maganyat kag maduso ang pumuluyo nga suportahan ang programa sang probinsya tuhoy sa renewable energy. Mapahangop sa pumuluyo nga ang ini nga tikang makapahagan-hagan sa ginabuga nga aso gikan sa ginagamit nga fossil fuels ukon coal nga gina-usar sa coal plant sa pag-prodyuser sang kuryente.
via Sanggunian In Action
#iloilonews

Comments

Post a Comment

Popular posts from this blog

TELUS International Philippines celebrates a decade of support to communities with Brigada Eskwela in Iloilo

ILOILO CITY – TELUS International Philippines (TIP), a leading AI-fueled customer experience and business process solutions provider, is proud to celebrate its tenth year supporting public school students and teachers through the Department of Education’s (DepEd) Brigada Eskwela program. As part of the 10th anniversary celebration, the company announced the expansion of its team members’ volunteer efforts to include Iloilo as part of their annual TELUS Days of Giving (TDOG) activities. More than 200 volunteers from TIP's Iloilo sites as well as public school teachers and students from Ramon Avanceña National High School, came together for the inaugural TDOG Brigada Eskwela volunteer effort in Iloilo. Their mission was twofold: to foster the spirit of volunteerism and to create safe and conducive learning environments for more than 4,300 high-school students and 120 educators in Iloilo ahead of the school’s re- opening in July. Volunteers engaged in activities such as painting c...
Post a Comment
Read more

ANUM KA PAMILYA SA SAN ENRIQUE, GIN-RESCUE

ANUM KA PAMILYA SA SAN ENRIQUE, GIN-RESCUE Naghiwat sang Rescue Operation ang San Enrique Fire Station nga ginapamunuan ni SFO3 Girlie May Gimotea kaupod ang San Enrique MDRRMO sa idalom sang supervision ni Chris Palomado sa Brgy. Lip-ac, San Enrique, Iloilo takna alas tres sang hapon sini nga Martes, Oktubre 10, 2023. Pag-abot sang BFP kag MDRRMO personnel, gin-asisteran nila ang anum ka panimalay nga ginatapuan sang 19 ka mga indibidwal kag gilayon nga gindala sa San Enrique Evacuation Center para sa temporaryo nga pasilungan. Nahibaluan nga nagmunog ang pagbubo sang ulan nga nagresulta sang pagbaha sa nasambit nga lugar. Sa bahin sang Sitio Morobuan, Brgy. Compo, kapin sa 80% sang pumuluyo ang nagbakwit takna alas 5:30 sang hapon bangud man sa baha. #iloilonews
Post a Comment
Read more

LIGA NG MGA BARANGAY, MAGAHIWAT SANG NATIONAL ASSEMBLY UMPISA SA HUNYO 3...

LIGA NG MGA BARANGAY, MAGAHIWAT SANG NATIONAL ASSEMBLY UMPISA SA HUNYO 3 TUBTOB HUNYO 12 SA PALAWAN Magahiwat sang National Assembly ang Liga ng mga Barangay sa bug-os nga pungsod umpisa sa Sabado, Hunyo 3, 2023, tubtob sa Lunes, Hunyo 12, 2023 didto sa Puerto Princesa City, Palawan. Ginpahayag ni Ex-Officio Board Member Dorothy Paes, ang Liga ng mga Barangay - Provincial Federation President, nga bangud tuman ka damo sang barangay kag diri pa lang sa probinsya sang Iloilo may yara na sang 1,721 ka barangay nga indi maakomodar sa isa lang ka venue kag isa lang ka hugnat. Ginsiling sini nga nangin malawig ang hiwaton nga national assembly tungod nga ila ini ginpahat-pahat sa tatlo ka batch kag didto hiwaton sa Puerto Princesa City, Palawan tungod isa ini ka Clustered General Assembly. Gilayon man sini nga ginpalab-ot sa mga Liga Chapters president ang iya nabaton nga sulat gikan sa Liga National, nga nagpaalinton man sa mga punong barangay nga luyag nga magtambong kag sa mga may pondo p...
Post a Comment
Read more