MELODY RECTO BASINANG KAG JEFFERSON TADULAN ORR, GINADAYAW KAG GINAPANGI...

MELODY RECTO BASINANG SANG PASSI CITY KAG JEFFERSON TADULAN ORR SANG LEON, GINADAYAW KAG GINAPANGINBULAHAN SANG 14TH SP

Gin-aprubahan sa 31st Regular Session sang 14th Sangguniang Panlalawigan ng Iloilo ang resolution nga nagadayaw kag nagapanginbulahan kanday Melody Recto Basinang sang Passi City kag Jefferson Tadulan Orr sang Leon, Iloilo sa pagpangibabaw sa November 2022 Agriculturist Licensure Examination.

Ginduso ni 3rd District Board Member Matt Palabrica ang resolution nga may tigulo "A RESOLUTION COMMENDING AND CONGRATULATING MELODY RECTO BASINANG OF PASSI CITY AND JEFFERSON TADULAN ORR OF LEON, IN GARNERING TOP SIX (6) AND TOP SEVEN (7) RESPECTIVELY IN THE NOVEMBER 2022 AGRICULTURIST LICENSURE EXAMINATION".

Nahibaluan nga sang tinalikdan nga Noviembre 22, 23 kag 24, 2022, ang Philippine Regulation Commission (PRC) naghiwat sang Agriculturist licensure examination sa mga syudad sang Manila, Bagiuo, Cagayan de Oro, Cebu, Davao, Iloilo, Koronadal, Legaspi, Lucena, Pagadian, Pampanga, Rosales, Tacloban, Tuguegarao kag Zamboanga.

Ang PRC Board of Agriculture nga ginapamunuan ni Dr. Fortunato Battad bilang Chairman kag iya mga katapo nga sanday Dr. Nora Inciong, Inv. Gonzalo Catan, Jr. kag Mr. Vicente Domingo ang nag-administe sang board exams sadtong Noviembre 22-24, 2022.

Ginpagwa ang resulta sang pasinawan sadtong Deciember 7, 2022 ukon sa sulod sang 8 working days matapos ang pasinawan.

Nag-eskwela sa Central Philippine University si MELODY RECTO BASINANG sang Passi City, Iloilo nga nangin Top Six (6) nga may rating nga 85.5% kag si JEFFERSON TADULAN ORR sang Leon, Iloilo nga nag-eskwela sa Iloilo Science and Technology University (former WVSCT)-Leon nga nangin Top Seven (7) nga may rating nga 85.33%.

Ang Agriculturist Licensure Examination nagasakop sang mga topiko nga ginalakipan sang crop science, soil science, crop protection, animal science, agricultural economics & marketing kag agricultural extension & communication.

Kapin sa 4,035 sa kabug-usan nga 11,673 ka examinees ukon 34.57% sang examinees ang nakapasar sa pasinawan.

via Sanggunian In Action

#iloilonews

Comments

LAWAS SANG KONDUKTOR SANG BUS, NATUNGA KAG NADUNOT MATAPOS LASAKON SANG KOTSE KAG TRAK

Nadalahig sa doble aksidente ang isa ka lalaki nga konduktor sang bus matapos mabungguan sang duha ka salakyan sa General Trias, Cavite. Suno sa report, bag-o lang nanaog sa bus ang biktima kag maga-park kuntani sang hinali na lang ini nga ginbungguan sang salakyan. Bangud sa kadasigon sang insidente, wala na makalikaw ang masunod nga dump truck rason nga nabungguan ang biktima kag naguyod sa highway. Nautod ang hawak kag naibabaw nga bahin sang lawas sang biktima, sa diin ginabulubanta nagalab-ot sa apat ka metros ang distansya sa tunga nila. Samtang, gilayon naman nga nadakpan sang kapulisan ang driver sang salakyan nga una nga nakabunggo sa biktima, samtang padayon naman ang pagpangita sang mga otoridad sa driver sang nasambit nga dump truck. #iloilonews

GRADE 3 STUDENT, NA-COMATOSE SA KASTIGO SANG MGA HIGH SCHOOL STUDENTS

Viral sa social media ang isa ka grade 3 student nga ginpulihan kastigo sang high school students sa Iligan City. Suno sa report, ginabulubanta yara sa apat ka kalalakihan ang nagkastigo sa 9 ka tuig nga bata nga lalaki nga estudyante sang Maria Cristina Falls Elementary School. Makita sa video ang pag-atake sa biktima kon paano nagbayluhanay sang sumbag kag sipa ang mga high school students sa iya lawas. Bangud sini, yara na sa Intensive Care Unit (ICU) ang biktima matapos nga nag-angkon sang nagkalain-lain nga pilas, partikular sa iya ulo. Sa separado nga pahayag, ginkondenar ni Iligan City Mayor Freddie Siao ang mabudlay nga kahimtangan sang biktima kag ginpahayag nga nakahatag na ini sang bulig sa pamilya sang biktima kag sa karon naga-coordinate sa mga otoridad. “I am deeply saddened and disturbed by the tragic incident involving a Grade 3 pupil of Maria Cristina Falls Elementary School, who is now fighting for his life in the ICU after being brutally attacked by a group of h...

KONSEHAL NGA ABOGADO, GINLEKTYURAN SANG INHENYERO TUHOY SA IYA TRABAHO SA KONSEHO?

Nagpadala sang sulat si Engr. Roy Pacanan, ang OIC District Engineer sang DPWH-Iloilo City District Engineering Office (ICDEO) sa kay City Councilor Romel Duron bilang sabat sa imbitasyon sang Sangguniang Panlungsod angot sa Resolution no. 2025-735 nga may tigulo "A Resolution Calling for an Investigation in Aid of Legislation before the Iloilo City Council over All Private and Public Works Along Rivers, Creeks and Waterways in the City of Iloilo". Ginpahanumdom sang inhenyero ang abogado nga ang gahum sa pagpangusisa ukon investigation in aid of legislation, nga gintugyansa Senado kag Kongreso sang 1987 Constitution, wala nagasakop sa local legislative bodies. Kon wala sang pahayag nga nagadumili sa Sanggunian sa pag-imbitar sang resource person para sa legislative hearing, dapat maresolbar anay ang ini nga mga isyu antes ang imbitasyon: Una, ang imbitasyon ukon nasambit nga resolution wala sang may natumod nga proposed ordinance nga nagakinahanglan sang imbestigasyon. Basi...

Iloilo News and Events

Search This Blog