Skip to main content

CT SCAN SERVICES SA ILOILO PROVINCIAL HOSPITAL, MAAGUMAN NA SA MADALI NG...


CT SCAN SERVICES SA ILOILO PROVINCIAL HOSPITAL, MAAGUMAN NA SA MADALI NGA PANAHON

Naghiwat sang public hearing kag consultation ang Committee on Ways and Means nga ginapamunuan ni 1st District Board Member Jo Ann Germinanda sang tinalikdan nga Miyerkules, Mayo 18, 2023, tuhoy sa ginaduso nga rates ukon sukot sa serbisyo sang CT Scan nga pagagamiton sa Iloilo Provincial Hospital sa Pototan, Iloilo kag sa palaabuton sa Mother and Child Hospital sa San Joaquin, Iloilo.

Ginapasalamat sini ang mga nagtambong nga mga chiefs of hospitals, Provincial Administrator Raul Banias, kag mga department heads. Natalakay ang posible nga mangin presyo kag posible nga mangin problema sa palaabuton.

Lubos man siya nagapasalamat kanday 3rd District Board Member Matt Palabrica, 4th District Board Member Rolando Distura nga nagtambong sa committee hearing kag sanday 2nd District Senior Board Member June Mondejar kag 3rd District Board Member Jason Gonzales nga nagpadala sang ila mga tiglawas.

Ginasigahum nga madamo ang maga-avail sang serbisyo sang CT Scan sa duha ka nasambit nga mga ospital, ilabi na sang mga pigado nga pasyente tungod nga mas barato gamay ini ikumparar sa mga government hospitals sa syudad sang Iloilo kag sa pribado nga mga ospital.

Ginsiling sini nga importante nga makabulig ang Iloilo Provincial Government sa aton programa kaangay sang Medical Assistance Program (MAP) kon sa diin diri gina-charge ang balayran sang mga indigents ukon pigado nga pasyente, kangay man sang programa sang national government nga Medical Assistance for Indigent Patients (MAIP) Program paagi sa DOH. 

Nagapatigayon ang mga kongresista kag mga senador nga makakwa sang pondo gikan sa DOH agud nga ihatag ukon dugangan sang pondo ang mga ospital agud nga indi lang puro libre ukon 'no balance billing' ukon NBB agud nga indi man maputo ang mga ospital. Manami nga may programa ang national kag provincial government para sa mga indigent nga indi makasarang.

Ang professional fee ukon PF sang mga doktor ang indi pwede sukton paagi sa MAIP kag MAP. Apang, may mga pamilya ukon pasyente nga indigent nga indi gid makasarang magbayad gani ila nga pangitaan sang paagi kon paano ini hatagan sang solusyon.

Nasugilanon sini si Provincial Administrator Dr. Raul Banias nga nagpasalig nga iya istoryahon ang DOH kag HMO kon pwede ma-charge ang PF may kaantanan sa CT Scan services sa MAIP ukon MAP.

Nagalaum siya nga makahimo na sang desisyon sa madali nga panahon agud nga mapatuman ang ordinansa kag magamit na ang CT Scan.

Ginapangitaan gid nila sang paagi nga makahatag sang matuod nga bulig nga indi magastuhan ukon magpalibog pa ang mga pigado nga pasyente. 

Sa pag-amuma sang mga pasyente sa Iloilo Provincial Hospital kag Mother and Child Hospital, iprayoridad nila ang ila nga pasyente nga yara na na-confine sa ila, kag kon may iban nga mga ospital nga mag-avail sang ila CT Scan services, kabigon nila nga out-patient kag i-iskedyul. Apang, kon may bakante sa sina nga tion, ila man nga akomodaron.

Mas o menos sa 15 tubtob ka pasyente ang maakomodar machine kag ang resulta maggwa sa sulod sang 3 tubtob lima ka adlaw.

