BSP-ILOILO (CONFESOR) COUNCIL KAG PASSI CITY, SUPORTADO SANG 14TH SP NGA...

BSP-ILOILO (CONFESOR) COUNCIL KAG PASSI CITY, SUPORTADO SANG 14TH SP SA ILA TUYO NGA MAG-HOST SANG 18TH NATIONAL JAMBOREE IN THE VISAYAS REGION SA BULAN SANG DISYEMBRE

Gin-aprubahan sa 31st Regular Session sang 14th Sangguniang Panlalawigan ng Iloilo ang resolution nga nagasuporta sa Boy Scout of the Philippines kag Passi City sa ila pag-host sang 18th National Jamboree.

Ginduso ni 3rd District Board Member Matt Palabrica ang resolution nga may tigulo "A RESOLUTION SUPPORTING THE BOY SCOUTS OF THE PHILIPPINES-ILOILO (CONFESOR) COUNCIL TOGETHER WITH THE CITY OF PASSI, ILOILO, ON THEIR INTENT TO HOST THE 18TH NATIONAL JAMBOREE IN THE VISAYAS REGION ON DECEMBER 11-17, 2023".

Isa sa pinakasignipikante nga Scouting activities sa pungsod amo ang paghiwat sang jamboree. Ang camping sa kagulangan kag sa wayang nagaduso indi lamang sang ikaayong-lawas sang mga lamharon kundi nagatudlo man sa kalalakihan sa pag-amlig sang ila kaugalingon kag magtuon sang pila ka ikasarang kag ikasangkol sa ila pangamot.

Nagahiwat ang Boy Scouts of the Philippines (BSP) sang iya Annual National Jamboree

sa pinili ukon nahisugtan nga camp site nga nahamtang sa pinili nga mga lugar sa Pilipinas.

Santu sa National Office Memorandum N. 78, series of 2022 ukon "Call for Invitation to Host the 2023 National Events/Activities", ginhiwat ang sinapol sadtong December 5, 2022 sa tunga sang City of Passi nga gintiglawas ni Honorable Mayor Atty. Stephen Palmares kag sang BSP-Iloilo nga gin-representar ni Council Chairman Honorable Matt Palabrica nga nagakumpirmar sa tuyo nga pag-host sa nasambit nga aktibidad sa December 11-17, 2023.

Ginpanugyan sa local councils nga intresado nga mag-host sa natumod nga aktibidad nga magsumiter sang Resolution gikan sa Local Council Executive Board sa iya tuyo nga mag-bid sa Event lakip ang pagpasiguro sang suporta sang local government unit.

Nakita sang City of Passi ang higayon nga makapasundayag sang iya pagkama-abi-abihon, kaalwan kag pagkama-inabyanon, kag kumpiyansa ini nga makatuman sa necessary developments, ilabi na sa paghatag sang tanan nga logistical needs kag available financial capacity.

via Sanggunian In Action

#iloilonews

Comments

LAWAS SANG KONDUKTOR SANG BUS, NATUNGA KAG NADUNOT MATAPOS LASAKON SANG KOTSE KAG TRAK

Nadalahig sa doble aksidente ang isa ka lalaki nga konduktor sang bus matapos mabungguan sang duha ka salakyan sa General Trias, Cavite. Suno sa report, bag-o lang nanaog sa bus ang biktima kag maga-park kuntani sang hinali na lang ini nga ginbungguan sang salakyan. Bangud sa kadasigon sang insidente, wala na makalikaw ang masunod nga dump truck rason nga nabungguan ang biktima kag naguyod sa highway. Nautod ang hawak kag naibabaw nga bahin sang lawas sang biktima, sa diin ginabulubanta nagalab-ot sa apat ka metros ang distansya sa tunga nila. Samtang, gilayon naman nga nadakpan sang kapulisan ang driver sang salakyan nga una nga nakabunggo sa biktima, samtang padayon naman ang pagpangita sang mga otoridad sa driver sang nasambit nga dump truck. #iloilonews

GRADE 3 STUDENT, NA-COMATOSE SA KASTIGO SANG MGA HIGH SCHOOL STUDENTS

Viral sa social media ang isa ka grade 3 student nga ginpulihan kastigo sang high school students sa Iligan City. Suno sa report, ginabulubanta yara sa apat ka kalalakihan ang nagkastigo sa 9 ka tuig nga bata nga lalaki nga estudyante sang Maria Cristina Falls Elementary School. Makita sa video ang pag-atake sa biktima kon paano nagbayluhanay sang sumbag kag sipa ang mga high school students sa iya lawas. Bangud sini, yara na sa Intensive Care Unit (ICU) ang biktima matapos nga nag-angkon sang nagkalain-lain nga pilas, partikular sa iya ulo. Sa separado nga pahayag, ginkondenar ni Iligan City Mayor Freddie Siao ang mabudlay nga kahimtangan sang biktima kag ginpahayag nga nakahatag na ini sang bulig sa pamilya sang biktima kag sa karon naga-coordinate sa mga otoridad. “I am deeply saddened and disturbed by the tragic incident involving a Grade 3 pupil of Maria Cristina Falls Elementary School, who is now fighting for his life in the ICU after being brutally attacked by a group of h...

KONSEHAL NGA ABOGADO, GINLEKTYURAN SANG INHENYERO TUHOY SA IYA TRABAHO SA KONSEHO?

Nagpadala sang sulat si Engr. Roy Pacanan, ang OIC District Engineer sang DPWH-Iloilo City District Engineering Office (ICDEO) sa kay City Councilor Romel Duron bilang sabat sa imbitasyon sang Sangguniang Panlungsod angot sa Resolution no. 2025-735 nga may tigulo "A Resolution Calling for an Investigation in Aid of Legislation before the Iloilo City Council over All Private and Public Works Along Rivers, Creeks and Waterways in the City of Iloilo". Ginpahanumdom sang inhenyero ang abogado nga ang gahum sa pagpangusisa ukon investigation in aid of legislation, nga gintugyansa Senado kag Kongreso sang 1987 Constitution, wala nagasakop sa local legislative bodies. Kon wala sang pahayag nga nagadumili sa Sanggunian sa pag-imbitar sang resource person para sa legislative hearing, dapat maresolbar anay ang ini nga mga isyu antes ang imbitasyon: Una, ang imbitasyon ukon nasambit nga resolution wala sang may natumod nga proposed ordinance nga nagakinahanglan sang imbestigasyon. Basi...

Iloilo News and Events

Search This Blog