Skip to main content

ILOILO SP, NAGA-UNONG SA KALISOD SANG MGA HIMATA SANG NAGTALIWAN NGA SI ...


ILOILO SP, NAGA-UNONG SA KALISOD SANG MGA HIMATA SANG NAGTALIWAN NGA SI NEGROS ORIENTAL GOVERNOR ROEL DEGAMO

Nagpasar sang resolution ang mga katapo sang 14th Sangguniang Panlalawigan ng Iloilo sa ginhiwat nga 34th Regular Session nga nagapahayag sang pag-unong sa mga himata sang nagtaliwan nga si Negros Oriental Governor Roel Degamo.

Nahibaluan nga ang resolution may tigulo "Resolution Expressing The Deepest Condolences Of The Sangguniang Panlalawigan, On Behalf Of The Province Of Iloilo, To The Bereaved Family Of The Late Governor Roel Degamo Of The Province Of Negros Oriental."

Ginduso ini sang sponsor nga si Vice Governor Christine "Tingting" Garin kag gin-updan sang mga katapo sang 14th SP.

Nagapahayag sang kasubo ang mga pumuluyo sang Probinsya sang Iloilo sa hinali nga pagtaliwan ni Governor Roel Degamo sabf Probinsya sang Negros Oriental.

Nahibaluan nga ang nagtaliwan nga si Governor Degamo ginbun-ag sadtong Abril 29, 1966 sang iya mga ginikanan nga sanday Arturo Degamo kag Luzviminda Ragay sa Barangay Bonawon, Siaton, Negros Oriental.

Nagtapos siya sang iya primary education sa Pio Macahig Memorial School, ang iya sekondarya sa St. Louis School sa Dumaguete City, kag nakagradwar sa kurso nga Mechanical Engineering sa Silliman University sadtong 1989 kon sa diin nakapasar siya sa licensure exam sa sina man nga tuig.

Antes nangin pulitiko, nagtrabaho siya bilang driver sang National Power Corporation. Nangin senior plant mechanic kag electrical control operator sang National Power Corporation-Palawan.

Nag-umpisa siya sa pagserbe sa mga pumuluyo sang Negros Oriental bilang konsehal sang Siaton sadtong 1998 tubtob 2007. Nangin Presidente sang Philippine Councilors League (PCL)-Negros Oriental Chapter sadtong 2004 tubtob 2007 kag sang ulihi napilian bilang Chairperson sang PCL Central Visayas.

Napilian siya bilang Sangguniang Panlalawigan Member sang Negros Oriental nga nakaagom sang pinakadamo nga boto sa third legislative district sang ila probinsya sadtong 2010. Nag-asumer siya bilang bise gobernador matapos sadto si anay Vice Governor Agustin Perdices nagtal-os kay anay Governor Emilio Macias II nga napatay sadtong Hunyo 2010. Nangin Gobernador siya sadtong Enero 2011 matapos nagtaliwan si anay Governor Perdices.

Nagpapili siya bilang Gobernador sa iya probinsya sadtong 2013 sa idalom sang PDP-Laban kag nangibabaw siya batok sa iya kasumpong gikan sa mga dalagku nga partido kaangay sang Nationalist People's Coalition kag ang ruling party sadto nga Liberal Party. Sagunson nga kadalag-an sa pagka-gobernador ang iya naagom sadtong 2016, 2019, kag 2022.

Sa iya wala ginlauman nga pagtaliwan, ang Sangguniang Panlalawigan sang Iloilo magakasubo sa pagtaliwan ni Governor Degamo kag nagaupod sa kalisod sang iya pamilya.
via Sanggunian In Action
#iloilonews

Comments

Post a Comment

Popular posts from this blog

TELUS International Philippines celebrates a decade of support to communities with Brigada Eskwela in Iloilo

ILOILO CITY – TELUS International Philippines (TIP), a leading AI-fueled customer experience and business process solutions provider, is proud to celebrate its tenth year supporting public school students and teachers through the Department of Education’s (DepEd) Brigada Eskwela program. As part of the 10th anniversary celebration, the company announced the expansion of its team members’ volunteer efforts to include Iloilo as part of their annual TELUS Days of Giving (TDOG) activities. More than 200 volunteers from TIP's Iloilo sites as well as public school teachers and students from Ramon Avanceña National High School, came together for the inaugural TDOG Brigada Eskwela volunteer effort in Iloilo. Their mission was twofold: to foster the spirit of volunteerism and to create safe and conducive learning environments for more than 4,300 high-school students and 120 educators in Iloilo ahead of the school’s re- opening in July. Volunteers engaged in activities such as painting c...
Post a Comment
Read more

ANUM KA PAMILYA SA SAN ENRIQUE, GIN-RESCUE

ANUM KA PAMILYA SA SAN ENRIQUE, GIN-RESCUE Naghiwat sang Rescue Operation ang San Enrique Fire Station nga ginapamunuan ni SFO3 Girlie May Gimotea kaupod ang San Enrique MDRRMO sa idalom sang supervision ni Chris Palomado sa Brgy. Lip-ac, San Enrique, Iloilo takna alas tres sang hapon sini nga Martes, Oktubre 10, 2023. Pag-abot sang BFP kag MDRRMO personnel, gin-asisteran nila ang anum ka panimalay nga ginatapuan sang 19 ka mga indibidwal kag gilayon nga gindala sa San Enrique Evacuation Center para sa temporaryo nga pasilungan. Nahibaluan nga nagmunog ang pagbubo sang ulan nga nagresulta sang pagbaha sa nasambit nga lugar. Sa bahin sang Sitio Morobuan, Brgy. Compo, kapin sa 80% sang pumuluyo ang nagbakwit takna alas 5:30 sang hapon bangud man sa baha. #iloilonews
Post a Comment
Read more

LIGA NG MGA BARANGAY, MAGAHIWAT SANG NATIONAL ASSEMBLY UMPISA SA HUNYO 3...

LIGA NG MGA BARANGAY, MAGAHIWAT SANG NATIONAL ASSEMBLY UMPISA SA HUNYO 3 TUBTOB HUNYO 12 SA PALAWAN Magahiwat sang National Assembly ang Liga ng mga Barangay sa bug-os nga pungsod umpisa sa Sabado, Hunyo 3, 2023, tubtob sa Lunes, Hunyo 12, 2023 didto sa Puerto Princesa City, Palawan. Ginpahayag ni Ex-Officio Board Member Dorothy Paes, ang Liga ng mga Barangay - Provincial Federation President, nga bangud tuman ka damo sang barangay kag diri pa lang sa probinsya sang Iloilo may yara na sang 1,721 ka barangay nga indi maakomodar sa isa lang ka venue kag isa lang ka hugnat. Ginsiling sini nga nangin malawig ang hiwaton nga national assembly tungod nga ila ini ginpahat-pahat sa tatlo ka batch kag didto hiwaton sa Puerto Princesa City, Palawan tungod isa ini ka Clustered General Assembly. Gilayon man sini nga ginpalab-ot sa mga Liga Chapters president ang iya nabaton nga sulat gikan sa Liga National, nga nagpaalinton man sa mga punong barangay nga luyag nga magtambong kag sa mga may pondo p...
Post a Comment
Read more