Skip to main content

TUIGAN NGA GENERAL PHYSICAL EXAMINATION SA KAPITOLYO, KINAHANGLAN SUNO K...


Nag-privilege speech si 3rd District Board Member Matt Palabrica sa 43rd Regular Session sang 14th Sangguniang Panlalawigan ng Iloilo nga may tigulo 'Annual General Physical Examination of the Officials and Employees of the Iloilo Provincial Government: A Must!

Ginpahanumdom sini ang Provincial Ordinance No. 15, series of 1995 ukon ang "An Ordinance Requiring An Annual General Physical Examination for all Officials and Employees of the Provincial Government of Iloilo with Permanent and Co-Terminus Status." Nasaad diri ang tuigan nga general physical examination nga ginalakipan sang complete blood chemistry, ECG, chest X-Ray, Urinalysis, fecalysis kag sputum examination para sa acid-fast bacillus (AFB).

Himuon ang tuigan nga general physical examination sa mga ospital kag mga clinic sa idalom sang Probinsya sang Iloilo nga gindesignar sang Provincial Health Officer kag ang Human Resource Management and Development Office magatalana sang tuigan nga general physical examination first quarter sang kada tuig. Ang records sang sini nga general physical examination mangin kabahin sang personnel records para sa tuyo nga evaluation sa palaabuton, kag taguon kag i-maintain sang Human Resource Management and Development Office.

Ang kinahanglanon nga appropriations para sa supplies para diri ang dapat ilakip sa Annual Executive Budget sang Probinsya. Ang anuman nga paglapas sang sini nga Ordinansa ang mangin kabangdanan para sa disciplinary actions santu sa Civil Service laws and regulations kag iban pa nga kasuguan angot diri.

Ang Iloilo Provincial Capitol may kabug-usan nga 2,014 ka empleyado (ginalakipan sang elective, permanent, co-terminous, contractual, COSS, JOSS) kag ang Hospitals and Local Economic Enterprise may kabug-usan nga 4,593 ka empleyado nga may kabilugan nga 6,607 ka empleyado (suno sa 2021 data sang HRMDORSP).

Umpisa Enero 2021 tubtob Oktubre 2022, ang mga empleyado sa kapitolyo nga nagbista sa klinika, suno sa datus, nagapakita nga 48.5% ang para sa COVID Related Concern; 26.35% para sa issuance sang Medical Certificates for Work-Related Leaves; 8.2% para sa tract infections; 4.85% para sa prescription sang maintenance medications kag request para sa laboratory examinations; 3.05% para sa mga pilas kag other lesions; 1.95% para sa hypertension and hypertensive urgency; 1.95% para sa dyslipidemia; 2.2% para sa musculoskeletal complaints; 1.85% para sa gastro-intestinal related; kag 1.1% para sa hypersensitivity reactions.

Sang sini nga 2022, ang pinakadamo nga health concern sang mga empleyado sa kapitolyo amo ang hypertesion nga may 122 ka empleyado; 49 ang may diabetes mellitus; 20 ang may bronchial asthma; 12 ang may impaired mobility; kag yadtong nagapaidalom sa dialysis, cancer, heart-related (AMI/pacemaker) kag visually impaired may average nga 5 ka empleyado sa kada kaso.

Santu sa facts kag data, nagapakita nga ang natumod nga ordinansa kinahanglanon kag makabenepisyo ang mga opisyales kag mga empleyado sang kapitolyo tungod indi lamang ini libre nga basic medicines kundi libre man ang kinahanglanon nga mga laboratories and tests para sa common lifestyle diseases kaangay sang heart disease, diabetes, obesity, stroke, hypertension, asthma kag pulmonary disease.

Napaslawan ang Human Resource Management and Development Office sa pag-iskedyul sang annual physical examinations para sa mga opisyales kag mga empleyado, nga dapat ginahimo kada first quarter sang tuig.

Santu sa natipon nga datus, natukiban nga ang nasambit nga ordinansa nagakinahanglan sang badyet. Namutikan nga wala sang specific budget ang ordinansa.

