BM MONDEJAR, NALIPAY GID NGA NAKABULIG SILA SA PAGSOLBAR SA PROBLEMA SAN...

BOARD MEMBER JUNE MONDEJAR, NALIPAY GID NGA NAKABULIG SILA SA PAGSOLBAR SA PROBLEMA SANG SANITARIUM HOSPITAL

Nalipay gid si 2nd District Senior Board Member June Mondejar nga nakabulig siya sa mga empleyado sa Western Visayas Sanitarium and General Hospital sa Santa Barbara, Iloilo paagi sa iya ginpalayag nga privilege speech sadto nga may tigulo " Silent Protest at WVSGH" sa ginhiwat nga 27th Regular Session sang 14th SP sang Enero 10, 2023.

Katuyuan sang iya privilege speech agud nga makabulig man solbar ang Sangguniang Panlalawigan sa problema nga nagapatunga sa mga empleyado kag mga opisyales sang natumod nga ospital.

Isa sa nangin rekomendasyon sang Committee on Health and Sanitation nga dapat i-reactivate ang Hearing Committee nga magamapati kag magadesisyon sa mga administrative cases sang mga health workers sa bug-os nga rehiyon nga pamunuan sang Iloilo Provincial Health Officer.

Isa pa gid sa nangin rekomendasyon ang napatuhoy sa Regional Director sang Department of Health nga pangitaan sang paagi nga masolbar ang problema sa nasambit nga ospital tungod yara ini sa idalom sang ila pagdumala.

Ginsiling sini nga nagpasilabot lamang ang 14th SP tungod nga ang ospital yara sa sakop sang banwa sang Santa Barbara, Iloilo nga isa sa mga banwa sa segundo distrito sang probinsya.

Nagakabalaka si Mondejar tungod madamo sang mga empleyado kag mga pasyente nga na-confine sa sini nga ospital nga mga residente sang segundo distrito nga iya mga kasimanwa.

Ginpabutyag sini nga nalipay siya nga naghagan-hagan ang problema tungod sa bisan gamay nga paagi nakabulig gid pagpaninguha sang 14th SP agud nga masolbar ang problema sa Sanitarium Hospital.

Gintuad sini nga pagkatapos sang ginhiwat nga committee hearing medyo naglinong apang may nabatian siya nga nagapabilin pa ang problema. Karon nga naaprubahan na ang mga resolution sang 14th SP, ginapanilagan nila ang sitwasyon kag nabatyagan nila nga wala na sang nagtuhaw nga problema. Bisan pa sini, padayunon nila ang ila pagpanilag sa sitwasyon sa masunod nga mga inadlaw. Nagalaum siya nga nasolbar na gid man mga problema sa nasambit nga ospital.

Sa tion nga may magtuhaw liwat nga problema sa nasambit nga ospital nga ipalab-ot sang tagreklamo, ginpasalig sini nga handa ang iya talatapan sa pagtalupangod kag paghatag sang solusyon.

via Sanggunian In Action / FB

#iloilonews

Comments

LAWAS SANG KONDUKTOR SANG BUS, NATUNGA KAG NADUNOT MATAPOS LASAKON SANG KOTSE KAG TRAK

Nadalahig sa doble aksidente ang isa ka lalaki nga konduktor sang bus matapos mabungguan sang duha ka salakyan sa General Trias, Cavite. Suno sa report, bag-o lang nanaog sa bus ang biktima kag maga-park kuntani sang hinali na lang ini nga ginbungguan sang salakyan. Bangud sa kadasigon sang insidente, wala na makalikaw ang masunod nga dump truck rason nga nabungguan ang biktima kag naguyod sa highway. Nautod ang hawak kag naibabaw nga bahin sang lawas sang biktima, sa diin ginabulubanta nagalab-ot sa apat ka metros ang distansya sa tunga nila. Samtang, gilayon naman nga nadakpan sang kapulisan ang driver sang salakyan nga una nga nakabunggo sa biktima, samtang padayon naman ang pagpangita sang mga otoridad sa driver sang nasambit nga dump truck. #iloilonews

GRADE 3 STUDENT, NA-COMATOSE SA KASTIGO SANG MGA HIGH SCHOOL STUDENTS

Viral sa social media ang isa ka grade 3 student nga ginpulihan kastigo sang high school students sa Iligan City. Suno sa report, ginabulubanta yara sa apat ka kalalakihan ang nagkastigo sa 9 ka tuig nga bata nga lalaki nga estudyante sang Maria Cristina Falls Elementary School. Makita sa video ang pag-atake sa biktima kon paano nagbayluhanay sang sumbag kag sipa ang mga high school students sa iya lawas. Bangud sini, yara na sa Intensive Care Unit (ICU) ang biktima matapos nga nag-angkon sang nagkalain-lain nga pilas, partikular sa iya ulo. Sa separado nga pahayag, ginkondenar ni Iligan City Mayor Freddie Siao ang mabudlay nga kahimtangan sang biktima kag ginpahayag nga nakahatag na ini sang bulig sa pamilya sang biktima kag sa karon naga-coordinate sa mga otoridad. “I am deeply saddened and disturbed by the tragic incident involving a Grade 3 pupil of Maria Cristina Falls Elementary School, who is now fighting for his life in the ICU after being brutally attacked by a group of h...

KONSEHAL NGA ABOGADO, GINLEKTYURAN SANG INHENYERO TUHOY SA IYA TRABAHO SA KONSEHO?

Nagpadala sang sulat si Engr. Roy Pacanan, ang OIC District Engineer sang DPWH-Iloilo City District Engineering Office (ICDEO) sa kay City Councilor Romel Duron bilang sabat sa imbitasyon sang Sangguniang Panlungsod angot sa Resolution no. 2025-735 nga may tigulo "A Resolution Calling for an Investigation in Aid of Legislation before the Iloilo City Council over All Private and Public Works Along Rivers, Creeks and Waterways in the City of Iloilo". Ginpahanumdom sang inhenyero ang abogado nga ang gahum sa pagpangusisa ukon investigation in aid of legislation, nga gintugyansa Senado kag Kongreso sang 1987 Constitution, wala nagasakop sa local legislative bodies. Kon wala sang pahayag nga nagadumili sa Sanggunian sa pag-imbitar sang resource person para sa legislative hearing, dapat maresolbar anay ang ini nga mga isyu antes ang imbitasyon: Una, ang imbitasyon ukon nasambit nga resolution wala sang may natumod nga proposed ordinance nga nagakinahanglan sang imbestigasyon. Basi...

Iloilo News and Events

Search This Blog