ANGELICA ELAINE DOLORFINO JOVER SANG DUMANGAS, GINADAYAW KAG GINAPANGINB...

ANGELICA ELAINE DOLORFINO JOVER SANG DUMANGAS, GINADAYAW KAG GINAPANGINBULAHAN SANG 14TH SP SA PAGKABALHAG SANG IYA LIBRO NGA "HULING SANDALI"

Gin-aprubahan sa 31st Regular Session sang 14th Sangguniang Panlalawigan ng Iloilo ang resolution nga nagadayaw kag nagapanginbulahan kay Angelica Elaine Dolorfino Jover sang Dumangas.

Ginduso ni Ex-Officio Board Member Dorothy Paes, Liga ng mga Barangay President - Provincial Federation, ang resolution nga may tigulo "RESOLUTION COMMENDING AND CONGRATULATING ANGELICA ELAINE DOLORFINO JOVER OF DUMANGAS, ILOILO ON THE RECENT PUBLICATION OF HER NOVEL ENTITLED, "HULING SANDALI" PUBLISHED BY UKIYOTO PUBLISHING IN CANADA".

Nangin co-sponsor sang resolution sanday 4th District Board Members Rolando Distura kag Domingo Oso, Jr.

Ginbun-ag si Angelica Elaine D. Jover sadtong October 9, 2007, sang iya ginikanan nga sanday Federic Donguines Jover kag Dylin Dolorfino Jover sang Dumangas, Iloilo.

Nagabutho sa Dumangas National High School si Angelica Elaine D. Jover bilang Grade 9 SCP-STE student kag amo ang author sang libro nga may tigulo "Huling Sandali".

Nagalaragway ang istorya sang libro sa masubo nga love story kag may inspirasyon sang ambahon nga December Avenue, isa ka pop/alternative rock band gikan sa Manila,

Philippines nga may kaangay nga tigulo, "Huling Sandali".

Sadtong 2022, ang Ukiyoto Publishing, isa ka publishing company nga nabase sa Toronto, Ontario, Canada nagbalhag sang libro ni Angelica Elaine D. Jover.

Ang nahimo ni Angelica Elaine D. Jover angay nga kilalahon sa pagdala sang bugal kag dungog sa Probinsya sang Iloilo.

via Sanggunian In Action

#iloilonews

Comments

LAWAS SANG KONDUKTOR SANG BUS, NATUNGA KAG NADUNOT MATAPOS LASAKON SANG KOTSE KAG TRAK

Nadalahig sa doble aksidente ang isa ka lalaki nga konduktor sang bus matapos mabungguan sang duha ka salakyan sa General Trias, Cavite. Suno sa report, bag-o lang nanaog sa bus ang biktima kag maga-park kuntani sang hinali na lang ini nga ginbungguan sang salakyan. Bangud sa kadasigon sang insidente, wala na makalikaw ang masunod nga dump truck rason nga nabungguan ang biktima kag naguyod sa highway. Nautod ang hawak kag naibabaw nga bahin sang lawas sang biktima, sa diin ginabulubanta nagalab-ot sa apat ka metros ang distansya sa tunga nila. Samtang, gilayon naman nga nadakpan sang kapulisan ang driver sang salakyan nga una nga nakabunggo sa biktima, samtang padayon naman ang pagpangita sang mga otoridad sa driver sang nasambit nga dump truck. #iloilonews

GRADE 3 STUDENT, NA-COMATOSE SA KASTIGO SANG MGA HIGH SCHOOL STUDENTS

Viral sa social media ang isa ka grade 3 student nga ginpulihan kastigo sang high school students sa Iligan City. Suno sa report, ginabulubanta yara sa apat ka kalalakihan ang nagkastigo sa 9 ka tuig nga bata nga lalaki nga estudyante sang Maria Cristina Falls Elementary School. Makita sa video ang pag-atake sa biktima kon paano nagbayluhanay sang sumbag kag sipa ang mga high school students sa iya lawas. Bangud sini, yara na sa Intensive Care Unit (ICU) ang biktima matapos nga nag-angkon sang nagkalain-lain nga pilas, partikular sa iya ulo. Sa separado nga pahayag, ginkondenar ni Iligan City Mayor Freddie Siao ang mabudlay nga kahimtangan sang biktima kag ginpahayag nga nakahatag na ini sang bulig sa pamilya sang biktima kag sa karon naga-coordinate sa mga otoridad. “I am deeply saddened and disturbed by the tragic incident involving a Grade 3 pupil of Maria Cristina Falls Elementary School, who is now fighting for his life in the ICU after being brutally attacked by a group of h...

KONSEHAL NGA ABOGADO, GINLEKTYURAN SANG INHENYERO TUHOY SA IYA TRABAHO SA KONSEHO?

Nagpadala sang sulat si Engr. Roy Pacanan, ang OIC District Engineer sang DPWH-Iloilo City District Engineering Office (ICDEO) sa kay City Councilor Romel Duron bilang sabat sa imbitasyon sang Sangguniang Panlungsod angot sa Resolution no. 2025-735 nga may tigulo "A Resolution Calling for an Investigation in Aid of Legislation before the Iloilo City Council over All Private and Public Works Along Rivers, Creeks and Waterways in the City of Iloilo". Ginpahanumdom sang inhenyero ang abogado nga ang gahum sa pagpangusisa ukon investigation in aid of legislation, nga gintugyansa Senado kag Kongreso sang 1987 Constitution, wala nagasakop sa local legislative bodies. Kon wala sang pahayag nga nagadumili sa Sanggunian sa pag-imbitar sang resource person para sa legislative hearing, dapat maresolbar anay ang ini nga mga isyu antes ang imbitasyon: Una, ang imbitasyon ukon nasambit nga resolution wala sang may natumod nga proposed ordinance nga nagakinahanglan sang imbestigasyon. Basi...

Iloilo News and Events

Search This Blog