Skip to main content

DISTRIBUTION UTILITIES, INDI DIREKTA MAKAKWA SANG KURYENTE GIKAN SA NAGA...


DISTRIBUTION UTILITIES, INDI DIREKTA MAKAKWA SANG KURYENTE GIKAN SA NAGA-GENERATE NGA KOMPANIYA SUNO SA KASUGUAN

Ginpaathag ni Atty. James G. Balsomo II, ang General Manager sang ILECO III, nga bangud sa National Grid Code of the Philippines indi mahimo nga makadirekta sila angot sa generation source nga wala nagaagi sa transmission lines.

Gin-ehemplo sini nga sa ila franchise area yara mismo ang Palm Concepcion Power Corporation (PCPC) apang wala nagadirekta sa pagkwa sang power ang ILECO III tungod dapat makonekta ang generation plant sa grid kag ang distribution utility nga ILECO III ang makonekta man sa grid.

Katuyuan sini nga ang high voltage nga na-produce ang panubuon sa substation sang distribution utility agud nga magamit sang mga konsumidor sa ila panimalay.



POWER SECURITY SANG PANAY, NAGADEPENDE SA NGCP

Nakahiwat na sang sinapol sadto pa ang mga distribution utilities kag ang National Grid Corporation of the Philippines kaupod si Governor Arthur Defensor, Jr. agud istoryahan ang ila plano nga mapasiguro ang power security kag power reliability sa probinsya sang Iloilo may kaantanan sa duso sang probinsya para sa pagtin-ad sang iya ekonomiya.

Ginpahayag ni Atty. James G. Balsomo II, ang General Manager sang ILECO III, nga nagpresentar sila sang ila mga plano kag specific timelines kon san-o ipatuman, kon pila ka substation ang ipatindog kag kon ano ang upgrading sang mga linya nga mapasiguro ang reliability sang power.

Wala sila sang may nabatian nga plano gikan sa NGCP.

Mangin wala sang pulos ang plano sang distribution utilities kon wala man sang plano ang NGCP nga i-secure ang power sa Panay ilabi na nga isa lang ang linya sa Negros.

Ginduso sang ILECO I, II kag III nga dapat may looping ukon butangan sang isa pa ka submarine cable bilang alternatibo nga linya agud nga kon may problema sa Panay-Negros submarine cable indi magluntad ang power outage sa bug-os nga isla sang Panay.

Wala sila nagsala tungod ang sadto pa nga ila ginpaalinton ang nagluntad na karon kag gina-eksperyensyahan na sang tanan.



EMBEDDED GENERATION, SOLUTION AGUD MAKABIYA SA GRID 

Ginpaathag ni Engr. Miguel A. Paguntalan, ang General Manager sang ILECO I, nga isa ka posible nga solusyon agud nga makabiya sa grid amo ang embedded generation.

Ginpahayag sini nga may konstruksyon ang ILECO I nga direkta sa 69KV nila nga indi na mag-agi sa grid kag ini amo ang solar power.

Ginsiling sini nga may solar contract sila nga tukuron sa sini nga tuig. Kag, isa pa gid nga posible nga solusyon amo ang BESS ukon ang Battery Energy Storage System.

Gina-encourage sang National Electrification Administration ang embedded generation para sa distribution utilities (DU) apang sa limitado lang nga kapasidad. Kapin lang sa 5 megawatt ang ginatugutan sa ila diri nga renewable energy, apang mahimo nga mangin 10MW kon luyag sang DU.

Tinguhaan nila nga makaangkon sang maximum nga 10MW agud nga maka-20MW nga renewable energy gikan sa solar power agud nga indi mangin dependent sa NGCP. 
#iloilonews

Comments

Post a Comment

Popular posts from this blog

LAWAS SANG KONDUKTOR SANG BUS, NATUNGA KAG NADUNOT MATAPOS LASAKON SANG KOTSE KAG TRAK

Nadalahig sa doble aksidente ang isa ka lalaki nga konduktor sang bus matapos mabungguan sang duha ka salakyan sa General Trias, Cavite. Suno sa report, bag-o lang nanaog sa bus ang biktima kag maga-park kuntani sang hinali na lang ini nga ginbungguan sang salakyan. Bangud sa kadasigon sang insidente, wala na makalikaw ang masunod nga dump truck rason nga nabungguan ang biktima kag naguyod sa highway. Nautod ang hawak kag naibabaw nga bahin sang lawas sang biktima, sa diin ginabulubanta nagalab-ot sa apat ka metros ang distansya sa tunga nila. Samtang, gilayon naman nga nadakpan sang kapulisan ang driver sang salakyan nga una nga nakabunggo sa biktima, samtang padayon naman ang pagpangita sang mga otoridad sa driver sang nasambit nga dump truck. #iloilonews
Post a Comment
Read more

GRADE 3 STUDENT, NA-COMATOSE SA KASTIGO SANG MGA HIGH SCHOOL STUDENTS

 Viral sa social media ang isa ka grade 3 student nga ginpulihan kastigo sang high school students sa Iligan City. Suno sa report, ginabulubanta yara sa apat ka kalalakihan ang nagkastigo sa 9 ka tuig nga bata nga lalaki nga estudyante sang Maria Cristina Falls Elementary School. Makita sa video ang pag-atake sa biktima kon paano nagbayluhanay sang sumbag kag sipa ang mga high school students sa iya lawas. Bangud sini, yara na sa Intensive Care Unit (ICU) ang biktima matapos nga nag-angkon sang nagkalain-lain nga pilas, partikular sa iya ulo. Sa separado nga pahayag, ginkondenar ni Iligan City Mayor Freddie Siao ang mabudlay nga kahimtangan sang biktima kag ginpahayag nga nakahatag na ini sang bulig sa pamilya sang biktima kag sa karon naga-coordinate sa mga otoridad. “I am deeply saddened and disturbed by the tragic incident involving a Grade 3 pupil of Maria Cristina Falls Elementary School, who is now fighting for his life in the ICU after being brutally attacked by a group of h...
Post a Comment
Read more

KONSEHAL NGA ABOGADO, GINLEKTYURAN SANG INHENYERO TUHOY SA IYA TRABAHO SA KONSEHO?

Nagpadala sang sulat si Engr. Roy Pacanan, ang OIC District Engineer sang DPWH-Iloilo City District Engineering Office (ICDEO) sa kay City Councilor Romel Duron bilang sabat sa imbitasyon sang Sangguniang Panlungsod angot sa Resolution no. 2025-735 nga may tigulo "A Resolution Calling for an Investigation in Aid of Legislation before the Iloilo City Council over All Private and Public Works Along Rivers, Creeks and Waterways in the City of Iloilo". Ginpahanumdom sang inhenyero ang abogado nga ang gahum sa pagpangusisa ukon investigation in aid of legislation, nga gintugyansa Senado kag Kongreso sang 1987 Constitution, wala nagasakop sa local legislative bodies.  Kon wala sang pahayag nga nagadumili sa Sanggunian sa pag-imbitar sang resource person para sa legislative hearing, dapat maresolbar anay ang ini nga mga isyu antes ang imbitasyon: Una, ang imbitasyon ukon nasambit nga resolution wala sang may natumod nga proposed ordinance nga nagakinahanglan sang imbestigasyon. Basi...
Post a Comment
Read more