Skip to main content

COMPONENT LGU SA PROBINSYA SANG ILOILO, DAPAT MAG-ADOPTAR SA GUIDELINES ...


Gin-aprubahan unanimously sa 43rd Regular Session sang 14th Sangguniang Panlalawigan ng Iloilo ang resolution nga gin-sponsor ni 2nd District Board Member Rolito Cajilig kag gin-co-sponsor ni 3rd District Board Member Matt Palabrica.

Nahibaluan nga ang resolution may tigulo “Resolution Compelling the Component LGUs in the Province of Iloilo to Adopt the Guidelines of Republic Act No. 9482 or the AntiRabies Act of 2007 for its Effective Implementation in the Province”.

Ang Republic Act No. 9482 ukon The Anti-Rabies Act of 2007 nagadeklarar sa polisiya sang Estado nga iduso kag amligan ang kinamatarong sang pumuluyo sa ikaayong-lawas, kag nagamandu sang sistema sa pagkontrol, pagtapna sa paglaton, kag gilayon nga pagpapas sang human kag animal rabies kag dapat mapasad ang Responsible Pet Ownership.

Sadtong Mayo 5, 2023, napatay ang lalaki gikan sa New Lucena, Iloilo bangud sa suspected rabies infection matapos nga makadtan sang ido. Suno sa report, nakakaon man siya sang karne sang ido antes na-impeksyon. Ang Republic Act No. 9482 ukon The Anti-Rabies Act of 2007 nagadumili sa pagbaligya sang mga ido para sa karne bilang tikang nga matapna ang paglaton sang rabies sa pungsod.

Ginapatuman sang Department of Health (DOH), kabuylog ang Department of Agriculture (DA), Department of Education (DepEd), Department of the Interior and Local Government (DILG), Department of Environment and Natural Resources (DENR), World Health Organization (WHO), kag Animal Welfare Coalition (AWC), ang Rabies Prevention and Control Program agud ideklarar ang Pilipinas bilang rabies-free pagdangat sang tuig 2030.

Sang 2022, maya yara sang 79 ka ginreport nga canine-positive rabies cases kag lima ka napatay nga tawo sa Iloilo, kag kadamuan sang sini nga mga kaso ang tuga sang stray dogs. Gani, ang pag-impound sang stray dogs kag pagsunod sa responsible pet ownership dapat tumanon sa Probinsya.

Suno sa Provincial Health Office, ang kadamuon sang Animal Bite Treatment Centers (ABTCs) sa Probinsya sang Iloilo nadugangan gikan sa 17 nga nangin 23. Apang, 37% lang sang sini nga mga ABTC ang functional kag nagapatuman sang Anti-Rabies Ordinances kag mga programa.

Mahapos dumalahan ang kagat sang mga ido kon ang mga banwa nadeklarar nga rabies-free tungod ang gilayon nga pagbakuna wala gina-require antes ang 14-day observation sang dog bite.

Sa karon, may 26 ka rabies-free areas sa probinsya – anum sa Carles, 18 sa Concepcion, kag duha sa Ajuy – tanan nahamtang sa island barangays. Gani, ang Provincial Government sang Iloilo nagaganyat sa mga banwa nga mag-organisar sang ila Municipal Rabies Control Committee agud madugangan ang kadamuon sang rabies-free areas sa probinsya.

Ang gamay nga kaso sang rabies makabuhin sa pagpondo para sa post-exposure vaccination kag ma-alokar ini sa iban pa nga mga programa kag mga proyekto.

Kutob sang Mayo 2023, sa 397,578 ka dog population, may yara sang 156,913 (51.02%)
ka mga nabakunahan nga mga ido sa Probinsya sang Iloilo, nga ginabulubanta 2% nga dugang gikan sa 2022.

