RAMON TEÑOSO KAG PETER DEOCOS, GINDAYAW SANG 14TH SP

CO-DIRECTORS NGA SANDAY RAMON TEÑOSO KAG PETER DEOCOS, GINDAYAW SANG 14TH SP SA NABATON NGA MADAMO NGA AWARD SA MAGKATUHAY NGA INTERNATONAL FILM FESTIVALS SANG ILONGGO SHORT FILM KATAGMAN

Gin-aprubhan sa 31st Regular Session sang 14th Sangguniang Panlalawigan ng Iloilo ang resolution nga nagadayaw kay Ramon Teñoso kag Peter Deocos bangud sa pag-agom sang madamo nga award sang Ilonggo Short Film Katagman gikan sa magkatuhay nga International Film Festivals.

Nahibaluan nga ang resolution may tigulo "A RESOLUTION COMMENDING RAMON TEÑOSO AND PETER DEOCOS CO-DIRECTORS OF THE ILONGGO SHORT FILM KATAGMAN WHICH GARNERED VARIOUS AWARDS FROM THE DIFFERENT INTERNATIONAL FILM FESTIVALS" kag si 4th District Board Member Rolando Distura ang nag-sponsor sang sini nga resolution.

Isa ka Ogtonganon playright si Ramon Teñoso samtang si Peter Deocos isa ka Ogtonganon Artistic Director kag Choreographer.

Tagpasad si Ramon Teñoso sang Philippine Theatre UK — ang naga-isahanon nga aktibo nga British-Filipino Theatre sa Europe kag nakasulat sang 28 ka pinasahi kag original

plays kag duha ka adaptations nga mga drama, musical, comedy, kag horror-fantasy.

Nagpasakop si Peter Deocos sa World Theatre Festival sang International Theatre Institute kag International University Theatre Festival. Subong man, nag-perform man siya bilang lead actor sa short film nga "Solo", kag Ilonggo film nga nagdaug sang Best Short Film sa 69th FAMAS Awards.

Sanday Ramon Teñoso kag Peter Deocos nagdireher sang short film nga "Katagman",

nga gin-produce sang Municipality of Oton, nga nag-feature sang pre-colonial Spanish period sang Oton, upod ang folkloric Barter of Panay, ang golden death mask, kag ang pagan rituals nga nagtandog man sa pag-abot sang Christianity, ang pagpakigbatu sang babaylans (shamans), kag contemporary times.

Nakabaton ang Katagman Short Film sang magkatuhay nga international awards kag sanday Ramon Teñoso kag Peter Deocos ginhatagan sang award bilang Best Directors sa Cannes World Film Festival, GAW and DP Film Festival — Scotland, Golden Lemur International Film Festival — Portugal, kag Lulea International Film Festival — Sweden.

Ang kadalag-an nanday Ramon Teñoso kag Peter Deocos ang angay nga sundon kag magaserbe bilang inspirasyon sa tanan nga mga Ilonggo.

via Sanggunian In Action

#iloilonews

Comments

LAWAS SANG KONDUKTOR SANG BUS, NATUNGA KAG NADUNOT MATAPOS LASAKON SANG KOTSE KAG TRAK

Nadalahig sa doble aksidente ang isa ka lalaki nga konduktor sang bus matapos mabungguan sang duha ka salakyan sa General Trias, Cavite. Suno sa report, bag-o lang nanaog sa bus ang biktima kag maga-park kuntani sang hinali na lang ini nga ginbungguan sang salakyan. Bangud sa kadasigon sang insidente, wala na makalikaw ang masunod nga dump truck rason nga nabungguan ang biktima kag naguyod sa highway. Nautod ang hawak kag naibabaw nga bahin sang lawas sang biktima, sa diin ginabulubanta nagalab-ot sa apat ka metros ang distansya sa tunga nila. Samtang, gilayon naman nga nadakpan sang kapulisan ang driver sang salakyan nga una nga nakabunggo sa biktima, samtang padayon naman ang pagpangita sang mga otoridad sa driver sang nasambit nga dump truck. #iloilonews

GRADE 3 STUDENT, NA-COMATOSE SA KASTIGO SANG MGA HIGH SCHOOL STUDENTS

Viral sa social media ang isa ka grade 3 student nga ginpulihan kastigo sang high school students sa Iligan City. Suno sa report, ginabulubanta yara sa apat ka kalalakihan ang nagkastigo sa 9 ka tuig nga bata nga lalaki nga estudyante sang Maria Cristina Falls Elementary School. Makita sa video ang pag-atake sa biktima kon paano nagbayluhanay sang sumbag kag sipa ang mga high school students sa iya lawas. Bangud sini, yara na sa Intensive Care Unit (ICU) ang biktima matapos nga nag-angkon sang nagkalain-lain nga pilas, partikular sa iya ulo. Sa separado nga pahayag, ginkondenar ni Iligan City Mayor Freddie Siao ang mabudlay nga kahimtangan sang biktima kag ginpahayag nga nakahatag na ini sang bulig sa pamilya sang biktima kag sa karon naga-coordinate sa mga otoridad. “I am deeply saddened and disturbed by the tragic incident involving a Grade 3 pupil of Maria Cristina Falls Elementary School, who is now fighting for his life in the ICU after being brutally attacked by a group of h...

KONSEHAL NGA ABOGADO, GINLEKTYURAN SANG INHENYERO TUHOY SA IYA TRABAHO SA KONSEHO?

Nagpadala sang sulat si Engr. Roy Pacanan, ang OIC District Engineer sang DPWH-Iloilo City District Engineering Office (ICDEO) sa kay City Councilor Romel Duron bilang sabat sa imbitasyon sang Sangguniang Panlungsod angot sa Resolution no. 2025-735 nga may tigulo "A Resolution Calling for an Investigation in Aid of Legislation before the Iloilo City Council over All Private and Public Works Along Rivers, Creeks and Waterways in the City of Iloilo". Ginpahanumdom sang inhenyero ang abogado nga ang gahum sa pagpangusisa ukon investigation in aid of legislation, nga gintugyansa Senado kag Kongreso sang 1987 Constitution, wala nagasakop sa local legislative bodies. Kon wala sang pahayag nga nagadumili sa Sanggunian sa pag-imbitar sang resource person para sa legislative hearing, dapat maresolbar anay ang ini nga mga isyu antes ang imbitasyon: Una, ang imbitasyon ukon nasambit nga resolution wala sang may natumod nga proposed ordinance nga nagakinahanglan sang imbestigasyon. Basi...

Iloilo News and Events

Search This Blog