KAHIMTANGAN SANG UNGKA FLYOVER, DAPAT MAKLARO SUNO KAY BM MONDEJAR

Ginakompormehan ni 2nd District Senior Board Member June Mondejar condemnation rally sang mga nagtililipon sa Ungka Flyover sang damlag lang agud nga makapahayag sang ila sentimento kag mapahibalo sa mga natungdan ang ila pag-antus.

Ginpahayag sini nga nagakabalak siya sa iya mga kasimanwa sa segundo distrito bangud sila ang naga-antus diri, kag mismo siya ang apektado man sa sitwasyon.

Nagalaum siya nga maklaro gid kon diin ang diperensya, ngaa nagkadiperensya, kon san-o obrahon, ano ka dugay ang pag-obra, kon diin kuhaon ang budget kag mapangitaan sang paagi nga indi mabudlayan ang tawo samtang nagahulat sa kon ano man nga solusyon nga nakita para sa sini nga Ungka Flyover.

Ginsiling sini nga dapat maklaro na kag masabat na ang mga pamangkot ukon nga madula na ang haka-haka ukon espekulasyon san mga tawo kag indi malakip sa mga ginakondenar ang mga wala sing labot sa sini nga kontrobersiya.

Ginpabutyag sini nga dapat maga-supervise sing maayo ang DPWH sa gina-obra sang kontraktor agud nga indi magkaproblema ang proyekto.

Sadto, ginasiling nga tatlo lang ka poste ang nag-usmod apang sa karon tanan nga 16 ka poste ang nag-usmod.

Makalilibog suno sa iya nga kon may geotechnical investigation, ngaa ini ang natabu. Kon may yara gid man nga ginhiwat sadto, posible sala ang pagbasa sa resulta ukon paghiwat sadto. Kon wala sang may ginhiwat sadto, posible diri ang sala bangud wala sang may pagabasehan tungod importante ini sa design sang proyekto. Ang structural design diri nagabase sa resulta sang geotechnical investigation ukon sa mangin pundasyon sang proyekto.

Sa sini nga proyekto, bored pile ang gingamit kag kon ano kalaba ini, nagadepende ini sa geotechnical investigation.

via Sanggunian In Action / FB

#iloilonews

Comments

LAWAS SANG KONDUKTOR SANG BUS, NATUNGA KAG NADUNOT MATAPOS LASAKON SANG KOTSE KAG TRAK

Nadalahig sa doble aksidente ang isa ka lalaki nga konduktor sang bus matapos mabungguan sang duha ka salakyan sa General Trias, Cavite. Suno sa report, bag-o lang nanaog sa bus ang biktima kag maga-park kuntani sang hinali na lang ini nga ginbungguan sang salakyan. Bangud sa kadasigon sang insidente, wala na makalikaw ang masunod nga dump truck rason nga nabungguan ang biktima kag naguyod sa highway. Nautod ang hawak kag naibabaw nga bahin sang lawas sang biktima, sa diin ginabulubanta nagalab-ot sa apat ka metros ang distansya sa tunga nila. Samtang, gilayon naman nga nadakpan sang kapulisan ang driver sang salakyan nga una nga nakabunggo sa biktima, samtang padayon naman ang pagpangita sang mga otoridad sa driver sang nasambit nga dump truck. #iloilonews

GRADE 3 STUDENT, NA-COMATOSE SA KASTIGO SANG MGA HIGH SCHOOL STUDENTS

Viral sa social media ang isa ka grade 3 student nga ginpulihan kastigo sang high school students sa Iligan City. Suno sa report, ginabulubanta yara sa apat ka kalalakihan ang nagkastigo sa 9 ka tuig nga bata nga lalaki nga estudyante sang Maria Cristina Falls Elementary School. Makita sa video ang pag-atake sa biktima kon paano nagbayluhanay sang sumbag kag sipa ang mga high school students sa iya lawas. Bangud sini, yara na sa Intensive Care Unit (ICU) ang biktima matapos nga nag-angkon sang nagkalain-lain nga pilas, partikular sa iya ulo. Sa separado nga pahayag, ginkondenar ni Iligan City Mayor Freddie Siao ang mabudlay nga kahimtangan sang biktima kag ginpahayag nga nakahatag na ini sang bulig sa pamilya sang biktima kag sa karon naga-coordinate sa mga otoridad. “I am deeply saddened and disturbed by the tragic incident involving a Grade 3 pupil of Maria Cristina Falls Elementary School, who is now fighting for his life in the ICU after being brutally attacked by a group of h...

KONSEHAL NGA ABOGADO, GINLEKTYURAN SANG INHENYERO TUHOY SA IYA TRABAHO SA KONSEHO?

Nagpadala sang sulat si Engr. Roy Pacanan, ang OIC District Engineer sang DPWH-Iloilo City District Engineering Office (ICDEO) sa kay City Councilor Romel Duron bilang sabat sa imbitasyon sang Sangguniang Panlungsod angot sa Resolution no. 2025-735 nga may tigulo "A Resolution Calling for an Investigation in Aid of Legislation before the Iloilo City Council over All Private and Public Works Along Rivers, Creeks and Waterways in the City of Iloilo". Ginpahanumdom sang inhenyero ang abogado nga ang gahum sa pagpangusisa ukon investigation in aid of legislation, nga gintugyansa Senado kag Kongreso sang 1987 Constitution, wala nagasakop sa local legislative bodies. Kon wala sang pahayag nga nagadumili sa Sanggunian sa pag-imbitar sang resource person para sa legislative hearing, dapat maresolbar anay ang ini nga mga isyu antes ang imbitasyon: Una, ang imbitasyon ukon nasambit nga resolution wala sang may natumod nga proposed ordinance nga nagakinahanglan sang imbestigasyon. Basi...

Iloilo News and Events

Search This Blog