Skip to main content

BM DISTURA, NAG-PRIVILEGE SPEECH NGA MAY TIGULO "WOMEN EMPOWERMENT IN LO...


BM DISTURA, NAG-PRIVILEGE SPEECH NGA MAY TIGULO "WOMEN EMPOWERMENT IN LOCAL GOVERNANCE"

Nag-privilege speech si 4th District Board Member Rolando Distura nga may tigulo "Women Empowerment In Local Governance" sa 34th Regular Session sang 14th Sangguniang Panlalawigan ng Iloilo.

Sa sini nga bulan sang kababaihan, luyag niya nga maghatag sang pagtahod sa mga mabakas, maisog, kag mabakod nga kababaihan nga wala ginakapoy sa paghatag sang ila kontribusyon para sa kaayuhan sang aton sosyudad.

Dapat magasentro ang selebrasyon sang ila kaimportante kag kasignipikante sa matag-adlaw para sa ila paghimakas kag pangabudlay nga mapabilin ang ila kabuhi kag mga kabuhi sa palibot nila.

Si Malala Yousafzai nga ginkabig nga world's youngest Nobel Peace Prize laureate nagsiling nga "There are two powers in the world; one is the sword and the other is pen. There is a third power stronger than both, that of women."

Sa aton maragtas, gintumod sini ang kababaihan nga nagpakita sang gahum sa pagtapos sa diskriminasyon kag pagbungkag sang pag-stereotype. Pasalamatan naton si Gabriela Silang kag Tandang Sora nga nagpanguna sa pagpakig-away sa mga Katsila agud maagom naton ang kahilwayan. Si Josefa Llanes Escoda nga nagpasad sang Girls Scouts of the Philippines. Si Pura Villanueva Kalaw sang Arevalo, Iloilo City nga nagtukod sang una nga suffrage movement kag Teresa Magbanua sang Pototan, Iloilo nga kilala bilang "Visayas Joan of Arc".

Sadto, ang mga babaye wala ginapahanugutan nga makaboto kag indi makapasakop sa pulitika. Apang karon tuhay na, may duha na kita ka babaye nga presidente, mga babaye nga senador kag kongresista. Sa karon, ang 14th Sanggunian ginatapuan sang anum ka mabaskog kag dedikado nga kababaihan, si Vice Governor Christine "Tingting" Garin, ang pinakauna nga lady Vice Governor sa maragtas sang Probinsya sang Iloilo, ang mga katapo nga sanday Honorables Jo Ann Germinanda, Binky April Tupas, Carol-V Espinosa-Diaz, Dorothy Paes kag Ma. Angelica Bianca Requinto-Espinosa.

Bisan nga madamo na sang mga kasuguan nga nagaamlig sa kababaihan kaangay sang Violence Against Women and Their Children Act of 2004 kag ang Safe Spaces Act of 2019 agud matapna ang gender-based nga kalakasan, sa local level, may yara man sang Provincial Ordinance No. 2016-137 ukon ang Iloilo Province Anti-Discrimination Ordinance of 2016, apang indi kita magdulog lamang diri. Padayon ang pagpasar sang mga ordinansa nga makatapna sa hayag nga indi pagtahod, sexual assault jag objectification sang mga kababaihan kag ila kabataan.

Dapat man nga ganyaton ang mga kabanwahanan kag syudad nga magtuga sang mga programa para sa kababaihan kag ma-empower sila, ilabi na sa women's month.
via Sanggunian In Action
#iloilonews

Comments

Post a Comment

Popular posts from this blog

LAWAS SANG KONDUKTOR SANG BUS, NATUNGA KAG NADUNOT MATAPOS LASAKON SANG KOTSE KAG TRAK

Nadalahig sa doble aksidente ang isa ka lalaki nga konduktor sang bus matapos mabungguan sang duha ka salakyan sa General Trias, Cavite. Suno sa report, bag-o lang nanaog sa bus ang biktima kag maga-park kuntani sang hinali na lang ini nga ginbungguan sang salakyan. Bangud sa kadasigon sang insidente, wala na makalikaw ang masunod nga dump truck rason nga nabungguan ang biktima kag naguyod sa highway. Nautod ang hawak kag naibabaw nga bahin sang lawas sang biktima, sa diin ginabulubanta nagalab-ot sa apat ka metros ang distansya sa tunga nila. Samtang, gilayon naman nga nadakpan sang kapulisan ang driver sang salakyan nga una nga nakabunggo sa biktima, samtang padayon naman ang pagpangita sang mga otoridad sa driver sang nasambit nga dump truck. #iloilonews
Post a Comment
Read more

GRADE 3 STUDENT, NA-COMATOSE SA KASTIGO SANG MGA HIGH SCHOOL STUDENTS

 Viral sa social media ang isa ka grade 3 student nga ginpulihan kastigo sang high school students sa Iligan City. Suno sa report, ginabulubanta yara sa apat ka kalalakihan ang nagkastigo sa 9 ka tuig nga bata nga lalaki nga estudyante sang Maria Cristina Falls Elementary School. Makita sa video ang pag-atake sa biktima kon paano nagbayluhanay sang sumbag kag sipa ang mga high school students sa iya lawas. Bangud sini, yara na sa Intensive Care Unit (ICU) ang biktima matapos nga nag-angkon sang nagkalain-lain nga pilas, partikular sa iya ulo. Sa separado nga pahayag, ginkondenar ni Iligan City Mayor Freddie Siao ang mabudlay nga kahimtangan sang biktima kag ginpahayag nga nakahatag na ini sang bulig sa pamilya sang biktima kag sa karon naga-coordinate sa mga otoridad. “I am deeply saddened and disturbed by the tragic incident involving a Grade 3 pupil of Maria Cristina Falls Elementary School, who is now fighting for his life in the ICU after being brutally attacked by a group of h...
Post a Comment
Read more

KONSEHAL NGA ABOGADO, GINLEKTYURAN SANG INHENYERO TUHOY SA IYA TRABAHO SA KONSEHO?

Nagpadala sang sulat si Engr. Roy Pacanan, ang OIC District Engineer sang DPWH-Iloilo City District Engineering Office (ICDEO) sa kay City Councilor Romel Duron bilang sabat sa imbitasyon sang Sangguniang Panlungsod angot sa Resolution no. 2025-735 nga may tigulo "A Resolution Calling for an Investigation in Aid of Legislation before the Iloilo City Council over All Private and Public Works Along Rivers, Creeks and Waterways in the City of Iloilo". Ginpahanumdom sang inhenyero ang abogado nga ang gahum sa pagpangusisa ukon investigation in aid of legislation, nga gintugyansa Senado kag Kongreso sang 1987 Constitution, wala nagasakop sa local legislative bodies.  Kon wala sang pahayag nga nagadumili sa Sanggunian sa pag-imbitar sang resource person para sa legislative hearing, dapat maresolbar anay ang ini nga mga isyu antes ang imbitasyon: Una, ang imbitasyon ukon nasambit nga resolution wala sang may natumod nga proposed ordinance nga nagakinahanglan sang imbestigasyon. Basi...
Post a Comment
Read more