Maathag nga nagapangita sang ways kag means ang Committee on Ways and Means agud makabulig sa mga pumuluyo ilabi na nga may pondo man ang gobyerno.

via Sanggunian In Action / FB
#iloilonews

Comments

Post a Comment

Popular posts from this blog

LAWAS SANG KONDUKTOR SANG BUS, NATUNGA KAG NADUNOT MATAPOS LASAKON SANG KOTSE KAG TRAK

Nadalahig sa doble aksidente ang isa ka lalaki nga konduktor sang bus matapos mabungguan sang duha ka salakyan sa General Trias, Cavite. Suno sa report, bag-o lang nanaog sa bus ang biktima kag maga-park kuntani sang hinali na lang ini nga ginbungguan sang salakyan. Bangud sa kadasigon sang insidente, wala na makalikaw ang masunod nga dump truck rason nga nabungguan ang biktima kag naguyod sa highway. Nautod ang hawak kag naibabaw nga bahin sang lawas sang biktima, sa diin ginabulubanta nagalab-ot sa apat ka metros ang distansya sa tunga nila. Samtang, gilayon naman nga nadakpan sang kapulisan ang driver sang salakyan nga una nga nakabunggo sa biktima, samtang padayon naman ang pagpangita sang mga otoridad sa driver sang nasambit nga dump truck. #iloilonews
Post a Comment
Read more

GRADE 3 STUDENT, NA-COMATOSE SA KASTIGO SANG MGA HIGH SCHOOL STUDENTS

 Viral sa social media ang isa ka grade 3 student nga ginpulihan kastigo sang high school students sa Iligan City. Suno sa report, ginabulubanta yara sa apat ka kalalakihan ang nagkastigo sa 9 ka tuig nga bata nga lalaki nga estudyante sang Maria Cristina Falls Elementary School. Makita sa video ang pag-atake sa biktima kon paano nagbayluhanay sang sumbag kag sipa ang mga high school students sa iya lawas. Bangud sini, yara na sa Intensive Care Unit (ICU) ang biktima matapos nga nag-angkon sang nagkalain-lain nga pilas, partikular sa iya ulo. Sa separado nga pahayag, ginkondenar ni Iligan City Mayor Freddie Siao ang mabudlay nga kahimtangan sang biktima kag ginpahayag nga nakahatag na ini sang bulig sa pamilya sang biktima kag sa karon naga-coordinate sa mga otoridad. “I am deeply saddened and disturbed by the tragic incident involving a Grade 3 pupil of Maria Cristina Falls Elementary School, who is now fighting for his life in the ICU after being brutally attacked by a group of h...
Post a Comment
Read more

KONSEHAL NGA ABOGADO, GINLEKTYURAN SANG INHENYERO TUHOY SA IYA TRABAHO SA KONSEHO?

Nagpadala sang sulat si Engr. Roy Pacanan, ang OIC District Engineer sang DPWH-Iloilo City District Engineering Office (ICDEO) sa kay City Councilor Romel Duron bilang sabat sa imbitasyon sang Sangguniang Panlungsod angot sa Resolution no. 2025-735 nga may tigulo "A Resolution Calling for an Investigation in Aid of Legislation before the Iloilo City Council over All Private and Public Works Along Rivers, Creeks and Waterways in the City of Iloilo". Ginpahanumdom sang inhenyero ang abogado nga ang gahum sa pagpangusisa ukon investigation in aid of legislation, nga gintugyansa Senado kag Kongreso sang 1987 Constitution, wala nagasakop sa local legislative bodies.  Kon wala sang pahayag nga nagadumili sa Sanggunian sa pag-imbitar sang resource person para sa legislative hearing, dapat maresolbar anay ang ini nga mga isyu antes ang imbitasyon: Una, ang imbitasyon ukon nasambit nga resolution wala sang may natumod nga proposed ordinance nga nagakinahanglan sang imbestigasyon. Basi...
Post a Comment
Read more