Luyag sang 14th SP nga dapat magtuman ang mga Component LGUs sa Probinsya sang Iloilo nga adoptaron ang guidelines sang Republic Act No. 9482 ukon ang Anti-Rabies Act of 2007 para sa iya epektibo nga implementasyon sa probinsya.

via Sanggunian In Action / FB
#iloilonews

Comments

Post a Comment

Popular posts from this blog

LAWAS SANG KONDUKTOR SANG BUS, NATUNGA KAG NADUNOT MATAPOS LASAKON SANG KOTSE KAG TRAK

Nadalahig sa doble aksidente ang isa ka lalaki nga konduktor sang bus matapos mabungguan sang duha ka salakyan sa General Trias, Cavite. Suno sa report, bag-o lang nanaog sa bus ang biktima kag maga-park kuntani sang hinali na lang ini nga ginbungguan sang salakyan. Bangud sa kadasigon sang insidente, wala na makalikaw ang masunod nga dump truck rason nga nabungguan ang biktima kag naguyod sa highway. Nautod ang hawak kag naibabaw nga bahin sang lawas sang biktima, sa diin ginabulubanta nagalab-ot sa apat ka metros ang distansya sa tunga nila. Samtang, gilayon naman nga nadakpan sang kapulisan ang driver sang salakyan nga una nga nakabunggo sa biktima, samtang padayon naman ang pagpangita sang mga otoridad sa driver sang nasambit nga dump truck. #iloilonews
Post a Comment
Read more

GRADE 3 STUDENT, NA-COMATOSE SA KASTIGO SANG MGA HIGH SCHOOL STUDENTS

 Viral sa social media ang isa ka grade 3 student nga ginpulihan kastigo sang high school students sa Iligan City. Suno sa report, ginabulubanta yara sa apat ka kalalakihan ang nagkastigo sa 9 ka tuig nga bata nga lalaki nga estudyante sang Maria Cristina Falls Elementary School. Makita sa video ang pag-atake sa biktima kon paano nagbayluhanay sang sumbag kag sipa ang mga high school students sa iya lawas. Bangud sini, yara na sa Intensive Care Unit (ICU) ang biktima matapos nga nag-angkon sang nagkalain-lain nga pilas, partikular sa iya ulo. Sa separado nga pahayag, ginkondenar ni Iligan City Mayor Freddie Siao ang mabudlay nga kahimtangan sang biktima kag ginpahayag nga nakahatag na ini sang bulig sa pamilya sang biktima kag sa karon naga-coordinate sa mga otoridad. “I am deeply saddened and disturbed by the tragic incident involving a Grade 3 pupil of Maria Cristina Falls Elementary School, who is now fighting for his life in the ICU after being brutally attacked by a group of h...
Post a Comment
Read more

KONSEHAL NGA ABOGADO, GINLEKTYURAN SANG INHENYERO TUHOY SA IYA TRABAHO SA KONSEHO?

Nagpadala sang sulat si Engr. Roy Pacanan, ang OIC District Engineer sang DPWH-Iloilo City District Engineering Office (ICDEO) sa kay City Councilor Romel Duron bilang sabat sa imbitasyon sang Sangguniang Panlungsod angot sa Resolution no. 2025-735 nga may tigulo "A Resolution Calling for an Investigation in Aid of Legislation before the Iloilo City Council over All Private and Public Works Along Rivers, Creeks and Waterways in the City of Iloilo". Ginpahanumdom sang inhenyero ang abogado nga ang gahum sa pagpangusisa ukon investigation in aid of legislation, nga gintugyansa Senado kag Kongreso sang 1987 Constitution, wala nagasakop sa local legislative bodies.  Kon wala sang pahayag nga nagadumili sa Sanggunian sa pag-imbitar sang resource person para sa legislative hearing, dapat maresolbar anay ang ini nga mga isyu antes ang imbitasyon: Una, ang imbitasyon ukon nasambit nga resolution wala sang may natumod nga proposed ordinance nga nagakinahanglan sang imbestigasyon. Basi...
Post a Comment
Read more