TOP TEN (10) INCENTIVE ORDINANCE OF THE PROVINCE OF ILOILO, APRUBADO NA ...

TOP TEN (10) INCENTIVE ORDINANCE OF THE PROVINCE OF ILOILO, APRUBADO NA SANG 14TH SP

Gin-aprubahan sa Third and Final Reading sa ginhiwat nga 38th Regular Session sang 14th Sangguniang Panlalawigan ng Iloilo ang Provincial Ordinance No. 2023-295.

Nahibaluan nga ang Provincial Ordinance No. 2023-295 may tigulo "An Ordinance Granting Incentives and Resolution of Commendation to Individuals who Garnered the Top Ten (10) Highest Places in the Board Examination, Bar Examination, and Other National Licensure Examinations" nga gin-author ni Vice Governor Christine "Tingting" Garin.

Pagakilalahon ini sa iya malip-ot nga tigulo nga “Top Ten (10) Incentive Ordinance of the Province of Iloilo”.

Magabaton sang cash incentives ang mga indibidwal nga makasulod sa top ten (10) highest places sa Board Examinations, Bar Examination ukon iban pa nga national licensure examinations.

Para sa Physician Licensure Examination kag Bar Examination, ang Top 1 makabaton sang Php 40,000.00; ang Top 2 - 5 makabaton sang Php 20,000.00 kag Top 6 - 10 makabaton sang Php 15,000.00.

Para sa PRC kag iban pa nga national licensure examinations, ang Top 1 makabaton sang Php 20,000.00; ang Top 2 - 5 makabaton sang Php 15,000.00; kag Top 6 - 10 makabaton sang Php 10,000.00.

Kwalipikado nga makabaton sang mga insentibo ang mga residente sang Probinsya sang Iloilo sang kapin anum ka bulan. Dapat aktibo nga botante sang Probinsya sang Iloilo. Dapat nalakip sa top ten (10) highest places sa Board Examinations sang Professional Regulation Commission, Bar Examination sang Supreme Court, kag iban pa nga national licensure examinations.

Ang insentibo mahimo nga i-claim sa sulod sang tatlo ka bulan umpisa sa pagbalhag sang resulta sang mga pasinawan sang administering agency.

Pagapainan sang One Million Pesos (Php 1,000.000.00) ang inisyal nga implementasyon sang sini nga Ordinansa kag pagakwaon sa badyet sang Human Resource Management and Development Office (HRMDO) kag igalakip sa masunod nga Annual Appropriation Ordinance ukon supplemental budget sang Probinsya sang Iloilo.

via Sanggunian In Action / FB

#iloilonews

Comments

LAWAS SANG KONDUKTOR SANG BUS, NATUNGA KAG NADUNOT MATAPOS LASAKON SANG KOTSE KAG TRAK

Nadalahig sa doble aksidente ang isa ka lalaki nga konduktor sang bus matapos mabungguan sang duha ka salakyan sa General Trias, Cavite. Suno sa report, bag-o lang nanaog sa bus ang biktima kag maga-park kuntani sang hinali na lang ini nga ginbungguan sang salakyan. Bangud sa kadasigon sang insidente, wala na makalikaw ang masunod nga dump truck rason nga nabungguan ang biktima kag naguyod sa highway. Nautod ang hawak kag naibabaw nga bahin sang lawas sang biktima, sa diin ginabulubanta nagalab-ot sa apat ka metros ang distansya sa tunga nila. Samtang, gilayon naman nga nadakpan sang kapulisan ang driver sang salakyan nga una nga nakabunggo sa biktima, samtang padayon naman ang pagpangita sang mga otoridad sa driver sang nasambit nga dump truck. #iloilonews

TELUS International Philippines celebrates a decade of support to communities with Brigada Eskwela in Iloilo

ILOILO CITY – TELUS International Philippines (TIP), a leading AI-fueled customer experience and business process solutions provider, is proud to celebrate its tenth year supporting public school students and teachers through the Department of Education’s (DepEd) Brigada Eskwela program. As part of the 10th anniversary celebration, the company announced the expansion of its team members’ volunteer efforts to include Iloilo as part of their annual TELUS Days of Giving (TDOG) activities. More than 200 volunteers from TIP's Iloilo sites as well as public school teachers and students from Ramon Avanceña National High School, came together for the inaugural TDOG Brigada Eskwela volunteer effort in Iloilo. Their mission was twofold: to foster the spirit of volunteerism and to create safe and conducive learning environments for more than 4,300 high-school students and 120 educators in Iloilo ahead of the school’s re- opening in July. Volunteers engaged in activities such as painting c...

GRADE 3 STUDENT, NA-COMATOSE SA KASTIGO SANG MGA HIGH SCHOOL STUDENTS

Viral sa social media ang isa ka grade 3 student nga ginpulihan kastigo sang high school students sa Iligan City. Suno sa report, ginabulubanta yara sa apat ka kalalakihan ang nagkastigo sa 9 ka tuig nga bata nga lalaki nga estudyante sang Maria Cristina Falls Elementary School. Makita sa video ang pag-atake sa biktima kon paano nagbayluhanay sang sumbag kag sipa ang mga high school students sa iya lawas. Bangud sini, yara na sa Intensive Care Unit (ICU) ang biktima matapos nga nag-angkon sang nagkalain-lain nga pilas, partikular sa iya ulo. Sa separado nga pahayag, ginkondenar ni Iligan City Mayor Freddie Siao ang mabudlay nga kahimtangan sang biktima kag ginpahayag nga nakahatag na ini sang bulig sa pamilya sang biktima kag sa karon naga-coordinate sa mga otoridad. “I am deeply saddened and disturbed by the tragic incident involving a Grade 3 pupil of Maria Cristina Falls Elementary School, who is now fighting for his life in the ICU after being brutally attacked by a group of h...

Iloilo News and Events

Search This Blog