ONLINE WEBSITE ORDINANCES IN THE PROVINCE OF ILOILO (OWOPI), APRUBADO NA SA THIRD AND FINAL READING
Gin-aprubahan unanimously sang tanan nga katapo sang 14th Sangguniang Panlalawigan nga nagtambong sa 40th Regular Session ang Provincial Ordinance No. 2023-296 sa Third and Final Reading.
Nahibaluan nga ang Provincial Ordinance No. 2023-296 may tigulo "An Ordinance Establishing an Online Website for all Local Ordinances and Resolutions in the Province of Iloilo to Make Them More Accessible to the Public".
Gin-author kag gin-sponsor ni Vice Governor Christine "Tingting" Garin kag ginc-co-sponsor nanday 2nd District Senior Board Member June Mondejar, 3rd District Board Member Matt Palabrica, 3rd District Board Member Jason Gonzales, 4th District Board Member Rolando Distura, Ex-Officio Board Member Ramon Sullano sang PCL-Iloilo Chapter kag Ex-Officio Board Member Dorothy Paes sang Liga ng mga Barangay - Iloilo Provincial Federation.
Tinutuyo sang ordinansa nga may separado nga website para sa Sangguniang Panlalawigan apang diri man makita ang magkatuhay nga mga ordinansa sang mga local government unit sa bug-os nga probinsya sang Iloilo.
Ginsiling sini nga ang bentaha sang sini nga ordinansa tungod may mausar para sa research sang mga estudyante kag iban nga mga sanggunian. Daku ang mabulig sini sa sin-o man nga nagapanalawsaw tuhoy sa ordinansa nga ginaduso sang isa ka legislator.
Nagalaum ang bise gobernador nga mangin mahapos, mangin accessible kg search-friendly na sa mga luyag maglantaw sang mga ordinansa.
Makabulig ini indi lamang sa mga naga-research, kundi lakip man nga makita sang mga LGU ukon sang tagsa ka mga munisipyo ang mga ordinansa sang bug-os nga ordinansa.
via Sanggunian In Action / FB
#iloilonews
Comments
Post a Comment