Skip to main content

DAMGO PARA SA PUMULUYO SANG DUMANGAS, NAHATAGAN NA SANG KATUMANAN SA GIN...


DAMGO PARA SA PUMULUYO SANG DUMANGAS, NAHATAGAN NA SANG KATUMANAN SA GIN-INAGURAHAN NGA GRS

Nahatagan na gid man sang katumanan, pagkatapos sang halos isa ka dekada, ang damgo sadto sang alkalde sang banwa sang Dumangas kag karon 4th District Board Member Rolando Distura matapos nga gin-inagurahan sadtong Biernes, Marso 10, 2023 ang Ground Receiving Station (GRS).

Ginpahayag ni 4th District Board Member Rolando Distura nga sadtong 2013 pa niya ini gintinguhaan sa pag-umpisa sang iya termino bilang alkalde sadto sang tuig 2013-2016 kag masami niya ini nga ginaduso sa agenda sang Regional Develoment Council (RDC) sa pagpanguna sang National Economic and Develoment Authority (NEDA).

May resolution siya nga ginduso nga nagahingyo sa Japan International Cooperation Agency (JICA) nga ipadayon ang pag-instolar ang Ground Receiving Station (GRS) para sa satellite sa banwa sang Dumangas.

May mga opsyon sadto nga ginalantaw ang JICA nga ipahamtang ini sa iban nga lokasyon apang sang ulihi nakumbinser sila ni Distura kag napamatud-an nila nga husto si Distura tungod ang GRS dapat hilway sa sablag sa pagbaton sang satellite signal.

Ginduso sini nga ibutang sa Dumangas ang GRS sa luyo sang Iloilo Science and Technology University campus sa P.D. Monfort South, Dumangas, Iloilo.

Nagapati si Distura nga ang science and technology may angot sa space development kag tuman ka sangkad ang posibilidad nga mahimo sa space technology, ilabi na nga may space agency na kita kag madamo man sang space engineers nga ginahanas sa Japan.

Ginapasalamatan sini ang JICA, ilabi na si Prof. Yukihiro Takahashi sang Hokkaido University kag ang abyan ni Vice Governor Christine "Tingting" Garin nga si JICA Chief Representative Mr. Sakamoto Takema. Lakip man sanday DOST Undersecretary for Research and Development Dr. Leah J. Buendia, Iloilo Science and Technology University (ISATU) President Dr. Raul Muyong, Jr., DOST- Advanced Science and Technology Institute Dr. Franz De Leon, Philippine Space Agency Director General Dr. Joel Joseph Marciano, Jr., DOST VI Regional Director Engr. Rowen R. Gelonga.

Nagtiglawas siya para kay Governor Arthur Defensor, Jr., yara man si Jerry Bionat sang IPG kag yara gid si Dumangas Mayor BJ Biron.

Ikatatlo ini nga GRS sa pungsod, ang una nga duha yara sa Quezon City kag sa Davao, kag ini ang pinaka-abanse nga nagabalor sang kapin sa 35 million pesos.

Ginpabutyag sini nga sadtong alkalde pa siya sa Dumangas, nahimakasan man niya nga matukod ang weather station sang PAGASA nga nakaangot online sa PAGASA central office. May yara sang two-storey building nga ginhingyo niya sadto kay Congressman Narcing Monfort kag dira ang demonstration farm. Sa karon ang second-storey, nga may pila ka extension nga ginhimo sang JICA, gin-convert na gid nga monitoring station.

Nalipay si Distura nga magatan-ay sang kurso nga BS Meteorology ang ISAT-U kag suportado niya ini nga programa. Nagatan-ay man siya nga mangin visiting lecturer agud ipatudok ang pag-usar sang science and technology sa decision-making or policy-making sa public governance.

Ginapabugal sini nga ang teknolohiya, paagi sa GRS, makahibalo na kita sa pagtumod sa mga lugar, paagi sa aktwal nga sitwasyon sa imaging, kon diin nga bahin sa probinsya ang kalbo na nga bukid, ang dabong pa nga kabukiran, kon diin ang suba nga nagaligwat ang alagyan sang tubig, kon sa diin ang corals, kon diin ang manabaw kag mga manami nga lugar kaangay sang mga beach.

May paagi nga ma-program ang DIWATA-2 satellite kon sa diin magapokus ang iya camera sa paglabay sini sa kahawaan sang pungsod, apat ka beses sa isa ka adlaw.

Paagi sini, nakita ang sangkad sang oil spill didto sa Mindoro.

Mas makapasanyog pa gid ini sa ikasangkol sang probinsya, paagi sa kolaborasyon, sa paggamit sang mga imahi kag impormasyon gikan diri para sa maayo nga pang-gobyerno sa kalamidad, sa climate change kag disaster management.

Nagapati pa gid si Distura nga paagi sa GRS mas mapasanyog pa gd ang edukasyon kag pagtudlo may kaantanan sa STEM (science, technology, engineering and mathematics). Kon makita sang kabataan ang kagamitan, mabuksan ang ila interes kag huyog sa sini nga mga bagay kag makaganyat sa ila pagtukib sa mga bag-o nga ideya kag butang sa bulig sang sini nga teknolohiya.

