Skip to main content

ILOILO SP, GINPANGILALA ANG IPPO DIRECTOR KAG GINHIBALO ANG KAHIMTANGAN ...


ILOILO SP, GINPANGILALA ANG IPPO DIRECTOR KAG GINHIBALO ANG KAHIMTANGAN SANG SEGURIDAD SA PROBINSYA

Gin-imbitar sang 14th Sangguniang Panlalawigan ng Iloilo ang bag-o pahamtang nga provincial director sang Iloilo Police Provincial Office nga si Police Colonel Ronaldo Palomo.

Ginpahayag ni Vice Governor Christine "Tingting" Garin nga may kaantanan man ini sa natabu didto sa Negros Oriental sa pagpatay kay Governor Roel Degamo kag subong man, luya nila nga makilala si PCol. Palomo bilang residente man sang Passi City, Iloilo.

Ginsiling sini nga namangkot ang 14th Iloilo SP sa IPPO director kon ano ang sitwasyon sa probinsya sang Iloilo tungod indi sila luyag nga makibot lamang kaangay sa natabu sa Negros Oriental.

Ginapangabay sang Provincial Board nga mas mangin maayo ang intelligence monitoring sang kapulisan, mangin aktibo kag agud indi kita makibot sa matabu. 

Ginpabutyag sini nga ang natabu sa Negros Oriental indi lamang natabu sa sina nga adlaw kag madugay ini nga ginplanuhan tungod makita man nga may sistema kon paano ini hiwaton, gani ini ang luyag sang 14th Iloilo SP nga indi ini matabu sa probinsya.

Gintuad sini nga antes sila nagkitaay sang IPPO director sadtong Marso 14, una na nga nakatawag ang hepe sang kapulisan sa banwa sang Guimbal angot sa hiwaton nga threat assessment, kag ini man ang luyag sang mga katapo sang 14th SP.

Ginbuyagyag sini nga nakasugod na sang threat assessment ang IPPO kag nakita nga wala man sang problema para sa mga katapo sang Iloilo SP apang ang sin-o man nga luyag manghingyo sang presensya ukon bulig sang kapulisan kon may lugar nga padulungan nga makabig indi masiguro ang seguridad sa sina nga lugar.

Nagadepende sa threat assessment ang paghatag sang police security suno sa IPPO. 

Gintuad man sang bise gobernador nga wala siya sang police security kag naanad siya sa amo sini nga kahimtangan apang bangud sa natabu posible magakinahanglan siya sang isa lang kag kon may lugar siya nga kadtuan nga daw siya kampante ukon may pamahog sa sina nga lugar. Ini indi lang para sa iya kundi para man sa iban. Kon kinahanglanon, magahingyo siya sang police security.

Indi pa maathag kon himuon nga regular ang threat assessment apang sa bahin sang bise gobernador mas nagakaangay nga himuon ini nga regular nga hilikuton tungod indi posible tuhay man ang pamahog karon kag sa palaabuton.

Nagalaum ang bise gobernador nga mangin tayuyon ang ini nga lihok kag indi lang pagbuhaton sa tion nga may matabu ukon diri pa lang magkinaran-karan ang kapulisan.

Nagapati ang bise gobernador nga wala sang pulitiko sa Iloilo nga may kasubong nga kapasidad, sa pinansyal, kaangay sa natabu didto sa Negros Oriental. 

Indi tuman ka init ang pulitika sa Iloilo. Madamo nga nga tinuig ang nakalipas kag madamo na sang eleksyon ang natabu kag nagalaum siya nga magapabilin ang kaangay sini nga sitwasyon nga wala sang gamo. 

Ginsiling pa sini nga wala siya sang may nabaton nga pamahog sa iya seguridad tungod nagahalong man siya kag ginahalungan man sini ang iya relasyon sa tanan nga pumuluyo.
via Sanggunian In Action
#iloilonews

Comments

Post a Comment

Popular posts from this blog

LAWAS SANG KONDUKTOR SANG BUS, NATUNGA KAG NADUNOT MATAPOS LASAKON SANG KOTSE KAG TRAK

Nadalahig sa doble aksidente ang isa ka lalaki nga konduktor sang bus matapos mabungguan sang duha ka salakyan sa General Trias, Cavite. Suno sa report, bag-o lang nanaog sa bus ang biktima kag maga-park kuntani sang hinali na lang ini nga ginbungguan sang salakyan. Bangud sa kadasigon sang insidente, wala na makalikaw ang masunod nga dump truck rason nga nabungguan ang biktima kag naguyod sa highway. Nautod ang hawak kag naibabaw nga bahin sang lawas sang biktima, sa diin ginabulubanta nagalab-ot sa apat ka metros ang distansya sa tunga nila. Samtang, gilayon naman nga nadakpan sang kapulisan ang driver sang salakyan nga una nga nakabunggo sa biktima, samtang padayon naman ang pagpangita sang mga otoridad sa driver sang nasambit nga dump truck. #iloilonews
Post a Comment
Read more

GRADE 3 STUDENT, NA-COMATOSE SA KASTIGO SANG MGA HIGH SCHOOL STUDENTS

 Viral sa social media ang isa ka grade 3 student nga ginpulihan kastigo sang high school students sa Iligan City. Suno sa report, ginabulubanta yara sa apat ka kalalakihan ang nagkastigo sa 9 ka tuig nga bata nga lalaki nga estudyante sang Maria Cristina Falls Elementary School. Makita sa video ang pag-atake sa biktima kon paano nagbayluhanay sang sumbag kag sipa ang mga high school students sa iya lawas. Bangud sini, yara na sa Intensive Care Unit (ICU) ang biktima matapos nga nag-angkon sang nagkalain-lain nga pilas, partikular sa iya ulo. Sa separado nga pahayag, ginkondenar ni Iligan City Mayor Freddie Siao ang mabudlay nga kahimtangan sang biktima kag ginpahayag nga nakahatag na ini sang bulig sa pamilya sang biktima kag sa karon naga-coordinate sa mga otoridad. “I am deeply saddened and disturbed by the tragic incident involving a Grade 3 pupil of Maria Cristina Falls Elementary School, who is now fighting for his life in the ICU after being brutally attacked by a group of h...
Post a Comment
Read more

KONSEHAL NGA ABOGADO, GINLEKTYURAN SANG INHENYERO TUHOY SA IYA TRABAHO SA KONSEHO?

Nagpadala sang sulat si Engr. Roy Pacanan, ang OIC District Engineer sang DPWH-Iloilo City District Engineering Office (ICDEO) sa kay City Councilor Romel Duron bilang sabat sa imbitasyon sang Sangguniang Panlungsod angot sa Resolution no. 2025-735 nga may tigulo "A Resolution Calling for an Investigation in Aid of Legislation before the Iloilo City Council over All Private and Public Works Along Rivers, Creeks and Waterways in the City of Iloilo". Ginpahanumdom sang inhenyero ang abogado nga ang gahum sa pagpangusisa ukon investigation in aid of legislation, nga gintugyansa Senado kag Kongreso sang 1987 Constitution, wala nagasakop sa local legislative bodies.  Kon wala sang pahayag nga nagadumili sa Sanggunian sa pag-imbitar sang resource person para sa legislative hearing, dapat maresolbar anay ang ini nga mga isyu antes ang imbitasyon: Una, ang imbitasyon ukon nasambit nga resolution wala sang may natumod nga proposed ordinance nga nagakinahanglan sang imbestigasyon. Basi...
Post a Comment
Read more