KON NAGA-INIT ANG ULO, LIKAW SA PAGMANEHO

Ginapanugyan ni 2nd District Senior Board Member June Mondejar sa mga motorista nga maglikaw sa pagmaneho kon naga-init ang ulo.

Nahibaluan nga sa sini nga semana santa madamo sang mga pumuluyo ang nagabiyahe padulong sa kon diin man nga lugar agud nga makapamalandong kag makapaliwa-liwa.

Ginsiling sini nga iya nabatian ang nagluntad nga vehicular accident sadtong Marso 29, 2023 sa Barangay Sambag, Zarraga takna alas 11:00 sang aga nga imbolbado ang sport utility vehicle (SUV), sedan, delivery truck, kag motorsiklo kon sa diin napatay diri si Julius Desucatan, 43-anyos, sang Barangay Tiwi, Barotac Nuevo, Iloilo nga naipit sa sulod sang iya ginamaneho nga Ford Everest.

Ginpabutyag sini nga kon lantawon ang mga kabangdanan sang vehicular accident, isa diri amo ang driver's error ukon nagakatabu kon alang-alang ang kalkulasyon sang driver, kaangay posible sa natabu sa Zarraga. Nagapati ang driver nga masarangan niya nga mag-overtake apang wala niya nasarangan kag nagluntad ang aksidente.

Ginpaathag sini nga wala niya ginapangunahan ang imbestigasyon tuhoy sa natabu kag wala pa gid siya sang ihibalo sa mga kabangdanan, apang sa iya paglantaw ini ang natabu.

Ginpatpat sini nga posibe nagakatabu ang aksidente kon ang driver naga-init ang ulo samtang nagamaneho kag nagakalipat sa safety, ginasakripisyo nila ang safety kag ginapilit rason nga kabus sa kalkulasyon.

Gindugang sini nga ang isa pa ka rason sang vehicular accident kon nakainom sang makahulubog nga ilimnon, kag kon may mechanical defect ang salakyan, ilabi na kon old model, dapat nga masami ang gina-tsekyar ang salakyan, kag dapat indi man magmaneho kon nagagamit sang ilegal nga druga.

Ginapangabay sini sa mga nagamaneho nga maghalong, bisan hinay-hinay lang basta indi maaksidente.

Likawan nga makasagaid, masaigan, makabunggo, ukon mabungguan bangud nagatuga ini sang problema. Imbis nga magproblema sini, dapat ibutang naton sa mga aktibidades nga maka-imprubar sa sitwasyon sa pangabuhi.

via Sanggunian In Action

#iloilonews

Comments

LAWAS SANG KONDUKTOR SANG BUS, NATUNGA KAG NADUNOT MATAPOS LASAKON SANG KOTSE KAG TRAK

Nadalahig sa doble aksidente ang isa ka lalaki nga konduktor sang bus matapos mabungguan sang duha ka salakyan sa General Trias, Cavite. Suno sa report, bag-o lang nanaog sa bus ang biktima kag maga-park kuntani sang hinali na lang ini nga ginbungguan sang salakyan. Bangud sa kadasigon sang insidente, wala na makalikaw ang masunod nga dump truck rason nga nabungguan ang biktima kag naguyod sa highway. Nautod ang hawak kag naibabaw nga bahin sang lawas sang biktima, sa diin ginabulubanta nagalab-ot sa apat ka metros ang distansya sa tunga nila. Samtang, gilayon naman nga nadakpan sang kapulisan ang driver sang salakyan nga una nga nakabunggo sa biktima, samtang padayon naman ang pagpangita sang mga otoridad sa driver sang nasambit nga dump truck. #iloilonews

GRADE 3 STUDENT, NA-COMATOSE SA KASTIGO SANG MGA HIGH SCHOOL STUDENTS

Viral sa social media ang isa ka grade 3 student nga ginpulihan kastigo sang high school students sa Iligan City. Suno sa report, ginabulubanta yara sa apat ka kalalakihan ang nagkastigo sa 9 ka tuig nga bata nga lalaki nga estudyante sang Maria Cristina Falls Elementary School. Makita sa video ang pag-atake sa biktima kon paano nagbayluhanay sang sumbag kag sipa ang mga high school students sa iya lawas. Bangud sini, yara na sa Intensive Care Unit (ICU) ang biktima matapos nga nag-angkon sang nagkalain-lain nga pilas, partikular sa iya ulo. Sa separado nga pahayag, ginkondenar ni Iligan City Mayor Freddie Siao ang mabudlay nga kahimtangan sang biktima kag ginpahayag nga nakahatag na ini sang bulig sa pamilya sang biktima kag sa karon naga-coordinate sa mga otoridad. “I am deeply saddened and disturbed by the tragic incident involving a Grade 3 pupil of Maria Cristina Falls Elementary School, who is now fighting for his life in the ICU after being brutally attacked by a group of h...

KONSEHAL NGA ABOGADO, GINLEKTYURAN SANG INHENYERO TUHOY SA IYA TRABAHO SA KONSEHO?

Nagpadala sang sulat si Engr. Roy Pacanan, ang OIC District Engineer sang DPWH-Iloilo City District Engineering Office (ICDEO) sa kay City Councilor Romel Duron bilang sabat sa imbitasyon sang Sangguniang Panlungsod angot sa Resolution no. 2025-735 nga may tigulo "A Resolution Calling for an Investigation in Aid of Legislation before the Iloilo City Council over All Private and Public Works Along Rivers, Creeks and Waterways in the City of Iloilo". Ginpahanumdom sang inhenyero ang abogado nga ang gahum sa pagpangusisa ukon investigation in aid of legislation, nga gintugyansa Senado kag Kongreso sang 1987 Constitution, wala nagasakop sa local legislative bodies. Kon wala sang pahayag nga nagadumili sa Sanggunian sa pag-imbitar sang resource person para sa legislative hearing, dapat maresolbar anay ang ini nga mga isyu antes ang imbitasyon: Una, ang imbitasyon ukon nasambit nga resolution wala sang may natumod nga proposed ordinance nga nagakinahanglan sang imbestigasyon. Basi...

Iloilo News and Events

Search This Blog