Upod sa mga pumuluyo sang Dumangas, nagapasalamat si Distura sa JICA kag DOST, lakip man sa liderato ni Mayor Biron nga nangin recepctive gid sini kag nagahakus sa sini nga proyekto.

Bilang author sang "ILOILO PROVINCIAL ORDINANCE FOR RENEWABLE ENERGY ORDINANC OF 2022 (I-PORE 2022)" ukon ang Provincial Ordinance No. 2022-277 may tigulo "AN ORDINANCE PROMOTING THE DEVELOPMENT, UTILIZATION, AND COMMERCIALIZATION OF RENEWABLE ENERGY RESOURCES, ILOILO PROVINCIAL ORDINANCE FOR RENEWABLE ENERGY (I-PORE), APPROPRIATING FUNDS THEREFORE, AND FOR OTHER PURPOSES", nga pinakauna sa bug-os nga pungsod, ipangabay man sini sa gobernador nga pabutangan sang solar panel bilang alternative source kon may brownout ukon may kalamidad agud nga indi matublag ang operation kag magpadayon ang pag-function sini.
via Sanggunian In Action
#iloilonews

Comments

Post a Comment

Popular posts from this blog

LAWAS SANG KONDUKTOR SANG BUS, NATUNGA KAG NADUNOT MATAPOS LASAKON SANG KOTSE KAG TRAK

Nadalahig sa doble aksidente ang isa ka lalaki nga konduktor sang bus matapos mabungguan sang duha ka salakyan sa General Trias, Cavite. Suno sa report, bag-o lang nanaog sa bus ang biktima kag maga-park kuntani sang hinali na lang ini nga ginbungguan sang salakyan. Bangud sa kadasigon sang insidente, wala na makalikaw ang masunod nga dump truck rason nga nabungguan ang biktima kag naguyod sa highway. Nautod ang hawak kag naibabaw nga bahin sang lawas sang biktima, sa diin ginabulubanta nagalab-ot sa apat ka metros ang distansya sa tunga nila. Samtang, gilayon naman nga nadakpan sang kapulisan ang driver sang salakyan nga una nga nakabunggo sa biktima, samtang padayon naman ang pagpangita sang mga otoridad sa driver sang nasambit nga dump truck. #iloilonews
Post a Comment
Read more

GRADE 3 STUDENT, NA-COMATOSE SA KASTIGO SANG MGA HIGH SCHOOL STUDENTS

 Viral sa social media ang isa ka grade 3 student nga ginpulihan kastigo sang high school students sa Iligan City. Suno sa report, ginabulubanta yara sa apat ka kalalakihan ang nagkastigo sa 9 ka tuig nga bata nga lalaki nga estudyante sang Maria Cristina Falls Elementary School. Makita sa video ang pag-atake sa biktima kon paano nagbayluhanay sang sumbag kag sipa ang mga high school students sa iya lawas. Bangud sini, yara na sa Intensive Care Unit (ICU) ang biktima matapos nga nag-angkon sang nagkalain-lain nga pilas, partikular sa iya ulo. Sa separado nga pahayag, ginkondenar ni Iligan City Mayor Freddie Siao ang mabudlay nga kahimtangan sang biktima kag ginpahayag nga nakahatag na ini sang bulig sa pamilya sang biktima kag sa karon naga-coordinate sa mga otoridad. “I am deeply saddened and disturbed by the tragic incident involving a Grade 3 pupil of Maria Cristina Falls Elementary School, who is now fighting for his life in the ICU after being brutally attacked by a group of h...
Post a Comment
Read more

KONSEHAL NGA ABOGADO, GINLEKTYURAN SANG INHENYERO TUHOY SA IYA TRABAHO SA KONSEHO?

Nagpadala sang sulat si Engr. Roy Pacanan, ang OIC District Engineer sang DPWH-Iloilo City District Engineering Office (ICDEO) sa kay City Councilor Romel Duron bilang sabat sa imbitasyon sang Sangguniang Panlungsod angot sa Resolution no. 2025-735 nga may tigulo "A Resolution Calling for an Investigation in Aid of Legislation before the Iloilo City Council over All Private and Public Works Along Rivers, Creeks and Waterways in the City of Iloilo". Ginpahanumdom sang inhenyero ang abogado nga ang gahum sa pagpangusisa ukon investigation in aid of legislation, nga gintugyansa Senado kag Kongreso sang 1987 Constitution, wala nagasakop sa local legislative bodies.  Kon wala sang pahayag nga nagadumili sa Sanggunian sa pag-imbitar sang resource person para sa legislative hearing, dapat maresolbar anay ang ini nga mga isyu antes ang imbitasyon: Una, ang imbitasyon ukon nasambit nga resolution wala sang may natumod nga proposed ordinance nga nagakinahanglan sang imbestigasyon. Basi...
Post a Comment
Read more