Sadtong nakalipas nga duha ka semana, nagpa-medical laboratory siya bilang bahin sang iya ginapatuman nga annual physical examination sa iya kaugalingon kag ginpatigayon sa pribado nga ospital. Ang kabug-usan niya nga nagasto naglab-ot sa kapin 4,000 pesos nga ginalakipan sang CBC, FBS, HBA1c-HPLC, Lipid Profile, SGPT, Creatinine, kag uric acid. Ang nasambit nga kantidad magasto na para sa mga empleyado. Malaka ka makakita nga ang empleyado magpaidalom sa test kag maggasto sang kapin sa 4,000 pesos. Mas pilion niya nga ibakal ini sang pagkaon para sa iya pamilya kaysa sa gastuhon sa medical checkup, bisan pa kahibalo siya sa kaimportante sang medical checkup. Mas manami nga himuon ini kada tuig nga libre.

via Sanggunian In Action / FB
#iloilonews

Comments

Post a Comment

Popular posts from this blog

LAWAS SANG KONDUKTOR SANG BUS, NATUNGA KAG NADUNOT MATAPOS LASAKON SANG KOTSE KAG TRAK

Nadalahig sa doble aksidente ang isa ka lalaki nga konduktor sang bus matapos mabungguan sang duha ka salakyan sa General Trias, Cavite. Suno sa report, bag-o lang nanaog sa bus ang biktima kag maga-park kuntani sang hinali na lang ini nga ginbungguan sang salakyan. Bangud sa kadasigon sang insidente, wala na makalikaw ang masunod nga dump truck rason nga nabungguan ang biktima kag naguyod sa highway. Nautod ang hawak kag naibabaw nga bahin sang lawas sang biktima, sa diin ginabulubanta nagalab-ot sa apat ka metros ang distansya sa tunga nila. Samtang, gilayon naman nga nadakpan sang kapulisan ang driver sang salakyan nga una nga nakabunggo sa biktima, samtang padayon naman ang pagpangita sang mga otoridad sa driver sang nasambit nga dump truck. #iloilonews
Post a Comment
Read more

GRADE 3 STUDENT, NA-COMATOSE SA KASTIGO SANG MGA HIGH SCHOOL STUDENTS

 Viral sa social media ang isa ka grade 3 student nga ginpulihan kastigo sang high school students sa Iligan City. Suno sa report, ginabulubanta yara sa apat ka kalalakihan ang nagkastigo sa 9 ka tuig nga bata nga lalaki nga estudyante sang Maria Cristina Falls Elementary School. Makita sa video ang pag-atake sa biktima kon paano nagbayluhanay sang sumbag kag sipa ang mga high school students sa iya lawas. Bangud sini, yara na sa Intensive Care Unit (ICU) ang biktima matapos nga nag-angkon sang nagkalain-lain nga pilas, partikular sa iya ulo. Sa separado nga pahayag, ginkondenar ni Iligan City Mayor Freddie Siao ang mabudlay nga kahimtangan sang biktima kag ginpahayag nga nakahatag na ini sang bulig sa pamilya sang biktima kag sa karon naga-coordinate sa mga otoridad. “I am deeply saddened and disturbed by the tragic incident involving a Grade 3 pupil of Maria Cristina Falls Elementary School, who is now fighting for his life in the ICU after being brutally attacked by a group of h...
Post a Comment
Read more

KONSEHAL NGA ABOGADO, GINLEKTYURAN SANG INHENYERO TUHOY SA IYA TRABAHO SA KONSEHO?

Nagpadala sang sulat si Engr. Roy Pacanan, ang OIC District Engineer sang DPWH-Iloilo City District Engineering Office (ICDEO) sa kay City Councilor Romel Duron bilang sabat sa imbitasyon sang Sangguniang Panlungsod angot sa Resolution no. 2025-735 nga may tigulo "A Resolution Calling for an Investigation in Aid of Legislation before the Iloilo City Council over All Private and Public Works Along Rivers, Creeks and Waterways in the City of Iloilo". Ginpahanumdom sang inhenyero ang abogado nga ang gahum sa pagpangusisa ukon investigation in aid of legislation, nga gintugyansa Senado kag Kongreso sang 1987 Constitution, wala nagasakop sa local legislative bodies.  Kon wala sang pahayag nga nagadumili sa Sanggunian sa pag-imbitar sang resource person para sa legislative hearing, dapat maresolbar anay ang ini nga mga isyu antes ang imbitasyon: Una, ang imbitasyon ukon nasambit nga resolution wala sang may natumod nga proposed ordinance nga nagakinahanglan sang imbestigasyon. Basi...
Post a Comment
Read more