Skip to main content

IPPO DIRECTOR RONALDO PALOMO, TINGUHAAN NGA INDI MATABU SA ILOILO ANG NA...


IPPO DIRECTOR RONALDO PALOMO, TINGUHAAN NGA INDI MATABU SA ILOILO ANG NATABU SA NEGROS ORIENTAL

Gin-imbitar sadto sang 14th Sangguniang Panlalawigan ng Iloilo si Police Colonel Ronaldo Palomo, ang Iloilo Provincial Police Office Director, kag nagtambong man siya sa sinapol agud maistoryahan ang peace and order situation sa probinsya sang Iloilo.

Ginpahayag ni 2nd District Senior Board Member June Mondejar, ang Chairman sang Committee on Peace, Order and Security sang 14th SP, nga iya ginpangabay kay Col. Palomo nga ang natabu sa Negros Oriental, ilabi na ang asasinasyon sang ila Gobernador, kuntani indi matabu diri sa probinsya sang Iloilo sa kon sin-o man nga pulitiko diri.

Ginsiling sini nga naghambal si Col. Palomo nga iya tinguhaan sa sulod sang panahon sang iya nga pagpangalagad bilang IPPO director.


THREAT ASSESSMENT

Pagligad sang isa ka adlaw matapos ang ila pagsugilanon sa Session Hall sang Sangguniang Panlalawigan ng Iloilo, gilayon nga naghiwat sang threat assessment ang kapulisan.

Ginpabutyag ni Mondejar nga nagpadulong ang kapulisan sa iya balay sa New Lucena kag namangkot kon may pamahog sa iya. Wala man naglawig ang ila pagsugilanon, ginhambalan niya ang kapulisan nga wala siya, sa iya personal, sang nabaton nga pamahog.

Gintuad man niya nga wala siya sang may nahibaluan nga pamahog sa iya utod nga alkalde sang New Lucena nga si Mayor Liecel Mondejar-Seville. 


VEHICULAR ACCIDENT

Ginpanugyan man ni Board Member Mondejar kay Police Colonel Palomo nga ang isa ka hangkat sa iya pagpangalagad bilang IPPO director amo ang kon paano mahagan-hagan ang pagluntad sang vehicular accident.

Ginpabutyag sini nga ang nagapanguna nga sahi sang salakyan nga imbolbado sa vehicular accident amo ang mga motorsiklo. 

Ginpabutyag man ni Col. Palomo nga iya tinguhaan nga mahagan-hagan ang pagluntad sang vehicular accident, ilabi na sa mga motorsiklo.


GENERALLY PEACEFUL

Makabig nga generally peaceful ang peace and order situation sa probinsya sang Iloilo. 

Ginalantaw nila nga malayo ang posibilidad nga matabu sa probinsya sang Iloilo ang natabu sa probinsya sang Negros Oriental. Kon matuod nga ang mastermind sa krimen isa ka pulitiko, wala sang pulitiko sa Iloilo nga may kaangay sang sini nga batasan.

Indi masyado ka init ang pulitika sa probinsya sang Iloilo kon ikumparar sa Negros Oriental. Medyo mainit lang kon tion sang kampanya bangud sa isyuhanay kag wala sang posibilidad nga matabu diri ang natabu sa Negros Oriental. 

Nagapati si 2nd District Senior Board Member June Mondejar nga wala sang kasubong nga batasan kag wala sang kapasidad ang mga pulitiko sa probinsya sang Iloilo kasubong sa ginapatihan nga suspek sa pagpatay sa gobernador sang Negros Oriental.
via Sanggunian In Action
#iloilonews

Comments

Post a Comment

Popular posts from this blog

LAWAS SANG KONDUKTOR SANG BUS, NATUNGA KAG NADUNOT MATAPOS LASAKON SANG KOTSE KAG TRAK

Nadalahig sa doble aksidente ang isa ka lalaki nga konduktor sang bus matapos mabungguan sang duha ka salakyan sa General Trias, Cavite. Suno sa report, bag-o lang nanaog sa bus ang biktima kag maga-park kuntani sang hinali na lang ini nga ginbungguan sang salakyan. Bangud sa kadasigon sang insidente, wala na makalikaw ang masunod nga dump truck rason nga nabungguan ang biktima kag naguyod sa highway. Nautod ang hawak kag naibabaw nga bahin sang lawas sang biktima, sa diin ginabulubanta nagalab-ot sa apat ka metros ang distansya sa tunga nila. Samtang, gilayon naman nga nadakpan sang kapulisan ang driver sang salakyan nga una nga nakabunggo sa biktima, samtang padayon naman ang pagpangita sang mga otoridad sa driver sang nasambit nga dump truck. #iloilonews
Post a Comment
Read more

TELUS International Philippines celebrates a decade of support to communities with Brigada Eskwela in Iloilo

ILOILO CITY – TELUS International Philippines (TIP), a leading AI-fueled customer experience and business process solutions provider, is proud to celebrate its tenth year supporting public school students and teachers through the Department of Education’s (DepEd) Brigada Eskwela program. As part of the 10th anniversary celebration, the company announced the expansion of its team members’ volunteer efforts to include Iloilo as part of their annual TELUS Days of Giving (TDOG) activities. More than 200 volunteers from TIP's Iloilo sites as well as public school teachers and students from Ramon Avanceña National High School, came together for the inaugural TDOG Brigada Eskwela volunteer effort in Iloilo. Their mission was twofold: to foster the spirit of volunteerism and to create safe and conducive learning environments for more than 4,300 high-school students and 120 educators in Iloilo ahead of the school’s re- opening in July. Volunteers engaged in activities such as painting c...
Post a Comment
Read more

GRADE 3 STUDENT, NA-COMATOSE SA KASTIGO SANG MGA HIGH SCHOOL STUDENTS

 Viral sa social media ang isa ka grade 3 student nga ginpulihan kastigo sang high school students sa Iligan City. Suno sa report, ginabulubanta yara sa apat ka kalalakihan ang nagkastigo sa 9 ka tuig nga bata nga lalaki nga estudyante sang Maria Cristina Falls Elementary School. Makita sa video ang pag-atake sa biktima kon paano nagbayluhanay sang sumbag kag sipa ang mga high school students sa iya lawas. Bangud sini, yara na sa Intensive Care Unit (ICU) ang biktima matapos nga nag-angkon sang nagkalain-lain nga pilas, partikular sa iya ulo. Sa separado nga pahayag, ginkondenar ni Iligan City Mayor Freddie Siao ang mabudlay nga kahimtangan sang biktima kag ginpahayag nga nakahatag na ini sang bulig sa pamilya sang biktima kag sa karon naga-coordinate sa mga otoridad. “I am deeply saddened and disturbed by the tragic incident involving a Grade 3 pupil of Maria Cristina Falls Elementary School, who is now fighting for his life in the ICU after being brutally attacked by a group of h...
Post a Comment
Read more