Skip to main content

PAGLUNSAR SANG SEARCH FOR THE MOST OUTSTANDING SANGGUNIAN 2023, HIWATON ...


PAGLUNSAR SANG SEARCH FOR THE MOST OUTSTANDING SANGGUNIAN 2023, HIWATON SA ABRIL 12

Hiwaton sa Abril 12, 2023 takna alas 9:00 sang aga sa Sangguniang Panlalawigan Session Hall sa Iloilo Provincial Capitol ang 'Search for the Most Outstanding Sanggunian 2023' nga isa ka ordinansa nga gin-author ni Vice Governor Christine "Tingting" Garin kag ginsuportahan sang bug-os nga katapo sang 14th SP.

Ginpahayag ni Vice Governor Christine "Tingting" Garin nga ang ordinansa nagatuyo nga kilalahon ang mga sangguniang sa bug-os nga probinsya sang Iloilo nga ginalakipan sang 42 ka mga banwa kag isa ka component city. 

Ginsiling sini nga iya nakita nga madamo sang 'exemplary' sangguniang kag sa sini nga paagi mahatagan man sila sang pagkilala kag mailog man sang iban nga sanggunian ang ila pinasahi nga hinimuan.

Ginpaathag sini nga sa Abril 12 amo ang launching, ang search sa masunod pa nga tuig apang ang evaluation maga-umpisa sa sini nga tuig. Ang awarding sa masunod pa nga tuig, posible sa panahon sang Semana sang Iloilo.

Ginpabutyag sini nga ang ginahimo nga paglunsar, paagi sa pag-imbitar sa tanan nga bise akalde, ang ila Secretary to the Sanggunian, kag ila mga SB representative, ginapahibalo sa ila ang ginahimo nga search agud makapanghanda sila kag kon ano pa ang angay nila nga himuon agud makapasakop.

Luyag sang bise gobernador nga makapasakop ang tanan nga sanggunian sang kada local government unit sa probinsya sang Iloilo.

Ginhambal sini nga ang nasambit nga search indi para sa Sangguniang Panlalawigan kundi para sa mga sangguniang bayan kag panlungsod sa probinsya sang Iloilo.

May insentibo nga ihatag paagi sa duha ka kategoriya.

May yara sang mga talaksan nga nasaad sa ordinansa agud mahibaluan kon ano nga mga component units ang angay nga hatagan sang award, kag ang mga component units gin-categorize bilang Category A nga ginatapuan sang syudad kag 1st class kag 2nd class nga mga kabanwahanan, kag ang Category B nga pagatapuan naman sang 3rd class tubtob 6th class nga mga kabanwahanan.

Magabaton sang cash prize ang magakampiyon sa tagsa ka kategoriya nga lunsay tag-100,000 pesos cash kag Plaque of Commendation; 75 mil pesos naman para sa first runner-up sa kada kategoriya; 50 mil pesos para sa second runner-up sa kada kategoriya; kag 25 mil pesos para sa third runner-up sa kada kategoriya, kag lakip ang Plaque of Commendation sa kada tagdaug. Ang ila cash awards gamiton para lamang sa pagpatuman sang mga programa, proyekto, kag mga aktibidades para mas maimprubar ang operasyon sang Sanggunian.

Gina-id-id sa karon ang criteria nga igapresentar man sa ila agud nga mangin maid-id man sila sa mga programa nila sa tagsa ka sanggunian. 

May magkatuhay nga criteria kag ini ang ipaathag ni DILG-Iloilo Provincial Director Carmelo Orbista sa tion sang paglunsar sa Abril 12.
via Sanggunian In Action
#iloilonews

Comments

Post a Comment

Popular posts from this blog

LAWAS SANG KONDUKTOR SANG BUS, NATUNGA KAG NADUNOT MATAPOS LASAKON SANG KOTSE KAG TRAK

Nadalahig sa doble aksidente ang isa ka lalaki nga konduktor sang bus matapos mabungguan sang duha ka salakyan sa General Trias, Cavite. Suno sa report, bag-o lang nanaog sa bus ang biktima kag maga-park kuntani sang hinali na lang ini nga ginbungguan sang salakyan. Bangud sa kadasigon sang insidente, wala na makalikaw ang masunod nga dump truck rason nga nabungguan ang biktima kag naguyod sa highway. Nautod ang hawak kag naibabaw nga bahin sang lawas sang biktima, sa diin ginabulubanta nagalab-ot sa apat ka metros ang distansya sa tunga nila. Samtang, gilayon naman nga nadakpan sang kapulisan ang driver sang salakyan nga una nga nakabunggo sa biktima, samtang padayon naman ang pagpangita sang mga otoridad sa driver sang nasambit nga dump truck. #iloilonews
Post a Comment
Read more

GRADE 3 STUDENT, NA-COMATOSE SA KASTIGO SANG MGA HIGH SCHOOL STUDENTS

 Viral sa social media ang isa ka grade 3 student nga ginpulihan kastigo sang high school students sa Iligan City. Suno sa report, ginabulubanta yara sa apat ka kalalakihan ang nagkastigo sa 9 ka tuig nga bata nga lalaki nga estudyante sang Maria Cristina Falls Elementary School. Makita sa video ang pag-atake sa biktima kon paano nagbayluhanay sang sumbag kag sipa ang mga high school students sa iya lawas. Bangud sini, yara na sa Intensive Care Unit (ICU) ang biktima matapos nga nag-angkon sang nagkalain-lain nga pilas, partikular sa iya ulo. Sa separado nga pahayag, ginkondenar ni Iligan City Mayor Freddie Siao ang mabudlay nga kahimtangan sang biktima kag ginpahayag nga nakahatag na ini sang bulig sa pamilya sang biktima kag sa karon naga-coordinate sa mga otoridad. “I am deeply saddened and disturbed by the tragic incident involving a Grade 3 pupil of Maria Cristina Falls Elementary School, who is now fighting for his life in the ICU after being brutally attacked by a group of h...
Post a Comment
Read more

KONSEHAL NGA ABOGADO, GINLEKTYURAN SANG INHENYERO TUHOY SA IYA TRABAHO SA KONSEHO?

Nagpadala sang sulat si Engr. Roy Pacanan, ang OIC District Engineer sang DPWH-Iloilo City District Engineering Office (ICDEO) sa kay City Councilor Romel Duron bilang sabat sa imbitasyon sang Sangguniang Panlungsod angot sa Resolution no. 2025-735 nga may tigulo "A Resolution Calling for an Investigation in Aid of Legislation before the Iloilo City Council over All Private and Public Works Along Rivers, Creeks and Waterways in the City of Iloilo". Ginpahanumdom sang inhenyero ang abogado nga ang gahum sa pagpangusisa ukon investigation in aid of legislation, nga gintugyansa Senado kag Kongreso sang 1987 Constitution, wala nagasakop sa local legislative bodies.  Kon wala sang pahayag nga nagadumili sa Sanggunian sa pag-imbitar sang resource person para sa legislative hearing, dapat maresolbar anay ang ini nga mga isyu antes ang imbitasyon: Una, ang imbitasyon ukon nasambit nga resolution wala sang may natumod nga proposed ordinance nga nagakinahanglan sang imbestigasyon. Basi...
Post a Comment
Read more